#Тайинлов
# Таълим_ислохатлари амалда
☸️Ўзбекистон Республикаси Президенти Ш. М. Мирзиёевнинг 25.01.2023 йилдаги ПФ-14 фармони ижросини таъминаш мақсадида Ўзбекистон Республикаси Халқ таълими вазирлиги тугатилиб, янги "Мактабгача ва мактаб таълими вазирлиги" иш бошлади.
📚Бугун Тошкент вилоятида илк "Мактабгача ва мактаб таълими бўлими" бошлиғи Янгийўл шаҳрида тайинланди.
Бу эса ўз ўрнида шаҳримизнинг таълим сохибларига янада катта масъулият юклайди.
Тошкент вилояти мактабгача ва мактаб таълими бўлими бошлиғининг биринчи ўринбосари Ғ.Ҳамроев Янги Ўзбекистонда таълимга бўлган эътибор, олдимизга қўйилаётган талаблар, янгиланаётган Ўзбекистонда замонавий раҳбарга қўйилаётган талаблар билан таништириб ўтдилар.
Тошкент вилоятида биринчи бўлиб ММТБ бошлиғини тайинлаб, таништириш учун айнан Янгийўл шаҳри танлаб олинганлиги,тавсия этилаётган номзод шу кунгача Халқ таълими бўлими мудири вазифасида иш фаолиятини олиб бораётган,шижоатли,ўз касбининг мохир устаси,юзлаб шогирдлар тарбиялаган Алимова Муҳаббат Эрматовна танланиб, ўз ўрнида муносиб раҳбар тайинланганлиги, собиқ МТБ ва ХТБ раҳбарлари энди ягона ММТВ қўл остида ҳамжихатликда иш бошлашлари эълон қилинди.
📚Шаҳар Ҳокими Ф. Қ. Мирзаев ушбу тадбирда иштирок этиб, Янгийўл шаҳрида мактабгача таълим муассасалари, умумтаълим мактабларида яратилган шароитлар, мавжуд имкониятлар тўғрисида энг аввало ҳар бир раҳбарнинг масъулияти, сифат учун, натижа учун меҳнат қилиши, энг асосийси, ўсиб келаётган ёш авлодга таълим- тарбия беришда энг замонавий усуллардан фойдаланган холда, меҳнат фаолиятини ташкил этиш зарурлиги,янги тайинланган Мактабгача ва мактаб таълими бўлими бошлиғига ишонч билдириб, янги иш бошлаган бўлимга муваффақиятлар, жипслашиб, ягона оилада иш ташкил қилиш зарурлиги тўғрисида кўрсатмалар бериб ўтди.
📚 Янги ташкил этилган Янгийўл шаҳар ММТБ га, унинг раҳбари М. Алимовага нафақат Тошкент вилояти, балки бутун Республикамиз рейтингида етакчи ўринларни эгаллашларини тилаймиз! Омад Сизларга ёр бўлсин!
@YangiyolliklarUz