#Maxsus_dayjest

Sovuq havoda energiyaga ehtiyoj har qachongidan ham koʻproq ortadi. Hozirgi kunda hududlarda gaz taʼminoti masalasi dolzarb vazifaga aylanib, masʼullarning nazoratiga olingan. Qisqa satrlar shu haqda.

🔘“Hududgaz Toshkent” gaz taʼminoti korxonasi. Sodir boʻlishi mumkin boʻlgan xavf-xatarlarning oldini olish maqsadida joylardagi “Mehnatni muhofaza qilish va sanoat xavfsizligi” boʻlimlari chilangarlaridan iborat ishchi guruhlar aholi orasida targʻibot olib borishmoqda.

🔘Boʻka tumani. Gaz taʼminoti boʻlimi xodimlari tomonidan rejalashtirilgan grafik asosida tuman hududidagi “Chavlisoy”, “Oltish”, “Quldiroq”, “Katta ravot”, “Qoraqoʻyli” va “Mirzabek” mahalla fuqarolar yigʻinlarida yashovchi aholiga bosqichma-bosqich gaz yetkazib berilmoqda.

🔘Qibray tumani. Tuman hokimi va sektor rahbarlari birgalikda “Olmazor” mahallasida yashovchi aholi bilan uchrashib, ularning kommunal sohadagi muammolarini oʻrgandi.

🔘Zangiota tumani. “Obod turmush” mahallasi ahliga grafik asosida suyultirilgan gaz ballonlari tarqatilmoqda.

🔘Piskent tumani. “Piskenttumangaz” gaz taʼminoti boʻlimidan gazlashgan, ammo sovuq mavsumda gaz bosimi pasaygan “Fayzobod”, “Istiqlol”, “Murotali”, “Oqtepa” va “Doʻngqoʻrgʻon” fuqarolari imtiyozli narxda suyultirilgan gaz olishmoqda.

🔘Ohangaron tumani. Olis, togʻli hudud hisoblangan “Chinor” MFYga “Ohangarontumangaz” gaz taʼminoti boʻlimi tomonidan aholi ehtiyojidan kelib chiqib, qoʻshimcha gaz ballonlari yetkazildi.

🔘Yangiyoʻl shahri. Shahar hokimligi hamda “Yangiyoʻlshahargaz” taʼminoti boʻlimi tomonidan “Yangibogʻ”, “Baxt”, “Bahor” va “Ishchilar shaharchasi” mahallalariga suyultirilgan gaz ballonlari yetkazib berildi.

🔘Yuqori Chirchiq tumani. “Nurafshon” maxallasidagi 11 ta xonadon, “Mirobod” mahallasidagi 15 ta xonadon egalariga suyultirilgan gaz balonlari topshirildi.

🔘Olmaliq shahri. A.Qahhor MFYda kechasi oʻchib qolgan gazning noxush oqibatlarini oldini olish uchun mutasaddilar tomonidan vaziyat tezkorlik bilan nazoratga olindi.

📹DAYJEST VIDEOSINI FACEBOOKDA KO'RISH

#диққат

❗ФВВ фуқароларни кўчаларда эҳтиёткорликка чақирди

Қорлар эриши ва томлардан сумалакларнинг тушиши билан боғлиқ бахтсиз ҳодисаларнинг олдини олиш учун эҳтиёт бўлиш ва иложи бўлса, бинолардан узоқроқ юриш тавсия қилинди.

Шунингдек, қор массалари, сумалак ва музлар бўлиши мумкин бўлган томлари баланд уйларга яқинлашмаслик, болаларнинг бундай жойларда ўйнаши ва бўлишига йўл қўймаслик сўралди.