Kecha juda ko'pchilik Microsoft va GitHub birgalikda yaratgan Copilot AI haqida so'rabdi. "Bu dastur kodni o'zi yozar ekan, endi dasturchilar ishsiz qoladimi" degan savollar bo'ldi.

Avvalo dastur nomiga e'tibor bering, co-pilot, ya'ni "yordamchi pilot". Copilot kodni osmondan olib yozmaydi. Dasturchi sifatida siz yoki kodni boshlab berishingiz kerak yoki qanday funksiya (klass) yaratish kerakligini izoh/docstring ko'rinishida aniq ta'riflashingiz kerak. Copliot esa sizning ta'rifingizga ko'ra funksiya yaratib beradi.

Demak dasturning mantiqiy qismi, ya'ni qanday funksiyalar va klasslar kerakligi, ular o'zaro qanday bog'lanishi va munosabatda bo'lishini baribir dasturchi belgilaydi.

Shuning uchun, agar siz muammolarga yechim berishni, mantiqiy va muhimi kreativ fikrlashni biladigan dasturchi bo'lsangiz, xavotirga o'rin yo'q. Lekin, faqat birovlar chaynab, o'gzingizga solib qo'ygan tayyor yechimga kod yozib beradigan koder bo'lsangiz, bu AI sizni ishsiz qoldirishi aniq.

@sariqdev

Ingliz tili yetarlimasda... 😅

Blog boshla

Balki fikrlaringni bo’lishging kelmas. Kim ham o’qirdi deb o’ylarsan. Mayli faqat bitta odam o’qisin. Kundalik sifatida ishlatarsan balki.

Hech kim o’qimasa ham aslida eng ko’p foydasi o’zingga bo’ladi. Yil, oylar o’tib fikrlashing qanday o’zgarganini ko’rasan.

O’zgarmasachi? Blog yuritgan har qanday odamniki o’zgaradi. Fikrlarini jamlab yozishni boshlash aqliy o’sishsiz bo’lmaydi.

Balki senga qiziq emasdir. Kengroq o’yla. Senga fikrlaring qiziq bo’lmasa — jamoang, oilang, do’stlaring, kelajakda esa farzand va nevaralaringga qiziq.

Yoshlikdagi barcha rasmlarimni o’sha yoshdagi 10-15 ta fikrlarim yozilgan qog’ozlarga tikka almashgan bo’lardim.

Otamni 20 yoshligidagi rasmi meni uncha hayratga solmagan. Lekin kundaliklarini bir necha marta o’qidim. Men tug’ilgach yozishni to’xtatgan ekanlar — vaqtlari kamayib ketgan. Har o’qiganimda ko’zimga yosh keladi.

O’zingga va atrofdigalarga qiladigan eng katta yaxshiliging ham shu. Rasmlaringni bo’lishishni to’xtat. Fikrlaringni bo’lish.

P.S.
Turmush qurishdan oldin rasmlarni almashgandan ko’ra, blog linklarini almashgan afzal. Odamning fikrlari uning rasmidan ko’ra 100 barobar ko’proq ma’lumot beradi.

@azizrakhimov_blog

Qanday qilib 5 yil bunday tezz o'tib ketdi 😳,

Biz ozdan so'ng shu mavzuda YouTubeda yangi video chiqaramiz

✅ @webdev07

1:30 minutlik video ko'ring foydasi tegadi InshaAlloh

Kech bo'lganda uxlasalaringiz bo'lmaydimi 😄

🙃 Dasturchilar uchun foydali saytlar (1)

SaaS (Software as a Service) qurish
 Ushbu https://builtwith.com/ sayti kompaniyalar qanaqa texnologiyalar ishlatishi haqida ma’lumot beruvchi.

Blog yuritish
Agar ko’plar o’qiydigan blog yarata olsangiz, reklamalar orqali, affiliate linklar orqali yoki sponsorliklar orqali yaxshigina daromad topsangiz bo’ladi. Yoki realpython.com ga o’xshagan bloglar uchun postlar yozsangiz.

Onlayn Kurslar yaratish
Hozir kunda onlayn kurslar uchun platformalar juda ham ko’p. Udemy, Educative.io, testdriven.io, gumroad va hokazolar sizga onlayn kursingizni sotishga sharoit yaratib beradi.

👉 @webdev07

Hazil-hazil bilan, bugun senior dasturchimiz “ChatGPT bilan 2 ta juniorni almashtirsa bo’lar ekan. Juniordan ko’ra tezroq va tozaroq kod yozayapti. Muhimi, bitta narsani qayta-qayta so’ramaydi” deydi.

Kechagi postdan keyin baʼzilar tushkunlikka ham tushdi. Sababi ular Sunʼiy intellektni yordamchi emas, raqobatchi sifatida koʻrdilar.

Aslida unday emas, agar toʻgʻri foydalansak ChatGPT kabi dasturlar faqatgina bizning oʻsishimizga va ishimizni osonlashishiga sabab boʻladi.

Masalan, Junior dasturchi ChatGPT dan qanday foydalanishi mumkin:

1. Code review. Endi kodingizni koʻrib, baholab, kamchiliklarini topib berishi uchun ustoz yoki katta dasturchini kutib oʻtirish shart emas. ChatGPT sizga kodni hamma kamchiliklarini aytib, oʻrniga toza va sifatli muqobilini ham koʻrsatadi.

2. Xatolar bilan ishlash. Hozir kodingizda xato chiqqanda Stackoverflowda soatlab vaqt sarflashingiz, yoki birorta senior dasturchining vaqtini olishingiz mumkin. SI esa bir zumda toʻgʻri yechimni izohlari bilan beradi.

3. Bilmagan narsangizni oʻrgatadi. Deylik dasturingizni siz shu paytgacha ishlatmagan xizmat bilan API orqali bogʻlash kerak (masalan, Payme toʻlov tizimini ulash kerak). ChatGPT sizga nafaqat kod, balki APIdan toʻgʻri foydalanish boʻyicha qadam-baqadam qoʻllanmani ham beradi.

4. Shablon kodlar. SI sizga dasturingizning boshlangʻich qismini yozib beradi. Odatda takrorlanuvchi, shablon kodlarni endi vaqt ketkazib, qayta yozmasdan, ChatGPT ga yozdirib olish mumkin.

5. Kodni testlash. Junior dasturchilarning eng katta kamchiligidan biri - kodga unit yoki integration testlar yozishmaydi, yoza olishmaydi. SI esa buni qoyilmaqom qilib bajarayapti. Istalgan funksiyaga bir zumda test yozdirib olish mumkin.

Xullas, bunday misollar koʻp. Muhimi, SIdan koʻr-koʻrona emas, aql bilan foydalaning. Bergan javobini tahlil qiling. Yaxshi tarafi, soʻrasangiz ChatGPT har bir javobini izohlab, tushuntirib ham beradi.

Zamon oʻzgarayapti, siz ham zamonga moslashib boring. Texnologiyadan toʻgʻri foydalansangiz, u sizning raqobatchingiz emas, yordamchingiz boʻladi.

SI odamlarning o’rnini egallaydimi degan savolga mening doimiy javobim: “Ongli odamning o'rnini hech narsa bosmaydi”.

Siz oʻz sohangizda SI dan qanday foydalangan boʻlar edingiz? Javobingizni izohda qoldiring.