Айни дамда Тошкент шаҳрининг ИНҲА университетида Ўзбекистон Республикаси Давлат Солиқ қўмитаси ҳузуридаги Кадастр агентлиги ва «Кўчмас мулкни рўйхатдан ўтказиш ва кадастр тизимини модернизация қилиш” лойиҳасининг «Mening Uyim» ахборот кампанияси томонидан ташкил этилган “Кадастр тизими — янги лойиҳалар, сифатли хизматлар ва барқарор натижалар сари” номли анжумани бошланди.

Агентлик директори Ҳалилилло Турахужаев - “Кадастр агентлиги янгиланиш босқичида: Соҳадаги янгиликлар, долзарб муаммолар, агентликнинг янги имиджи” мавзусидаги тақдимоти доирасида йил давомида соҳада олиб борилган фаолият натижалари, Кадастр агентлигининг янги қиёфаси, сифатли ва коррупциядан ҳоли хизматлари кўрсатишга йўналтирилган лойиҳалар хусусида сўзлаб бермоқда.

Қашқадарё вилоятида олиб борилган хатлов натижалари Геопорталда ўз аксини топади. Жараён ҳақида Давлат Кадастрлари Палатаси раиси Мохир Валиев маълумот бермоқда.
Бугунги кун ҳолатига Қашқадарё вилоятида давлат рўйхатидан ўтказилмаган жами 533 569 мингта бино-иншоотлар, 2 573,5 минг гектар қишлоқ хўжалиги ерлари хатловдан ўтказилиб, барчасига кадастр йиғма жилдлари шакллантирилди.

#Foto_xisobot

Anjumandan foto lavhalar