"Театрализованнай дьүһүйүү» диэн бөлөҕүнэн ааҕыыга Саха суруйааччыларын айымньыларынан уус-ураннык ааҕыы буолла.
Барыта 8 бөлөх кыттыыны ылла, ол иһигэр 6 оскуола оҕолорун бөлөхтөрө кытыннылар. Хоһоон куттаах, хоһоону таптыыр уонна уус-уран ааҕыыны көҕүлүүр, кэрэ эйгэҕэ  угуйар, үөрэтэр–такайар талааннаах кыттааччыларбытыгар уонна уһуйааччыларбытыгар ситиһиилэри баҕарабыт.

«Көҥүл микрофон" хомуһуннаах хоһоонньуттар түһүлгэлэрэ олус интэриэһинэйдик ааста. Хоһоон куттаах, хоһоону таптыыр мааны ыалдьыттарбыт бэйэлэрин санааларын этэн, хоһооннорун ааҕан дьон сэҥээриитин ыллылар

"Түөрт көҥүл строка" хоһоон айыыга куоталаһыы саҕаланна. Бэриллибит тиэмэҕэ хоһуйуу куонкуруһугар 18 киһи кытталлар. Кыттааччылар 20 мүнүүтэ иһигэр А.Г. Гуринов - Арчылан бэйиэт, прозаик, суруналыыс "Бэргэһэ" диэн тиэмэни куйаар ситиминэн биэрдэ. Күрэх дьүүллүүр сүбэтинэн үлэлииллэр: С. Руфов төрөппүт уола В.С. Руфов, Н.П. Кардашевская - Куттаах "Чэчир" айар түмсүү уонна "Үөдүгэй бөрүөтэ" айар түмсүү чилиэнэ, Д.И. Кононов "Чэчир" литературнай түмсүү салайааччыта.

Түмүккэ «Олох тыыннаах, уолбат уоҕа угуйа, үөрдэ туруоҕа» диэн Сэмэн Уруукап эппит тылларынан ыытыллар төгүрүк остуол саҕаланна. Бүгүҥҥү төгүрүк остуолу иилээн-саҕалаан ыытар СР норуотун хаһаайыстыбатын үтүөлээх үлэһитэ, Петр Тобуруокап аатынан түмэл салайааччыта, Сэмэн Уруукап аллар атаһа, доҕоро И.Е. Чычахов.
Төгүрүк остуолу киэргэттилэр Наталья Ильина Сэмэн Уруукап тылларыгар, Луиза Струкина матыыбыгар «Музыка», Саха Өрөспүүбүлүкэтин култууратын туйгуна, Үөһээ Бүлүү күөрэгэйэ Вилена Ларионова, Сэмэн Уруукап тылларыгар «Төрөөбүт кыраайым», Н.И.Бойлохов аатынан оҕо искусство оскуолатын Саксафон кылааһын үөрэнээччилэрэ Арина Касьянова гитараҕа оонньоото Алик Николаев Сэмэн Уруукап хоһоонугар, оҕолор бэйэлэрин матыыптарыгар «Бегемот».