🔹 Куни кеча 330-умумтаълим мактабида туман ҳокими ҳоким ва битирувчи ёшлар ўртасида ўтказилган учрашув кўпчиликда катта таассурот қолдирди.

🟣 Самимий руҳда бўлиб ўтган суҳбат давомида туман ҳокими битирувчи ёшларга келажакда яхши лидер, жамият ҳаётида керакли инсон бўлишлари учун ўзи тажрибаларидан келиб чиққан ҳолда керакли маслаҳатлар берди.

✅ Эътиборлиси, учрашув давомида туман ҳокимлиги томонидан Гулруҳ Умарова, Беҳруз Қурбонов каби бир қанча ёшларга тикув машиналари ҳамда компютер тўпламлари топширилди.

Тelegram | Facebook | Instagram | YouTube | Web-site

🔹 Встреча хокима района с выпускниками 330-й общеобразовательной школы, которая состоялась на днях, произвела на многих глубокое впечатление.

🟣 В ходе беседы, прошедшей в теплой атмосфере, хоким района дал выпускникам необходимые советы, основанные на собственном опыте, чтобы они в будущем могли стать хорошими руководителями, нужными в общественной жизни людьми.

✅ Примечательно, что в ходе встречи хокимият района передал швейные машинки и компьютерные комплекты ряду молодых людей, в том числе Гулрух Умаровой и Бехрузу Курбанову.

Тelegram | Facebook | Instagram | YouTube | Web-site

🏞 Янгиҳаётда ёзги таътил қандай ўтади?

📌 Бугун туман ҳокимлиги матбуот хизмати томонидан ташкил этилган навбатдаги матбуот анжуманида шу мавзуда сўз борди.

🏕 Матбуот анжуманида хабар қилинганидек, жорий йилнинг 3 июнидан 26 июлига қадар тумандаги 5 та мактабда ёзги оромгоҳларни, қолган 10 та умумтаълим мактабларида соғломлаштириш майдончалари ташкил этилиб, 5 ташаббус доирасида тўгараклар фаолият юритади. Шунингдек, маҳаллаларда ёшларнинг бўш вақтини мазмунли ташкил этиш борасида ҳам бир қатор ишларни амалга ошириш кўзда тутилган.

🟢 Матбуот анжумани сўнггида тумандаги 332-сонли мактаб мисолида ёзги оромгоҳларда яратилган шарт-шароитлар журналист ва блогерларга таништирилиб, ҳокимлик масъуллари томонидан барча саволларга жавоб берилди.

Тelegram | Facebook | Instagram | YouTube | Web-site

🏞 Как пройдут летние каникулы в Янгихаётском районе?

📌 Этот вопрос обсуждался сегодня на очередной пресс-конференции, организованной пресс-службой хокимията района.

🏕 Как сообщили на пресс-конференции, с 3 июня по 26 июля текущего года в 5 школах района будут организованы летние лагеря, в остальных 10 общеобразовательных школах будут действовать оздоровительные площадки, в рамках 5 инициатив будут работать кружки. Также планируется провести ряд мероприятий по организации содержательного досуга молодежи в махаллях.

🟢 В завершение пресс-конференции журналистов и блогеров ознакомили с условиями, созданными в летних лагерях на примере школы №332 района. Также даны ответы на другие вопросы по теме.

Тelegram | Facebook | Instagram | YouTube | Web-site

Президент раислигида видеоселектор йиғилиши бошланди.

Давлатимиз раҳбари сўзининг аввалида Ўзбекистон Қаҳрамони Лолахон Муродовани хотирлади:

“Мен Лолахон опани кўп йиллардан буён жуда яхши билар эдим. Охирги пайтларда бетоб бўлиб, даволанаётган эдилар. Биз у киши билан доимо гаплашиб, самимий мулоқот қилар эдик. Хасталикларига қарамасдан, ҳар доим кўтаринки кайфиятда бўлиб, эл-юрт ташвиши, ўз касбига садоқат билан яшадилар. Ҳалол ва фидокорона меҳнатдан бир дақиқа ҳам тўхтамадилар.

Лолахон опа ҳаёти давомида жуда кўп қийинчилик ва синовларни бошидан ўтказдилар. Мустаҳкам иродаси ва матонатини намоён этиб, фақат олдинга интилиб яшадилар. Опанинг улкан ғайрат ва шижоатига қойил қолардим.

Ҳақиқий ўзбек деҳқон аёли тимсолига айланиб, давримизнинг чинакам қаҳрамони сифатида яшадилар.

Ишончим комил, Лолахон опа яратган катта мактабни у кишининг шогирдлари, ўниб-ўсиб келаётган ёшларимиз албатта муносиб давом эттиради. Бу фидойи ва ватанпарвар юртдошимизнинг ёрқин хотираси қалбларимизда ҳамиша сақланиб қолади”.

“Дунёда кун сайин озиқ-овқат билан боғлиқ чекловлар ва нархларнинг ўсиши кучаймоқда. Албатта, бу бизга ҳам таъсир кўрсатмоқда.

Лекин, ҳамма вилоят, туман ва шаҳар ҳокимлари ҳам дунёда бўлаётган вазиятни баҳолаб, ишини тўғри ташкил қилаётгани йўқ. Буни бозорларимиздаги нарх-наво кўрсатиб турибди.

Жумладан, май ойида инфляция даражаси 1 фоизга ошиб, бу ўтган йилга нисбатан юқори бўлди.

Албатта, нарх-навонинг ўсишига жаҳон бозорларида буғдой нархи 50 фоизга, ўсимлик ёғи – 33 фоизга, шакар – 14 фоизга, нефть – 47 фоизга ошгани бевосита таъсир кўрсатмоқда.

Бундай шароитда ҳокимлар барча ички имкониятларни сафарбар этиб, бозорларни маҳсулотлар, энг муҳими – озиқ-овқат билан тўлдириш учун икки карра кўпроқ ишлашлари шарт.

Лекин, кўп ҳокимлар нарх-навога эътибор қилмасдан, жиловни қўлидан чиқариб юборган”, деди Президент йиғилишда.

Уч кун муддатда барча маҳалла ва қишлоқларда асосий маҳсулотлар билан таъминлаш даражасини ўрганиб, керак бўлса, бошқа ҳудудлардан тезкорлик билан етказиб бериш вазифаси қўйилди.

“Асосий мақсадимиз – аҳолини рози қилиш эканини бир зум ҳам унутмаслик лозим. Нархларни сунъий ушлаб туриб, бу масалада кўзбўямачилик ёки ура-урачиликка йўл қўйиб бўлмайди”, деди Президент.

Барча шароитлар яратиб берилганига қарамай, 8 та вилоятда парранда гўштини етиштириш аҳоли талабининг 70 фоизини ҳам таъминламаётгани танқид қилинди.

Паррандачилик хўжаликлари билан учрашувларда 20 дан ортиқ муаммо ва таклифларни кўтарилган. Жумладан, паррандачилик йўналишидаги 50 дан зиёд йирик корхона 50 фоиз қувватда ишламоқда. Сабаби - ҳудудларда лойиҳаларни танлаш ва жойлаштириш ишлари тўғри йўлга қўйилмаган.

Бугунги кунда бир дона тухумнинг ўртача таннархи 1 минг сўм бўлса, унинг улгуржи нархи 900 сўмдан ошмаяпти.

“Паррандачилик корхоналари раҳбарлари вазиятни тушуниб, тухум нархини оширмаяпти, бунинг учун уларга раҳмат.

Лекин, қайси вилоят, туман ва шаҳар ҳокими улар билан учрашиб, озуқа ем, транспорт, айланма маблағ масалаларида ёрдам бераяпти, деган саволга, афсуски, ижобий жавоб йўқ”, деди Президент.

Президент паррандачилик хўжаликларини ем билан таъминлаш масаласини тўлиқ ҳал қилиш вазифасини қўйди.

Бунинг учун:

- паррандачилик хўжаликларига буғдой сотиб олиш учун 400 миллиард сўм револьвер кредит ажратилади;

- паррандачилик корхоналарининг айланма маблағларини кўпайтириш учун олинадиган тижорат кредитларга Тадбиркорлик жамғармасидан гаров таъминотининг 50 фоизига кафиллик бериш ва 17 фоиздан ошган қисмини компенсация қилиш тизими жорий қилинади;

- пандемия даврида паррандачилик корхоналарининг жами 834 миллиард сўм, шундан 2022 йилда 400 миллиард сўм олган кредитлари муддати узайтирилади.

Бу шароитлардан фойдаланиб, мутасаддилар вилоят ҳокимлари билан бирга, парранда гўшти ишлаб чиқаришни йил якунига қадар камида 35 фоизга ошириб, 600 минг тоннага етказиши шартлиги кўрсатиб ўтилди.

Парранда маҳсулотлари бозорини таҳлил қилиш ва лойиҳаларни тўғри жойлаштириш мақсадида маҳсулотларни ишлаб чиқаришдан сотишгача бўлган барча жараёнларни рақамлаштириш топширилди.

Йиғилишда хонаки товуқларни кооперация асосида боқишни кенгайтириш вазифаси қўйилди. Давлатимиз раҳбари Нуробод тумани тажрибасини мисол қилиб келтирди.

Бир йил олдин ушбу туман ўзини тухум билан 50 фоизга, парранда гўшти билан 40 фоизга таъминлар эди.

Жорий йилда туманнинг барча маҳалласига лидер тадбиркорлар инкубатор тарқатиб, аҳоли билан бирга парранда гўшти ва тухум етиштиришни йўлга қўйдилар.

Натижада, бугунги кунда ушбу туман ўзини тухум ва гўшт маҳсулотлари билан таъминлаш билан бирга, Самарқанд шаҳри, Пастдарғом ва Каттақўрғон туманларига ойига 140 мингта тухум етказиб бермоқда.

Мазкур тажрибани ўзининг тухум ва парранда гўштига эҳтиёжини қопламайдиган 50 та туманнинг 200 та маҳалласида йўлга қўйига топшириқ берилди. “Ушбу туман ҳокимлари йил якунигача ўзгариш қилмаса, хулоса жиддий бўлади”, деди Президент.

Ушбу маҳаллалар учун оилавий тадбиркорлик дастурлари асосида 200 миллион сўмдан имтиёзли кредитлар ажратилиши, ушбу маблағлар ҳисобидан аҳоли жўжалар ва озуқа билан таъминланиши белгиланди.