Беруний туманининг “Хоразм” маҳалласидаги 2 гектарга яқин қаровсиз, фойдаланилмасдан турган ҳудудда 2-сектор ташаббуси билан “Хотира боғи” ташкил этилмоқда.

Қорақалпоғистон Республикаси прокурори Э.Таджиев, Ўзбекистон Ёшлар иттифоқи марказий Кенгаши раиси Т.Поёнов ва бошқа масъуллар, туман фаоллари "Хотира боғи"нинг лойиҳаси билан танишиб, боғга яхши ниятлар билан дастлабки дарахт кўчатларини экишди.

Шунингдек, Ўзбекистон Давлат санъат ва маданият институти Нукус филиали талаблари ҳам тадбирда фаол иштирок этди.

Боғга 600 туп мевали, 300 туп манзарали иқлим шароитимизга мос дарахт кўчатлари экилди ҳамда суғориш тизими билан таъминланди. Шунингдек, боғда дам олиш жойлари, гулзорлар ташкил этиш назарда тутилган.

Шу куни маҳалла аҳолиси ва тадбирда қатнашган ишчиларга ош берилиб, нуронийларнинг дуолари олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Veb-sayt