Yedik. Jaa unaqa super-fantastik jamoa emas ekanmiz, boshqa jamoalarimiz kabi o'rtadan sal balandroq. Undan narisi emas. Shunisiga ham rahmat, yigitlar.

Lekin katta ehtimol bilan bu jamoadagi yigitlar ham avvalgi yoshlar jamoalarimizdagi kabi yo'q bo'lib ketishsa kerak, milliy terma jamoamiz kelajagi deb ayta olmayman, uzr.

O’sha eski gap😀

Xayrulla Hamidov fikri:

https://t.iss.one/xayrulla_hamidov/12841

Har bir o’yin uchun alohida xulosa berish kerak, xatolar ustida ishlash kerak. Bular Osiyo chempioniku, tarbiyasi yaxshi ekan, harakat qildi-ku, deyilmaydi.

Chempion bo’ganda hamma maqtovni aytib bo’lganmiz.

Birinchi o’yinda ham maqtadik, garchi Argentinadan yutqazgan bo’lsa-da, lekin rostdan zo’r o’ynashgandi. Voy, yuqazdingku, rasvosan demadik. Chunki ko’zimiz ko’r emas.

Ikkinchi o’yinda garchi durang o’ynagan bo’lsa ham tanqid qildik, chunki kuchsiz raqibga qarshi mensimay o’ynab, zo’rg’a 1 ochko olishdi. Juda ko’p xatolar qilishdi.

Uchinchi o’yinda ham maqtadik, yaxshi o’ynashdi, xatolar kam bo’ldi, kerakli natijaga erishishdi.

Bugungi o’yinda maqtash uchun biror asos yo’q. Xatolar ko’p, natija salbiy. 2-taymda o’yinni to’liq topshirishdi, harakat qilishmadi.

Jahon chempionatiga borgani, guruhdan chiqqani — bularning barchasi ajoyib. Barchasi uchun katta rahmat. Baraka topishsin. Biz yana muxlislik qilishda davom etaveramiz, yutsa quvonib, yutqazsa xafa bo’lib yuraveramiz. Vatan jamoasiku bu.

Ammo bu xatolarni unutishga asos bo’lolmaydi. Xato bormi, bor. Demak uni aytish kerak, to’g’rilash kerak, rivojlanish kerak. Kelajagimiz deb ishonilgandan keyin, yaxshiroq o’ynashlarini talab qilishga muxlis sifatida haqqimiz bor.

Asosiysi hech kimni yerga urmadik, shaxsiyatiga o’tmadik, so’kmadik. Bunisi endi pastkashlik bo’lar edi.

Vey, hozir xayolimga kelib qoldi, bugun bahor tugayapti-a?

— Ufff, kunlar rosa anomal isib ketdiyu-a?
— Chunki yoz keldi.

Kechki mutolaa
(o‘qish yoki eshitish uchun 18 daqiqa vaqtingiz ketadi)

Knut Hamsun. Ishq gadolari (hikoya)

Izoh: Ofitsiant qiz xo‘randalardan biriga ko‘ngil qo‘yadi. Ammo u yigitning ko‘ngli boshqa ayolda. Ayol esa yigitni butunlay inkor etadi. Ushbu javobsiz sevgi uchburchagida kim ko‘proq qurbon?

📖 Matnni o‘qish uchun: https://teletype.in/@xushnudbek/knut-hamsun-ishq-gadolari

🎙Bugungi hikoya audiosini Aziza Qurbonova o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


🔘 @xushnudbekuz

Mirshakarning konserti Manchester Sitining goli bilan boshlandi😀

Kechki mutolaa
(o‘qish yoki eshitish uchun 15 daqiqa vaqtingiz ketadi)

Shoyim Boʻtayev. Qarz (hikoya)

Izoh: Talaba ta’tilda tez-tez uyiga qatnab turadi. Bir safar qishloqdoshlari uni Anatoliy ismli yigit bilan tanishtirishadi. Tolik laqabli bu yigitning maqsadi noma’lum, hamma undan shubhalanadi. To’g’ri-da, tog’ etagidagi olis qishloqda u nima qilib yuribdi?

Tolik qanday yigit edi o’zi? Talaba jumboqning tagiga yetadimi?

📖 Matnni o‘qish uchun: https://teletype.in/@xushnudbek/shoyim-butayev-qarz

🎙Bugungi hikoya audiosini Aziza Qurbonova o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


🔘 @xushnudbekuz

Hozirgi bolalar haqida

Dam olish kuni oilaviy sayrga chiqdik. Kun juda issiq edi. Muzqaymoq yegim keldi. 3 yashar o’g’limni sal tomog’i og’rib turgani uchun muzqaymoqni eshitsa men ham yeyman deb qolmasin, degan maqsadda o’zimcha onasidan inglizcha so’radim:
— Do you want ice cream?
Shunda o’g’lim:
— Dada, ice cream qayerda borakan, men ham yeyman, — deydi😀

“Xeh, Matqovul, o’zi ingliz tilini tayinli bilmaysan, yana kelib-kelib hozirgi bolalar oldida inglizcha gapirishingga o’laymi”, deydigan odam yo’q 😉

Kalla ishlamagandan keyin qiyin-da, degan video 😂

YouTube to’la shunaqa video-ku

5 yil stajga ega xotin-qizlar uchun 500 ta kvotaga tavsiyanoma 3 yilga, ehtiyojmand xotin-qizlar uchun 2 mingta kvotaga tavsiyanoma esa 1 yilga beriladi.

❗️ESLATMA: o‘tgan yili 5 yil staji borligi uchun tavsiyanoma olgan, lekin o‘qishga kira olmagan xotin-qizlar yana tavsiyanoma olishi shart emas. O‘tgan yilgi tavsiyanoma haliyam kuchga ega, o‘sha bilan topshirishlari mumkin.

O‘tgan yili tavsiyanoma olib, o‘qishga kirganlarning tavsiyanomasi esa o‘z kuchini yo‘qotgan, yaʼni kuygan bo‘ladi.

‼️ESLATMA-2: o’tgan yili ehtiyojmand xotin-qiz sifatida tavsiyanoma olganlar esa yana qayta ariza yuborishlari kerak. Ularning tavsiyanomasi 1 yillik bo’lgani uchun joriy yilda o’tmaydi.

ℹ️ Ma’lumot uchun: bir kishi ikkala tavsiyanomani olishi ham mumkin, shartlariga to’g’ri kelsa bo’ldi.

Taʼlim krediti olish vaqtincha to‘xtatilibdi. Chunki banklarga resurs ajratilmayotgan ekan

Bizga kelayotgan xabarlarga ko‘ra, ayni kunlarda yurtimiz bo‘ylab barcha talabalar taʼlim krediti olishda muammolarga duch kelishmoqda. Yigitlar ham, qizlar ham.

Yuqoridagi suratda “Asakabank” filialining taʼlim krediti olishni so‘rab ariza yozgan talabaga bergan javobi aks etgan. Unda aytilishicha, maxsus jamg‘arma banklar uchun resurs ajratmayotgan ekan. Xolislik uchun aytish kerak, muammo faqat “Asakabank”da emas, boshqa banklarda ham shunaqa muammo. Masalan, murojaatchining aytishicha, Ipoteka va Xalq bankiga ham borgan, lekin rad javobini olgan.

Maʼlumot uchun: 2021-yil 30-iyuldagi PQ-5203-sonli Prezident qaroriga ko‘ra, taʼlim kreditlari bo‘yicha tijorat banklarini moliyaviy resurslar bilan taʼminlash uchun sobiq Moliya, hozirgi Iqtisodiyot va moliya vazirligi huzurida Taʼlim kreditini moliyalashtirish jamg‘armasi tashkil etilgan.

Jamg‘armaga Davlat byudjetidan mablag‘lar ajratiladi va 2023-yilgi Davlat byudjeti to‘g‘risidagi qonunda jamg‘armaga qancha mablag‘ ajratilishi aniq ko‘rsatilgan.

Endi savol tug‘iladi: muammoning asl ildizi qayerda? Iqtisodiyot va moliya vazirligi qonunlarda belgilangan qoidalarga amal qilmasdan haqiqatdan banklarga resurs ajratmayaptimi yoki resurs bo‘lsa ham banklar o‘zi o‘yin qilyaptimi?

Bu bo‘yicha masʼullar tegishli izoh beradi, degan umiddamiz. Izoh berishmasa ham mayli, shunchaki muammoni hal qilishsin, bo‘ldi.

Eslatib o‘tamiz, 2023-yil O‘zbekistonda Insonga eʼtibor va sifatli taʼlim yili deb nomlangan. Sifatli taʼlim...


👉 @xushnudbek 👈

Kechki mutolaa
(o‘qish yoki eshitish uchun 20 daqiqa vaqtingiz ketadi)

Genrik Senkevich. Yanko musiqachi (hikoya)

Izoh: Qashshoq ona nimjon va ko’rimsiz bolani dunyoga keltiradi. Unga Yan deb ism qo’yishadi. Hech kim uni yashab ketishiga ishonmas, hatto “kelgan joyiga qaytib ketishini” istashardi. Ammo Yan amallab 10 yoshga to’ladi. Uning qorni hech to’ymas, ortiqcha so’z aytmas, boshi egik, doim turtki va tepki yerdi. Ammo albinos bu bolaning hech kim tushunmagan nodir iqtidori va noyob orzusi bor edi. Yan orzusiga yetarmikin? Uning iqtidorini odamlar yuzaga chiqaramikin?

Hikoyaning so’nggigacha shu umid bilan o’qiysiz…

📖 Matnni o‘qish uchun: https://teletype.in/@xushnudbek/genrik-senkevich-yanko-musiqachi

🎙Bugungi hikoya audiosini Aziza Qurbonova o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


🔘 @xushnudbekuz

Birovning kiyimini kiyishda ehtiyot bo’ling

Kecha bir onaxon murojaat qildi. Oyog’ida zamburug’ kasalligi rivojlanib ketibdi, ikkala oyoqni ham to’liq qoplab olgan, juda qiynalayotgan ekanlar. Shifokorlardan norozi ekanlar. Hozir sud ketyapti.

Lekin men boshqa narsa haqida aytmoqchiman. Onaxondan “bu kasallikni qanaqa yuqtirib oldingiz?”, deb so’rasam, sababini aytib berdi. Onaxonning qizi Toshkentdagi Yangiobod eski-tuski bozoridan arzonga shippak sotib olibdi va onasiga sovg’a qilibdi. U shippak vafot etgan bir kampirniki ekan va o’sha kampirning oyog’ida shunaqa kasalligi borakan. Zamburug’ kasalligi juda tez yuqumli hisoblanadi.

Eng achinarlisi o’sha vafot etgan kampirda kasallik borligini qizi bilgan ekan, “onam paypoq bilan kiyadi, shunda yuqmaydi” deb o’ylab, olaveribdi🤦🏻‍♂️

Xulosalar:

1) arzon ekan deb eski narsalar olishda ehtiyotkor bo’ling;

2) begonaning (o’zganing) kiyimlarini kiyishda ham ehtiyot bo’ling, sanitariya qoidalari yoddan chiqmasin, ayniqsa bosh va oyoq kiyimda;

3) salomatligingiz uchun befarq bo’lmang, balki ayrim shifokorlar loqayddir, lekin hayotingiz va sog’lig’ingiz ularga emas, birinchi navbatda sizga ko’proq kerak, siz loqayd bo’lmang;

4) FAROSATNI ishlating.


🔘 @xushnudbekuz

Kechki mutolaa
(o‘qish yoki eshitish uchun 9 daqiqa vaqtingiz ketadi)

Alfons Dode. So‘nggi saboq (hikoya)

Izoh: Fransuz adibi Alfons Dode ijodida Fransiya-Prussiya urushidan keyingi manzaralar ko‘p tilga olinadi. 1870-71 yillardagi bu urushda Germaniya g‘alaba qozongach, Fransiyaning shimoliy-sharqiy hududlarini egallaydi. 

“So‘nggi saboq” - Alfons Dode bu kichik hikoyasida mustamlakachilikning eng katta og‘rig‘i haqida gapiradi. Hikoya Germaniya tasarrufiga o‘tgan Elzasda yashovchi fransuz bolakay tomonidan bayon qilinadi.

Iltimos qilardimki, hikoyani hammamiz diqqat bilan o‘qib/tinglaylik. 

Chunki u ona tili va uni kutilmaganda yo‘qotib qo‘yish mumkinligi haqida.

📖 Matnni o‘qish uchun: https://teletype.in/@xushnudbek/alfons-dode-songgi-saboq

🎙Bugungi hikoya audiosini Aziza Qurbonova o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


🔘 @xushnudbekuz

⚡️Yangi o‘quv yilidan boshlab, oliygohda o‘qiyotgan xotin-qizlar uchun, kim to‘lashidan qatʼi nazar, kontrakt to‘lovi daromad solig‘idan ozod qilinadi

Bu haqda Prezidentlikka nomzod Shavkat Mirziyoyev qoraqalpog‘istonlik saylovchilar bilan uchrashuvda maʼlum qildi. Hozirda ushbu imtiyoz farzandi va turmush o‘rtog‘i uchun kontrakt to‘laganlarga qo‘llanilar edi.

Bu degani, agar kelgusida ushbu qaror kuchga kirsa, talaba xotin-qizlarning kontrakti uchun aka-ukasi, qaynota yoki qaynonasi, tog‘asi yoki amakisi, xullas kim to‘lashidan qatʼi nazar, barchaga daromad solig‘idan imtiyoz qo‘llanadi. Jaydari tilda aytganda kontrakt to‘lagan summasidan 12 foiz qaytarib beriladi.


👉 @xushnudbek 👈

Ko’pchilik kontrakt to’langanda 12% qaytarilishi haqida tushunmasdan izohlarda yozishmoqda. Ular mana bu audioni eshitib ko’rishlari kerak.

Asosiy savolga javob: kontraktga pul qaytarilishi uchun ota-onasi davlat ishida ishlashi kerakmi?

Yo’q, shart emas. Davlatmi, xususiymi, farqi yo’q. Faqat bitta narsa bo’lishi kerak: davlatga olgan ish haqidan yoki topgan foydasidan daromad solig’i to’layotgan bo’lishi kerak.

Chunki bu imtiyoz daromad solig’ini QAYTARIB BERISHga oid. Davlatga daromad solig’i to’lamaydiganlarga pul ham qaytarilmaydi. Ya’ni to’lagan solig’i miqdori NOL bo’lgandan keyin, qaytariladigan summa ham NOL bo’ladi.

Qolgan ko’p savollarga javob quyidagi audioda bor.