У сферы адукацыі ганаровага звання "Мінскі майстар" удастоены дырэктар гімназіі № 4 Мінска Андрэй Гоцман і загадчыца дзіцячага сада № 250 Аксана Кульніс

📌 Ужо 20 гадоў Мінскім гарадскім аб’яднаннем прафсаюзаў сумесна з Мінгарвыканкамам праводзіцца конкурс прафесійнага майстэрства "Мінскі майстар". Сёлета ў яго адборачных этапах прынялі ўдзел больш за 1500 работнікаў, пераможцамі конкурсу сталі 39 работнікаў розных арганізацый і прадпрыемстваў горада.

На думку пераможцы конкурсу дырэктара гімназіі № 4 Андрэя Гоцмана, любы конкурс — гэта магчымасць паказаць свае моцныя бакі. Удзел у конкурсе "Лідар сталічнай адукацыі", які і прадвызначыў перамогу ў "Мінскім майстры", стымуляваў калектыў гімназіі аб’яднацца і ісці разам да перамогі.

— Калі ты адчуваеш, што цябе патрымліваюць, калі людзі адчуваюць, што ты іх падтрымліваеш, тады і дасягаюцца любыя вышыні, — лічыць Андрэй Міхайлавіч.

🎗 Загадчыца дзіцячага сада № 250 Аксана Кульніс у прафесіі з 18 гадоў. Пачынала з памочніка выхавальніка, потым працавала выхавальнікам, і ўжо 12 гадоў кіруе дзіцячым садам, у які ўклала часцінку душы і ведае ў ім літаральна ўсё да кожнай цаглінкі.

— Перапаўняе пачуццё радасці і гордасці за такую ўзнагароду, — падзялілася сваімі ўражаннямі Аксана Анатольеўна. — Конкурс паказаў, што няма нічога немагчымага, трэба толькі захацець. Варта ставіць перад сабой новыя задачы — і ты абавязкова іх дасягнеш. А ўсе дасягненні — гэта дасягненні каманды аднадумцаў, каманды прафесіяналаў, якіх аб'ядноўвае бясконцая адданасць сваёй справе, прафесіі.

❔Есть вопросы о ценах и качестве товаров? Обращайтесь в общественную приемную 19 сентября

Подробнее 👈🏻

@profsoyuziminsk