Бугун Яшнобод туман ҳокимлигида коррупцияга қарши курашиш ва манфаатлар тўқнагуви ҳолатларини олдини олишга бағишланган йиғилиш бўлиб ўтди.

💠 Унда Халқ депутатлари Тошкент шаҳар Кенгаши депутати Тасполат Матибаев, Туман ҳокимининг ўринбосари М.Турсунова, халқ депутатлари Яшнобод тумани Кенгаши котибияти мудири А.Керимов, Яшнобод туман Адлия бўлимининг бош маслаҳатчиси Б.Махмудов Тошкент шаҳар ҳокимлигининг Коррупцияга қарши ички назорат бўлими масъул ходими, ҳоким ўринбосарлари, ҳокимлик ходимлари, маҳаллалардаги ҳоким ёрдамчилари иштирок этдилар.

💠 Сўзга чиққанлар бугунги кунда давлат ташкилотлари фаолиятида коррупсиянинг авж олишига ҳамда давлат ташкилоти ходимларининг ўзининг ва яқин қариндошларининг манфаатларини кўзлаб давлат ва жамият манфаатларига зарар етказиш каби салбий ҳолатлар юзага келаётганлиги айтиб ўтилди.

💠 Шунингдек йиғилишда Ўзбекистон Республикасининг "Манфаатлар тўқнашуви тўғрисида"ги Қонуни қабул қилинганлиги, мазкур Қонунда "манфаатлар тўқнашуви" тушунчасига аниқ таʼриф берилганлиги, манфаатлар тўқнашуви кимлар ўртасида ва қачон вужудга келиши мумкинлиги тўғрисида кўрсатиб ўтилганлиги, давлат ташкилоти ходимлари, уларнинг яқин қариндошлари ва уларга алоқадор шахсларнинг манфаатлар тўқнашувининг олдини олиш соҳасидаги ҳуқуқ ва мажбуриятлари, чекловлар, жумладан Қонун талабларини бузганлик учун жавобгарлик белгиланганлигини ҳамда Қонуннинг мазмун-моҳиятини йиғилиш иштирокчиларига батафсил тушунтирилди.

💠 Йиғилиш сўнггида маҳаллий давлат ҳокимият органларининг барча ходимлари келгусида коррупциянинг ҳар қандай кўринишларига қарши кескин курашиш, юклатилган функционал хизмат вазифаларни қонун талаблари асосида сидқидилдан бажариш, таниш-билишчилик, масъулиятсизлик, тамагирлик ва манфаатлар тўқнашувига ҳамда коррупцияга оид ҳуқуқбузарликларга йўл қўймаслик, давлат хизматчисининг касб этикаси, одоб-ахлоқ қоидаларига қатъий риоя этган ҳолда юклатилган вазифаларни ҳалоллик, масъулият ва садоқат билан адо этиш ҳақида тўхталиб ўтилди.