#kun_tarixi
25-Iyun. Baliqchi Alfred Jensen Atlantika okeani bo'ylab dunyoda birinchi bo’lib yakka o’zi yo'lga chiqdi. Gloucester (Nyu-Jersi) qishlog'ida yashovchi amerikalik baliqchi Alfred Yensen shunday qilib Amerika Qo'shma Shtatlarining 100 yilligini nishonlamoqchi edi. 13 kunlik suzib yurishdan so'ng, dengizchi turk kemasi tomonidan ko'rildi, kapitan unga ba'zi ish xizmatlari evaziga bepul manzilga eltishni taklif qildi. Biroq, Jensen rad etdi. U hech kimning yordamisiz yolg'iz okeanni kesib o'tishni va oddiy amerikalik dengizchilar nimalarga qodirligini butun dunyoga namoyish qilishni xohladi. Irlandiyaning janubiy qirg'og'ida, Centennial dovulga uchradi, bu Jenseni deyarli barcha mol-mulkidan mahrum qildi. Besh kundan keyin u Alfredon brigadasi bilan uchrashdi. Dengizchi yana yordam berishdan bosh tortib, unga faqat yashash joyining koordinatalarini, shuningdek, non va suv berishni iltimos qildi. 10 avgust kuni Jensen 46 kun ichida yolg'iz Atlantikani kesib o'tib, Uelsdagi Aberkasl portiga keldi.

#Расмий_муносабат

ЖИЗЗАХ вил. – “Агрофирма ерлари сотилиши қонунийми?”

Бизларни ижтимоий тармоқларда кузатиб боринг 👇👇👇

Telegram Instagram YouTube Facebook

#soha_ilgori
Сохамиз илғори Холов Баҳриддин Мухамедович

Бизларни ижтимоий тармоқларда кузатиб боринг 👇👇👇

Telegram Instagram YouTube Facebook

Davyergeodezkadastr qo'mitasi tashabbusi bilan hozirda sinov tariqasida foydalanilayotgan Jizzax viloyati Forish tumanidagi Gibrid turdagi muqobil energiya manbai orqali tomchilatib sug'orish amaliyoti O'zbekiston24 kanalida

Бизларни ижтимоий тармоқларда кузатиб боринг 👇👇👇

Telegram Instagram YouTube Facebook

"Тупроқшунослик ва агрокимё" илмий журнали мақолалар учун танлоқ эьлон қилади

Каналга уланиш: @taiti_soil
Чат: @tuproq_klinikasi

#matbuot_anjumani2020
Бугун Қашқадарё вилояти «Ермулккадастр» ДК раҳбари Ғ. Ҳамроев иштирокида брифинг бўлиб ўтди

#Milliy_hisobot

Ushbu ma'lumotlar O’zbekiston Respublikasi yer resurslarining 2020 yil 1 yanvar holati to’g’risidagi Milliy hisobotdan olindi.

Bizlarni ijtimoiy tarmoqlarda kuzatib boring 👇👇👇

Telegram Instagram YouTube Facebook

E-Ijro auksion qanday ishlamoqda? Andijon viloyati misolida O'zbekiston24 kanalining lavhasini tomosha qiling

Bizlarni ijtimoiy tarmoqlarda kuzatib boring 👇👇👇

Telegram Instagram YouTube Facebook

Фуқаро М.Х.Умаровнинг Facebook ижтимоий тармоғида йўллаган видео мурожаати юзасидан расмий муносабат

📑 Фуқаро М.Х.Умаров уй-жойни номига расмийлаштириб берилмаётганидан норози бўлиб, мурожаат қилган.

🔍Аниқланишича, Ўзбекистон Республикаси Вазирлар Маҳкамасининг 2018 йил 21 июндаги 461-сонли қарори билан тасдиқланган низом талабларига мувофиқ Юнусобод тумани, Янги Тарнов кўчаси, 57-уй-жой жойлашган ер майдонига ва унда қурилган қурилмаларга ҳуқуқ турини белгилаб бериш юзасидан Юнусобод туман “Давлат хизматлар маркази”га, фуқаролар М.У.Қучкарова 2019 йил 12 февралда, В.М.Умарова 2019 йил 20 мартда, М.Х.Умаров 2019 йил 26 февралда ва И.И.Ходжаев 2019 йил 22 февралда мурожаат қилишган.

🏠Мазкур мурожаатларга мувофиқ, Янги Тарнов кўчаси, 57-уй-жой хатловдан ўтказилган ва техник плани тайёрланган. Бунда уй-жой 1877.00 кв.м.га тенг ер майдонида жойлашиб, умумий фойдаланиш майдони 284,69 кв.м., яшаш майдони 234,12 кв.м.га тенг 13 та яшаш хонаси, 3 та дахлиз, 1 та хужра, 2 та ошхона, 2 та хаммом-хожатхона, 1 та ертула, 1 та хаммом, 5 та омборхона, 1 та хожатхона ва 3 та соябонлардан иборат бўлган.

📋Комиссия томонидан мазкур уй-жойда яшовчи фуқаролар ўртасида низо бўлганлиги ва юқорида қайд этилган низомнинг 16-банди 2-хатбошисида “Фуқаролар ўртасидаги мулкий низоларни хал этиш комиссия ваколатига кирмайди, бундай низолар қонун ҳужжатларида белгиланган тартибда ҳал этилади. Бунда мулкий низолар хал этилганидан сўнг ўзбошимчалик билан қурилган иморатнинг эгаси бир марталик акция муддати тугагунга қадар ушбу низомда белгиланган тартибда мурожаат этиш хуқуқига эга” деб белгиланганлиги инобатга олиниб, мурожаатларга рад жавоби берилган.

📃Шундан сўнг, фуқаро М.Х.Умаров мурожаати рад этилганидан норози бўлиб, Юнусобод туман маъмурий судига юқорида қайд этилган манзилдаги уй-жойда ўзбошимчалик билан қурилган қурилмаларга унинг мулк ҳуқуқини белгилаб бериш мажбуриятини ҳокимият зиммасига юклаб беришни сўраб мурожаат қилган.

📝Юнусобод туман маъмурий судининг 2019 йил 16 ноябрдаги ҳал қилув қарорига мувофиқ, М.Х.Умаровнинг шикояти қаноатлантирилган ҳамда туман ҳокимлиги зиммасига Юнусобод тумани, Янги Тарнов кўчаси, 57-уйдаги ўзбошимчалик билан қурилган қурилмаларга нисбатан мулк ҳуқуқини белгилаб бериш тўғрисида М.Х.Умаровнинг мурожаати юзасидан қонунга мувофиқ қарор қабул қилиш мажбурияти юклатилган.

📝Юнусобод туман ҳокимининг 2020 йил 29 майдаги “Якка тартибдаги уй- жойларга нисбатан мулк ҳуқуқини эътироф этиш хақида”ги қарорига мувофиқ Янги Тарнов кўчаси, 57-уйдаги ҳуқуқ тури белгиланмаган 1623.00 кв.м. ер майдонида жойлашган бино ва иншоотларга нисбатан мархума Т.Хаджиева номига мулк ҳуқуқи эътироф этилган. Лекин, фуқаро Б.Ф.Умаров, В.М.Умарова ва Г.Ф.Худайбергановаларнинг судга қилинган илтимосларига мувофиқ, Тошкент шаҳар, Юнусобод тумани маъмурий судининг 2020 йил 29 майдаги “Юнусобод туман маъмурий судининг 2019 йил 16 ноябрдаги ҳал қилув қарори ижросини тўхтатиш” юзасидан ажрими қабул қилинганлиги муносабати билан, юқоридаги мулк ҳуқуқини эътироф этиш юзасидан қабул қилинган туман ҳокимининг қарори ижрога қаратилмаган.

📝Юқорида қайд этилган манзилда яшовчи оилалар ўртасида ер майдонидан ва бино-иншоотлардан фойдаланишда ҳамда унга мулк ҳуқуқини олишда низо борлигини инобатга олиб, мазкур уй-жой жойлашган ер майдони ва унда қурилган бино-иншоотларни мурожаатчи фуқаро М.Х.Умаровнинг номига эътироф этиш учун асос йўқ.

📝Шунингдек, мурожаатчига Янги Тарнов кўчаси, 57-уй-жойдаги ер майдони ва унда қурилган бино-иншоотларга нисбатан мархума Т.Хаджиева номига ҳуқуқ тури белгилаб берилган туман ҳокимининг қарори ижрога қаратилган тақдирда, меросхўрлар меросни қабул қилиб ва улар ўртасида ер майдони ва унда жойлашган бино-иншоотлардан фойдаланиш тартиби белгиланганидан сўнг, алоҳида кадастр хужжатлари расмийлаштириб берилиши юзасидан бир неча бор ҳокимият ва кадастр вакиллари томонидан тушунтиришлар берилган, келишувга эришилмаган тақдирда, Ўзбекистон Республикаси Ер кодексининг 89-моддаси ва Уй-жой кодексининг 140-моддаси талабларига асосан суд органларига мурожаат этиши мумкинлиги тавсия этилган.

Telegram │ Facebook │Instagram

Муҳтарам дўстлар!

Барчангизни 27 июнь – Матбуот ва оммавий ахборот воситалари ходимлари куни билан чин қалбимдан самимий табриклаб, сизларга ўзимнинг юксак ҳурматим ва эзгу тилакларимни билдираман.

Фурсатдан фойдаланиб, жаҳон миқёсида юз берган пандемия туфайли вужудга келган бугунги мураккаб вазият ва қийинчиликларга қарамасдан, аҳолига тезкор ва ишончли ахборот етказиб бериш, мамлакатимизда амалга оширилаётган демократик ислоҳотларни атрофлича акс эттириш йўлида ўз профессионал бурчини сидқидилдан адо этиб келаётган сиз, журналистлар аҳлига чуқур миннатдорчилик билдираман.

Ҳурматли оммавий ахборот воситалари ходимлари!

Сизларга аёнки, мамлакатимиз тараққиётини янги босқичга кўтаришда ахборот соҳасини тубдан ислоҳ қилиш ва ривожлантиришга жиддий эътибор қаратилмоқда.

Кейинги уч йилда бу борада ўндан зиёд қонун ҳужжатлари қабул қилингани ҳам бу фикрни тасдиқлайди. Хусусан, “Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида”ги Президент қарорига мувофиқ бу соҳада янги тизим яратилди.

Давлат органлари ва ташкилотлари фаолиятининг очиқлигини таъминлаш мақсадида ўтган бир йил давомида кўплаб вазирлик ва идораларда ахборот хизматлари замон талаблари асосида қайтадан, 201 та туман ва шаҳар ҳокимликларида эса биринчи марта ташкил этилди.

Ана шу хизматлар томонидан ижтимоий жараёнлар ҳақида ишончли ахборот бериш мақсадида матбуот анжуманлари, брифинглар, медиатурлар ташкил этилмоқда, ҳаётимиздаги муаммо ва ҳодисаларга тезкор муносабат билдирилмоқда, уларнинг веб-сайтлар, ижтимоий тармоқлар, мобиль мессенжерлардаги саҳифалари янгилаб борилмоқда.

Охирги йилларда мамлакатимизда катта аудиторияга эга бўлган қарийб 290 та хусусий ва идоравий Интернет нашрлари ташкил этилди. Улар бошқа материаллар қаторида энг муҳим расмий ахборотлар, норматив-ҳуқуқий ҳужжатларни ўзбек, рус ва инглиз тилларида тарқатмоқда.

Энг асосийси, оммавий ахборот воситалари мамлакатимизда амалга оширилаётган кенг кўламли ўзгариш ва янгиланиш жараёнларини ҳар томонлама таҳлил қилиб, жойлардаги ижтимоий муаммолар, хато ва камчиликларга давлат идоралари ва жамоатчилик эътиборини қаратаётганини алоҳида қайд этиш лозим.

Албатта, бугун биз ҳамма соҳада, жумладан, оммавий ахборот воситаларини ривожлантириш борасида ҳам изланишдамиз. Бинобарин, бу йўлда ютуқлар билан бирга, камчилик ва нуқсонлар бўлиши ҳам табиийдир.

Бу ҳақда гапирганда, миллий медиа майдонимизда замоннинг ўткир талаб ва мезонлари, энг муҳим тенденцияларини очиб бериш, танқидий таҳлил, одамлар кутаётган мавзу ва муаммоларни дадиллик билан ўртага ташлаш ҳали ҳам етакчи ўрин эгалламаётганини айтишга тўғри келади. Афсуски, аксарият ахборот воситаларида ижтимоий салмоғи енгил бўлган, ҳисобот ва баландпарвозлик руҳидаги материаллар ҳануз устунлик қилмоқда.

Яна бир муҳим масала – айрим журналист ва блогерларимизда билим ва профессионал малака, баҳс маданияти етишмаслиги жамоатчиликни ташвишлантирмоқда.

Бу борадаги энг асосий вазифа – ана шундай камчиликларни чуқур ўрганиб, уларни бартараф этиш, мавжуд миқдор кўрсаткичларини сифат кўрсаткичларига айлантириш, оммавий ахборот воситаларининг самарадорлигини оширишдан иборат.

Биз бугун ҳуқуқий демократик давлат қураётган эканмиз, журналистиканинг бутун дунёда эътироф этилган, ўзгармас талаб ва мезонларига амал қилишимиз зарур. Бу мезонларнинг энг асосийси – холислик ва ҳаққонийликдир. Бинобарин, матбуот майдонига кирган инсон – у журналист бўладими, блогер бўладими, бундан қатъи назар – ана шу қоидаларга амал қилиши шарт.

Биз бўлғуси журналистларимиз чуқур билим ва касб маҳоратини, она тилимиз билан бирга чет тилларни, фаол фуқаролик позициясини, ахборот-коммуникация технологиялари, нотиқлик малакасини пухта эгаллашларига алоҳида эътибор қаратишимиз зарур.

Ана шундай етук кадрларни тайёрлашда энг аввало ўзимизнинг бой маънавий меросимизга таянсак, албатта натижа бўлади. Бу борада жадидлар, хусусан, бу йил 145 йиллик таваллуд санаси кенг нишонланаётган улуғ аллома ва публицист Маҳмудхўжа Беҳбудийнинг миллий журналистика мактаб

и айниқса муҳим аҳамиятга эга.

Сиз азизларнинг бугунги касб байрамингиз баҳона бир эзгу таклифни илгари сурмоқчиман. Ўзбекистон журналистика ва оммавий коммуникациялар университети талабалари учун Маҳмудхўжа Беҳбудий номидаги стипендияни таъсис этсак, ўйлайманки, бу ҳам ёшларимизни миллий ғоя руҳида тарбиялашга хизмат қилади.

Шунингдек, айни вақтда жаҳондаги етакчи медиа компанияларининг кадрлар тайёрлаш ва улар билан ишлашга оид тажрибасини чуқур ўрганиб, чет эллик журналистлар билан тажриба алмашиш, халқаро ҳамкорликни кучайтиришимиз зарур.

Муҳтарам матбуот ва оммавий ахборот воситалари ходимлари!

Сизларни ва сизларнинг ижод маҳсулингиздан баҳраманд бўладиган жамики муштарий ва мухлисларингизни касб байрамингиз билан яна бир бор самимий муборакбод этаман.

Барчангизга сиҳат-саломатлик, янги ютуқлар, хонадонларингизга файзу барака тилайман.

Шавкат Мирзиёев,
                                               Ўзбекистон Республикаси Президенти

#TABRIKNOMA

"27-IYUN MATBUOT VA OMMAVIY AXBOROT VOSITALARI XODIMLARI KUNIGA DAVYERGEODEZKADASTR QO'MITASI RAISINING TABRIKNOMASI

Ommaviy axborot vositalari hayotimizdagi jamiki kasblarning yig‘indisiga o‘xshaydi. U istalgan mavzuda so‘zlash imkoniyatiga ega.
Bugungi kundagi Ommaviy axborot vositalari faoliyatini kechagi kun bilan solishtirib bo‘lmaydi. Sababi bugun ommaviy axborot vositalari xodimlari tom maʼnoda xalq oldida chinakam Qahramonga aylanishdi.

Chunki ular bugun Xalqning dardini va muammolarini olib chiqib ularni hal etilishida o‘zining ijobiy taʼsirini ko‘rsatishmoqda.

Avvalo Mana shunday mardlarga maydonni ochib bergan Prezidentimizdan biz juda minnatdormiz.
Muhtaram prezidentimizning tashabbuslari bilan barcha vazirlik va idoralarda axborot xizmati faoliyati yo‘lga qo‘yildi. Matbuot kotiblar rahbar o‘rinbosari darajasiga tenglashtirildi.
Jumladan O‘zbekiston Respublikasi Yer resurslari, geodeziya kartografiya va davlat kadastri davlat qo‘mitasida hamda uning tizimidagi hududiy boshqarma, korxona va tashkilotlarda matbuot kotiblar faoliyati yo‘lga qo‘yildi va hozirda biz kerak bo‘lsa 24 soat mobaynida uzluksiz kunu-tun ommaviy axborot vositalari bilan yaqin hamkorlikda ishlab kelmoqdamiz.
Matbuot xizmatimiz yangiliklar va innovatsion xabarlarni vaqtida taqdim etish bilan bir qatorda, ijtimoiy tarmoqlarda tarqalgan turli xil tanqidiy maqolalarga o‘z vaqtida munosabat bildirib, joyi kelganda xodimlardan noto‘g‘ri ayblovlarni olib tashlash, ularni nomini oqlash ishlarida ham o‘zini namoyon etmoqda.

Fursatdan foydalanib mana shunday ajoyib kunda kasb bayrami bilan barcha ommaviy axborot vositalari xodimlarini qo‘mitamiz jamoasi nomidan samimiy qutlaymiz. Ijod ahliga faoliyatlarida qaynoq ishtiyoq va zafarlar tilaymiz!

Bayramingiz muborak bo‘lsin!
Davyergeodezkadastr qo‘mitasi Raisi
Abdushukur Abdullayev

Yoshlar sohamiz kelajagi.