Олоҥхо декадатын алгыстаах аартыга Хатас сиригэр арылынна

Оскуола иннинээҕи саастаах оҕолорго уонна кинилэр иитээччилэригэр анаммыт “Олоҥхо түһүлгэтэ” күрэх үгэс курдук үһүс сылын Хатас нэһилиэгэр олоҥхо декадатын арыйда.

Оҕону ийэ тылынан саҥардан сайыннарар “Айыы ыллыга” бырагыраамманан үлэлиир Галина Семеновна Николаева сэбиэдиссэйдээх “Кэрэчээнэ” оҕо уһуйаана киэн хабааннаах үлэтин биир көрүҥэ - “Олоҥхо түһүлгэтэ” буолар.

Түһүлгэ арыллыытын “Кэрэчээнэ” уһуйаан иитээччилэрэ, педагогтара Эрилик Эристиин “Буура Дохсун” олоҥхотуттан ааҕан, түһүлгэ Аал Луук маһын сириэдиттилэр. Уһуйаан уолаттара күпсүүр тыаһынан төрүт дорҕоону таһааран кыттааччылар сүргэлэрин көтөхтүлэр. “Тускул” КК дириэктэрэ Валентин Азотович Чепалов, “Кэрэчээнэ” уһуйаан сэбиэдиссэйин иитэр-үөрэтэр үлэҕэ солбуйааччы Саргылаана Андреевна Ноговицына эҕэрдэ тылларынан күрэх саҕаланна.

Бүгүн дьүүллүүр сүбэҕэ Олоҥхо киинин фольклорга үлэтин сүрүннүүр, СӨ култууратын үтүөлээх үлэһитэ - Сысолятина Зоя Григорьевна, удьуор олоҥхоһут, тойуксут - Соколова Валентина Николаевна, Хатастааҕы норуот тыйаатырын режиссера, СӨ култууратын туйгуна - Быйаҥнаах Ичээнэ Баай кыыһа үлэлээтилэр.

Күрэх түмүгүнэн
үгэс быһыытынан толорууга биэс саастаахтарга:
Дьокуускай куорат “Мичээр” уһуйаана- 1 үктэл,
“Солнечные лучики” уһуйаан – 2 үктэл,
“Уучукучук” уһуйаан – 1 үрдэл,
Хатас “Кэрэчээнэ” уһуйаан “Кулунчук” бөлөҕө – 2 үрдэл,
Хатас “Кустук” бөлөх 3 үрдэл буолары ситистилэр.

Алта саастаахтарга:
Хатас “Күнчээнэ” бөлөх – 1 үрдэл,
Дьокуускай, “Малышок” уһуйаан – 2 үрдэл.
Бу көрүҥҥэ “Кылаан кыайыылаах” анал аатын «Дьулуруйар Ньургун Боотур» олоҥхону толорбут Дьокуускай куорат «Уучукучук» уһуйаан “Чугдаар” ансамбль ылла.
“Бастыҥ уһуйааччы” – Лаптева Ксения Юрьевна,
“Кэскиллээх толорооччу” – Анита Назарова,
“Олоҥхо ырыатын бастыҥ толорооччу” – Дархан Варфоломеев.
“Төрүт үгэһи тутуһааччы” – Хатас, “Күнчээн” бөлөх,
“Быстыбат ситим” – Хатас, “Кулунчук” бөлөх

Олоҥхону театральнай туруорууга алта саастаахтарга:
Хатастан “Мичээр” бөлөх – 1 үрдэл,
Дьокуускай “Радуга” уһуйаана – 2 үрдэл,
Дьокуускай “Родничок” уһуйаан – 3 үрдэл.


Түөрт саастаахтарга:
Хатастан “Кэскил” бөлөх 1 үктэл буолары ситистилэр.
Бу көрүҥҥэ “Кылаан кыайыылаах” анал аатын "Бэриэт Бэргэн" олоҥхону туруорбут Хатастан “Мичээр” бэлэмнэнии бөлөх ылла.
“Бастыҥ режиссура” – Хатас, “Мичээр” бөлөх,
“Бастыҥ муусуканан киэргэтии” – Хатас, “Кэскил” бөлөх,
“Бастыҥ сценография” – Дьокуускай, “Радуга” уһуйаан,
“Бастыҥ дьахтар оруола” – Хатас, Амелия Максимова,
“Бастыҥ эр киһи оруола” – Дьокуускай, “Радуга” уһуйаан Кирилл Беляев,
“Бастыҥ көстүүм” – Дьокуускай, “Родничок” уһуйаан буоллулар.
Тэрийээччилэр “Айар” кыһаҕа саҥа бэчээттэнэн тахсыбыт “Олоҥхо тылынан оҕо саҥатын сайыннарыы” “Кэрэчээнэ” оҕо саадын төрүт култуураҕа уһуйааччыта В.Н.Старкова босуобуйатын “Олоҥхо түһүлгэтин” төрүттэспит бары кыттааччыларга бэлэх ууннулар.

Ити курдук кыттааччылар бука бары илии тутуурдаах, өттүк харалаах, кыайыы көтөллөөх “Олоҥхо түһүлгэтигэр көрсүөххэ диэри!” – дэһэн үөрэн-көтөн тарҕастылар.

Бүгүҥҥү тэрээһиҥҥэ күүс-көмө буолбут - “Тускул” КК бары үлэһиттэригэр, Дьүүллүүр сүбэҕэ, бөҕө өйөбүл, тирэх буолар - СӨ Олоҥхо Ассоциациятыгар тэрийээччилэр махталбыт муҥура суох.

Ийэ тылбыт саргыланнын,
Олоҥхо ситимэ быстыбатын,
Түһүлгэбит төрүттэнэ турдун!

СӨ култууратын үтүөлээх үлэһитэ, СӨ үөрэҕириитин туйгуна В.Н.Старкова.

@yaguo_offical

🏆Муниципальный спортивный праздник «Мама, папа, я - Орлятская семья», приуроченный Году семьи в РФ и Году детства в РС(Я)

Спортивные команды орлят 2 классов из 15 школ города Якутска соревновались за призовые места, преодолевая эстафеты :
1. ПОЛЯРНЫЙ КРУГ;
2.ВЕСЕЛАЯ ПИРАМИДА;
3. ПЕРЕВОЗЧИК;
4.КОМБИНИРОВАННАЯ.
По итогам соревнований победителями стали:
🥇1 место - команда школы №10;
🥈2 место - команда школы №19;
🥉3 место - команды школы №12, 13

Каждая команда, в составе 8 орлят и 2 родителей сплотились как семья и до конца боролись за призовые места. Организаторы, участники, болельщики получили массу положительной энергии, весело, дружно провели время.

Спортивный праздник удался на славу!

#ГодСемьи
#ОрлятаРоссии
#Росдетцентр
#Навигаторыдетства

@yaguo_official