#тобуруокап_күһүнэ
🍁🍂🍁🍂🍁🍂🍁🍂🍁🍂
“Тобуруокап көмүс күһүнэ” хоһоонньуттары истии

Бу улахан түҺүлгэҕэ Сахабыт сирин улуустарыттан айар алыпка ылларбыт куттаахтары түмтэ. Хас биирдии хоһоонньукка көҥүл микрофон бэриллэн, айар куттаахтар дуоҺуйа хоһооннорун ааҕаллар.

#тобуруокап_күһүнэ
🍁🍂🍁🍂🍁🍂🍁🍂🍁🍂
Сунтаар улууһуттан "НьургуҺун" түмсүү. Салайааччы Иванова Зинаида Иннокентьевна - Сыралы.

#тобуруокап_күһүнэ
🍁🍂🍁🍂🍁🍂🍁🍂🍁🍂
"Иэйии" Өрөспүүбүлүкэ хоһоонньуттарын түмсүүтэ

#тобуруокап_күһүнэ
🍁🍂🍁🍂🍁🍂🍁🍂🍁🍂
“Дани-Алмас хампаанньа” кинигэ кыһатыгар босхо бэчээттэнэн тахсар уус-уран кинигэ ааптарын быһаарар көрүү-күрэх үөрүүлээх аһыллыыта буолла. Көрүү-күрэҕи “Дани-Алмас” кинигэ кыһатын үлэһитэ Н.А. Бочкарева эҕэрдэ тылынан саҕаланна, күрэх дьүүллүүр сүбэтин састааба: тэрээһин ааптара, саха норуотун суруйааччыта Д.Ф. Наумов, саха норуотун суруйааччыта Н.В. Михалева - Сайа, тыл билимин дуоктора В.Б. Окорокова. Бу күрэххэ 12 улуус бастыҥ хоһоонньута бэйэтин улууһун аатыттан киирсээри хоһооннорун анал дьүүллүүр сүбэҕэ туттардылар. Санатан эттэххэ көрүү-күрэх кыайыылаахтарыгар хоһооннорун хомуурунньуга "Дани-Алмас" кинигэ кыһатыгар 120 сирэй кээмэйинэн босхо бэчээттэнэн тахсар. Айар куттаах хоһоонньуттарбытыгар ситиһиини баҕарабыт. Түмүк сарсын, о.э. балаҕан ыйын 7 күнүгэр эбиэт кэннэ биллэр.

#тобуруокап_күһүнэ
🍁🍂🍁🍂🍁🍂🍁🍂🍁🍂
Киэһэ күн саҕахха саһыыта Тобуруокап ыллыгынан кэрэ мас оҥоһуктары көрө-көрө кыттааччылар уонна ыалдьыттар Бүлүү Эбэ биэрэгэр "Сэмэнээс Даркылааҕар" көмүс хатырыктааҕы мииннээһин күрэһэр тоҕуорустулар. Хас кэлбит ыалдьыттары сылаас алаадьынан, үөрэ миининэн күндүлээтилэр. Собо миинин буһарыыга, сыа балыкка муҥхалааһын, оҕолорго туулааһын буолла. Бу киэҺэ барыта 17 хамаанда күрэхтэстэ, тууну үтүүгэ - 4, муҥхалааһыҥҥа - 4, собо миинин буһарыыга - 9.
Салгыы көҥүл микрофон биллэриллэн, баҕалаах эрэ барыта тахсан хоһоон аахтылар, ыллаатылар-туойдулар, эҕэрдэ тыл эттилэр.
Бүлүү Эбэ биэрэгэр ырыа ыраахха дылы дуорайда, кутааҕа буспут собо миинин сыта тунуйда. Дьон бары астынан, дуоһуйан тарҕастылар.