O‘zbekistondagi o‘qituvchilarning uzluksiz professional rivojlanish tizimiga neyron tarmoqlar bo‘yicha kurslar qo‘shildi

A.Avloniy nomidagi pedagogik mahorat milliy instituti Yandex Uzbekistan bilan hamkorlikda informatika o‘qituvchilari uchun neyron tarmoqlar va Python dasturlash tili bo‘yicha bepul kurslarni ishga tushirishini e’lon qildi.

👨🏻‍💻Loyiha o‘qituvchilarning malakasini oshirish va zamonaviy texnologiyalarni ta’lim jarayoniga joriy etishga qaratilgan. Kurslar nazariy va amaliy materiallarni o‘z ichiga oladi, bu esa Python bilan ishlash tajribasiga ega bo‘lmagan o‘qituvchilarga dasturlash va neyron tarmoqlarning asoslarini o‘rganish imkonini beradi.

🧑🏻‍🏫Kurs olti bo‘limdan iborat bo‘lib, Python dasturlash tilining asosiy tushunchalaridan tortib, obyektga yo‘naltirilgan dasturlashgacha bo‘lgan muhim mavzularni qamrab oladi. Kurslar vaqt bo‘yicha cheklovlarga ega emas, barcha o‘quv materiallari ishtirokchilarga abadiy qoldiriladi. Bu o‘qituvchilarga istalgan paytda materiallarga qaytib, o‘z bilimlarini yangilash imkoniyatini beradi. Kurslar dasturi shunday moslashtirilganki, o‘qituvchilar olingan bilimlarni o‘z o‘quv jarayonida darhol qo‘llay olishlari mumkin.

Shuningdek, ushbu kurslar nafaqat informatika o‘qituvchilarining professional ko‘nikmalarini oshirishga yordam beradi, balki O‘zbekistondagi ta’lim islohotlarini qo‘llab-quvvatlab, pedagoglarni yangi texnologiyalar bilan ishlashga tayyorlaydi hamda ularga neyron tarmoqlardan ta’lim jarayonida turli muammolarni hal qilish uchun foydalanishni o‘rgatadi.

📲 Kurslarga maxsus anketa orqali ro‘yxatdan o‘tish mumkin. Anketani to‘ldirgan ishtirokchilar kursning barcha materiallariga kirish imkoniyatiga ega bo‘ladilar.

Ekspertlardan zarur bilimlarni bepul olish imkoniyatlaridan foydalaning va oʻzingizni rivojlantiring! 💥

*Kurslar – ma’lumot uchun materiallar bo‘lib, ta’lim dasturi hisoblanmaydi.