❇️Ўзбекистон Республикаси президенти Ш. Мирзиёев томонидан имзоланган "Коронавирус пандемияси даврида ижтимоий ҳимояга муҳтож аҳоли қатламларини қўллаб-қувватлашга доир қўшимча чора тадбирлар тўғрисида"ги фармонга асосан моддий ёрдам ва кўмакка муҳтож 400 мингдан ортиқ оилага Ўзбекистон Республикаси бюджетидан бир марталик моддий ёрдам кўрсатилади.

Яшнобод туман ҳокими Ходжиакбар Тиллашайхов ва тумандаги сектор раҳбарлари томонидан тўртта секторда ўтказилган йиғилишларда ёрдам пуллари ўз эгаларига етиб боришида шаффофликни таъминлаш муҳим эканлиги таъкидланди. Бу жараёнга жалб қилинган ҳар бир масъул ўз вазифасини виждонан бажариши лозимлиги айтиб ўтилди. Йиғилишда моддий ёрдам аҳолининг ҳақиқатан муҳтож қатламларига етиб бориши кераклиги уқтирилди. Пулларни тарқатишда қонунбузарликка йўл қўйган шахслар жиноий жавобгарликка тортилиши тўғрисида огоҳлантириш берилди. Яшнобод туманида 3095 оилага моддий ёрдам кўрсатилади.

🚑Коронавирус билан касалланган беморлар сонининг кўпайиши туфайли юртимиздаги тиббиёт муассасалар кучайтирилган тартибда ишламоқда. Жумладан Яшнобод туманидаги тиббиёт муассасалар аҳолига куну тун хизмат кўрсатмоқда. 2 сонли туманлараро фтизиатрия диспансерида фаолият бошлаган COVID марказ, 27,28,29,30,31,32 оилавий поликлиникалар ва кўп тармоқли марказий поликлиника шулар жумласидандир.

👨‍⚕Яшнобод туман ҳокими Ходжиакбар Тиллашайхов мазкур тиббиёт муассасаларда бўлди. Бу ердаги иш жараёнлари билан танишди. Айни вақтда юқорида санаб ўтилган поликлиникаларда мобил гуруҳлар фаолияти йўлга қўйилган. Улар коронавирус аломатлари бўлган беморларга 24 соат давомида хизмат кўрсатмоқда. Шунингдек поликлиникаларда вирус билан касалланганлар учун дорилар захираси шакллантирилган. Дори воситалари коронавирусни юқтириб олган ва ўз хонадонида даволанаётган беморларнинг яшаш манзилига етказиб берилмоқда.

200 дан ортиқ оилага ёрдам берилди

Коронавирус пандемияси даврида аҳолининг кўмакка муҳтож, эҳтиёжманд қатламларини қўллаб-қувватлаш мақсадида юртимизда хайрли ишлар амалга оширилмоқда. Яшнобод тумани ҳокимлиги ва сектор раҳбарлари ташаббуси билан боқувчисини йўқотган, моддий томондан қийналиб қолган ва ногиронлиги бўлган 200 дан ортиқ оилаларга асосий турдаги озиқ - овқатлар тарқатилди. Қурбон хайити нишонланаётган бир вақтда амалга оширилган бу эзгу ишлар туман аҳолисини кўнглини кўтарди. Яшнобод туман ҳокими Ходжиакбар Тиллашайхов озиқ-овқатларни тарқатиб, туман аҳолисини байрам билан табриклади. Бундай ташаббус келгусида ҳам давом эттирилади.

🖌Яшнобод туман ҳокимлиги матбуот хизмати

https://t.iss.one/yashnobodtumanhokimligi

Ёшлар билан учрашув бўлиб ўтди

Бугун Яшнобод туман ҳокими Ходжиакбар Тиллашайхов тумандаги меҳрибонлик уйларида тарбияланиб, мустақил хаётга қадам қўйган ёшлар билан учрашди. Учрашувда ёшларни қийнаётган масалалар муҳокама қилинди. Туман ҳокими карантин даврида уларни асосий турдаги озиқ-овқат маҳсулотлари ва дори-дармон воситалари билан таъминланишини маълум қилди.

Ёшлар вақтини беҳуда сарфламаслиги учун уларни ишга жойлаш масаласи муҳим эканлиги ва бунда Яшнобод туман ҳокимлиги ёрдам кўрсатиши таъкидланди.


🖌Яшнобод туман ҳокимлиги матбуот хизмати

https://t.iss.one/yashnobodtumanhokimligi