⚡️Енди оқыўшылар өзлериниң мектеби ушын керекли үскенени алыў яки мектепти оңлатыўға 50 млн сум утып алыўы мүмкин

📄 «Ашық бюджет» порталында «Мениң мектебим» жойбары иске түсириледи. «Өзбекстан-2030» стратегиясының «Жаслар ҳәм бизнести қоллап-қуўатлаў жылы»нда әмелге асырыўға байланыслы Мәмлекетлик бағдарламаға муўапық усы жылы таңлап алынған 14 райондағы 612 мектепте сынақ тәризинде «Мениң мектебим» жойбары өткериледи.

✅ Бунда жойбар төмендеги басқышларда өткериледи:
◽️2024-жыл 18-27-декабрь күнлери – жойбарларды қәлиплестириў (10 күн);
◽️2025-жыл 2-11-январь күнлери – жойбарларды таңлап алыў (10 күн);
◽️2025-жыл 13-17-январь күнлери – даўыс бериў (5 күн).

❗️Бул жойбарда мектеплердиң 5-11-класс оқыўшылары қатнасыў имканиятына ийе болады.

💰«Мениң мектебим» жойбары шеңберинде оқыўшылар тәрепинен өзлери билим алып атырган мектепти үскенелеў ҳәм қурылыс-оңлаў жумыслары бойынша жойбарлар қәлиплестириледи ҳәм де оқыўшылар таңлаган (даўыс берген) жойбарлар қаржыландырылады. Жеңимпаз жойбарларды қаржыландырыў ушын ҳәр бир мектепке 50 миллион сумнан қаржы ажыратылады.

☝️Өз мектебиңиз ушын даўыс бериўде белсенди қатнасың!

🔔 Постты жақынларыңызға тарқатың

👉 @XALIQ_USHIN - тек рәсмий ҳәм исенимли мағлыўматлар

⚡️2025-жылдан баслап шаңарақлық бағшаларға баратуғын кәмбағал шаңарақлардың балалары ушын төлемнен жеңиллик бериледи

✅ Президент Ш.Мирзиёев басшылығында өткерилген жыйналыста Өзбекстан Республикасы Мектепке шекемги ҳәм мектеп билимлендириўи министрине 2025-жылы кәмбағаллық дәрежеси жоқары болған 1000 мәканда биреўден шаңарақлық бағшаларды шөлкемлестириў ўазыйпасы жүкленди.

☝️Сондай-ақ, кейинги жылдан баслап шаңарақлық бағшалардағы орынлардың 15 процентине кәмбағал шаңарақлардың балалары қабылланады ҳәм оларға бағша төлеминиң бир бөлеги қаплап бериледи.

🔔 Постты жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар

⚡️34 млрд сумлық криптоактивлер саўдасы менен шуғылланған 17 жасар жигит қолға алыныпты

Бухара ўәлаяты ишки ислер басқармасы хызметкерлери лицензия алмастан 2,6 млн долларлық криптоактивлердиң алды-саттысы менен шуғылланған жас өспиримди қолға алған.

Оған қарата Жынаят кодексиниң 278-8-статьясының 3-бөлими менен жынаят иси қозғатылып, дәслепки тергеў ҳәрекетлери басланған. Бул статьялар менен оған 3 жылдан 5 жылға шекем еркинен айырыў жазасы тайынланыўы мүмкин.

👉 @XALIQ_USHIN - тек рәсмий ҳәм исенимли мағлыўматлар

❗️Ҳаял-қызлар 54 жаста пенсияға шығыўы мүмкин

✅ «Пуқаралардың мәмлекетлик пенсия тәмийнаты ҳаққында»ғы Нызамның 12-1-статьясына бола, кеминде 20 жыллық жумыс стажына ийе болған ҳаял-қызлар 54 жаста пенсия алыў ҳуқықына ийе.

⏳Бунда жумыс стажы усы Нызамның 37-статьясының “а”-“г”-киши бәнтлеринде көрсетилген стаждан ибарат болыўы керек.

💡Мағлыўмат ушын. Улыўма қағыйдаға муўапық, еркеклер 60 жаста 25 жыллық жумыс стажы менен, ҳаял-қызлар 55 жаста 20 жыллық жумыс стажы менен пенсияға шығыўы мүмкин.

🔔 Постты жақынларыңызға тарқатың.

📨 Юристке сораў бериў

👉 @XALIQ_USHIN - тек рәсмий ҳәм исенимли мағлыўматлар

⚡️2025-жыл 1-апрелден электр энергиясы ҳәм газ тарифлери және көтериледи - Ж.Қучкаров

☝️Бирақ бул халыққа субсидия бериўди тоқтатыў ушын жетерли емес.

💰Демек, “свет” ҳәм газ тарифлери 2028-жылға шекем ҳәр жылы қымбатлап барады.

❗️2028-жылдан баслап тутыныўшыларға бул энергоресурслар өз баҳасында сатылып баслайды, яғный бир бөлегин мәмлекет тәрепинен қаплаў тоқтатылады.

🔔 Постты жақынларыңызға тарқатың

👉 @XALIQ_USHIN - тек рәсмий ҳәм исенимли мағлыўматлар

⚡️Метан заправкаларға газ жеткерип бериў тоқтатылмайтуғын болыпты

Қарақалпақстандағы бир неше каналларда, сол қатарда Халық ушын каналында “Метан заправкаларға бүгин саат 15:00 ден баслап газ жеткерип бериў тоқтатылған” деген хабарлар жайластырылды.

Бул хабардың тийкарғы дереги “Ҳудудгаз Қарақалпақстан” ГТФ мәлимлеме хызметиниң рәсмий Телеграм каналы (https://t.iss.one/hududgaz_Pressa) еди.

Бул хабар рәсмий каналдан өширилгенлиги себепли барлық каналлардан алып тасланды.

Рәсмий каналдың хабар бериўинше, республика тутыныўшыларын тәбийий газ бенен тәмийнлеўши магистрал газ тармағында жүз берген авариялық жағдай сапластырылған.

Сонлықтан, Қарақалпақстан Республикасы аймағындағы барлық автомобиллерге газ қуйыў компрессор шақапшаларына (метан заправкалар) газ жеткерип бериў бурынғысындай даўам еттириледи. Автомобиллерге газ қуйыў шақапшаларының жумысы тоқтатылмайды.

☝️Демек, рәсмий каналдан хабардың өширилгенлиги себеби усы екен.

⚠️ Ҳүрметли “Ҳудудгаз Қарақалпақстан” ГТФ басшылары, илтимас, қарар қабыл етиў ҳәм оны жәмийетшиликке жәриялаўдан алдын “7 рет өлшеп бир кесиң”. Кейин сиз де сизге исенип хабарды тарқатқан жеке каналлар да “өтирикши” атын алып жүрмейик. Газ мәселеси халық ушын ең биринши дәрежедеги актуал мәселе екенин де ядтан шығармайық!

👉 @XALIQ_USHIN - тек рәсмий ҳәм исенимли мағлыўматлар

❗️Қатарда жол ҳәрекети қағыйдасын бузған пуқараның машинасы жоқ қылып жиберилди

Қатар полициясы тәрепинен жолда “дрифт” қылған транспорт қуралы ҳәм оның басқарыўшысы қолға алынған.

Судтың қарары менен пуқараның қымбат баҳалы транспорт қуралы конфискация етилген (мәмлекет пайдасына алып қойылған) ҳәм арнаўлы техника арқалы жоқ қылынған.

Мағлыўмат ушын, Toyota Supra A90 машинасының (5-әўлад) базар баҳасы орташа 90-100 мың доллар турады.

👉 @XALIQ_USHIN - тек рәсмий ҳәм исенимли мағлыўматлар

❗️Балалар напақасы ямаса материаллық жәрдем тайынлаўда кимлерден «биржа труд»та дизимнен өтиў яки өзин өзи бәнт етиў талап етилмейди?

🚫 Нызамшылық бойынша, бәнтликке көмеклесиў орайында («биржа труд») дизимнен өтпеген яки өзин өзи бәнт етпеген ағзасы болған шаңараққа балалар напақасы ямаса материаллық жәрдем тайынланбайды.

⚠️ Бирақ, бул талап жоқарыдағы дизимде көрсетилген пуқараларға тийисли емес, яғный бул дизимдеги пуқаралар балалар напақасын яки материаллық жәрдемди алыуы ушын бәнтликке көмеклесиў орайында дизимнен өтиўи, өзин өзи бәнт етиўи яки ҳақы төленетуғын жәмийетлик жумысларда қатнасыўы шәрт емес.

☝️Мәселен, "Инсан" орайлары арза бериўшиниң шаңарағында усы дизимдеги шахслар болса, оларға "жумыссыз ретинде дизимнен өтпеген, өзин өзи бәнт етпеген, ҳақы төленетуғын жәмийетлик жумысларда қатнаспаған" деген себеп пенен напақа яки материаллық жәрдем тайынлаўдан бас тартыўға хақылы емес.

🔔 Постты жақынларыңызға тарқатың.

📨 Юристке сораў бериў

👉 @XALIQ_USHIN - тек рәсмий ҳәм исенимли мағлыўматлар

⚡️«Uzbekistan Airways» Ташкент-Нөкис-Ташкент жөнелиси бойынша 23-декабрден 7-январға шекем қосымша рейслер қойыпты

✅ 2024-жыл 23-декабрден баслап 2025-жыл 7-январға шекем Uzbekistan Airways авиакомпаниясы Ташкент-Нөкис-Ташкент жөнелиси бойынша қосымша 14 авиақатнаўды әмелге асырады. Соның менен бул рейстеги ушыў ўақытлары төмендегидей етип белгиленди:

➡️ Ташкент-Нөкис ҳәр күни саат 07:15, 13:00 ҳәм 20:00;
⬅️ Нөкис-Ташкент ҳәр күни саат 09:45, 15:30 ҳәм 22:30.

☝️Қосымша рейслер қосылғанның өзинде ҳәзирги ўақытта Ташкент-Нөкис жөнелисинде 23-29-декабрь аралығында тек 23,24,27,29-декабрь күнлери орын қалған болып, ең арзан билет 1 млн 754 мың сум екен. Ал Нөкис-Ташкент жөнелесинде усы аралықта ең арзан билет 674 833 сум.

🔔 Постты жақынларыңызға тарқатың.

📨 Юристке сораў бериў

👉 @XALIQ_USHIN - тек рәсмий ҳәм исенимли мағлыўматлар

⚡️ Педагогларға 70 процентлик үстеме бериў жолға қойылмақта

Аттестацияда 86 ҳәм оннан жоқары балл топланған оқытыўшыларға 70% лик үстеме берилиўи мүмкин.

Мектепке шекемги ҳәм мектеп билимлендириўи министрлиги басқарма баслығының айтыўынша, халықаралық стандартлар тийкарында маманлық сертификатына ийе болған педагогларға 70% лик үстеме берилиўи мүмкин.

Ҳәзирги күнде халықаралық шөлкемлер менен бирге ислесиў басланған. Система халықаралық аккредитациядан өткеннен кейин усы талаплар тийкарында 86 баллық нәтийже менен маманлық сертификатын алған педагоглар 70%лик үстеме алыўы мүмкин болады.

🔔 Постты жақынларыңызға тарқатың.

📨 Юристке сораў бериў

👉 @XALIQ_USHIN - тек рәсмий ҳәм исенимли мағлыўматлар

⚡️«Мениң мектебим» жойбары бойынша быйыл тек Кегейли районы қатнасыў ҳуқықына ийе

Кегейли районындағы мектеплердиң оқыўшылары мына портал арқалы кирип мектеби ушын керекли үскенени алыў яки мектепти оңлаў бойынша усынысын жойбар ретинде киргизиўи керек.

Жойбар қабыл етилгеннен соң сол жойбарға даўыс бериў имканы жаратылады.

☝️50 млн сумды қолдан бермең, Кегейлишилер!

Бул жойбар быйыл тест режиминде тек бир районда өткерилип атыр, кейинги жылларда басқа районлар да қатнасыў имканы болыўы жобаластырылған.

Усыныс киргизиў ушын силтеме: https://openbudget.uz/school/project-introduction

💡Қосымша мағлыўмат: мына жерде

🔔 Постты жақынларыңызға тарқатың.

📨 Юристке сораў бериў

👉 @XALIQ_USHIN - тек рәсмий ҳәм исенимли мағлыўматлар

⚡️Майыплығы болған шахсларға салықлар бойынша белгиленген жеңилликлер

🔰 Салық кодексине бола, I ҳәм II топар майыплығы болған шахсларға төмендеги салықлардан жеңилликлер белгиленген:

🔹Жәми дәраматының 3,15 млн сумлық (мийнетке ҳақы төлеўдиң ең кем муғдарының 3 есеси) бөлеги дәрамат салығынан азат етилген;

🔹 Жер салығынан азат етилген;

🔹 Мал-мүлкиниң 60 м.кв. бөлеги мал-мүлк салығынан азат етилген.

☝️Бунда мал-мүлк салығы бойынша жеңиллик майыплығы болған пуқараның атындағы тек бир мал-мүлкке қолланылады.

❗️Жер салығы бойынша жеңиллик майыплығы болған пуқараның таңлаўына қарап тек бир жер участкасына қолланылады.

🔔 Постты жақынларыңызға тарқатың.

📨 Юристке сораў бериў

👉 @XALIQ_USHIN - тек рәсмий ҳәм исенимли мағлыўматлар

❓Кимлер пенсияға еки жыл алдын шыға алады?

✅ “Мәмлекетлик пенсия тәмийнаты ҳаққында”ғы Нызамның 14-статьясына бола, технологиядағы, ислеп шығарыў ҳәм мийнетти шөлкемлестириўдеги өзгерислер, хызметкерлер санының (штатының) өзгериўине ямаса жумыс қәсийетиниң өзгериўине алып келген жумыс көлеминиң қысқарғанлығы ямаса кәрхананың сапластырылғанлығы себепли жумыстан босатылған ҳәм жумыссыз деп тән алынған пуқаралар:

🔸еркеклер – 58 жасқа толғанда ҳәм жумыс стажы кеминде 25 жыл болғанда;
🔸ҳаяллар – 53 жасқа толғанда ҳәм жумыс стажы кеминде 20 жыл болғанда.

❗️Яғный, пенсия жасынан еки жыл бурын пенсияға шығыў ушын кәрханада штатлар қысқарса ямаса кәрхана улыўма жабылса, мийнет стажы кеминде еркеклер ушын 25 жыл ҳаяллар ушын 20 жыл болыўы керек.

🔰 Бундай жағдайда ертерек пенсияға шығыў ушын не ислеў керек?

1. Хызметкер “сокращение”ге түскен күннен баслап 30 күнниң ишинде бәнтликке көмеклесиў орайына (биржа труда) барып жумыс излеўши ретинде дизимнен өтеди.

2. Бәнтликке көмеклесиў орайы бул пуқараға 3 айдың ишинде еки мәрте туўры келетуғын жумысты усыныс етеди. Туўры келетуғын жумыс - бул хызметкердиң қәнигелигине, ден саўлығына туўры келетуғын, жасаў жерине узақ болмаған жумыс.

3. Туўры келетуғын жумыс табылмаса, бул пуқара жумыссыз деп дизимге алынады ҳәм тийисли формадағы усынысты 5 күнниң ишинде Пенсия қорына жибереди.

4. Пенсия қоры усы усыныс тийкарында пуқараға ўақтынан бурын пенсия тайынлайды.

☝️Егер пуқара жумыс ислеп атырған болса, ўақтынан бурын тайынланған пенсия пуқара улыўма пенсия жасына (еркеклер 60 жасқа, ҳаяллар 55 жасқа) толғанға шекем төленбейди.

🔔 Постты ҳәммеге тарқатың.

📨 Юристке сораў бериў

Каналға ағза болың
👉@Xaliq_ushin👈🏻

⚡️Оқыўды көшириў (перевод) 20-декабрьден 20-январьға шекем әмелге асырылады

Өзбекстандағы бир ЖООнан басқасына көшириў ушын тек 2 категориядағы студентлерге рухсат бар:

• 👰‍♀️Студент турмысқа шықса, өмирлик жолдасының жасаў орнындағы ЖООларына;

• 🧑‍✈️Мәмлекетлик хызметкердиң жумыс орны өзгергенде перзенти яки өмирлик жолдасы тийисли басшы усыныснамасы менен оқыўын көшириўи мүмкин.

❗️Дыққат! Сырт елден оқыўды көшириў ушын қысқы арзалар қабыл етилмейди. Сырт елдегилер тек ғана жазда арза бериўи мүмкин.

🔔 Постты жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар