✅ SAVOL: Korxonamiz mineral o‘g‘itlar chakana savdosi bilan shug‘ullanadi. Bank aylanmamiz bir milliard so‘mga yaqinlashdi. Savdo do‘konimiz turar joyda joylashgan. QQSga o‘tsak, turar joy bilan ijara shartnoma kilsak bo‘ladimi yoki noturar joy bo‘lishi shartmi?

Rahmatillo To‘xtayev

JAVOB: O‘zbekiston Respublikasining “Oilaviy tadbirkorlik to‘g‘risida”gi Qonunining 16-moddasiga asosan oilaviy korxona ishtirokchilariga mulk huquqi asosida yoki boshqa qonuniy asosda tegishli bo‘lgan turar joylar va yashash uchun mo‘ljallanmagan joylar, shu jumladan, ishlab chiqarish, xo‘jalik binolari va boshqa imoratlar oilaviy korxona faoliyati amalga oshiriladigan joydir.

Oilaviy korxona ishtirokchilariga mulk huquqi asosida tegishli bo‘lgan turar joylarni ulardan oilaviy korxona faoliyatida foydalanish maqsadida yashash uchun mo‘ljallanmagan joylarga aylantirish talab qilinmaydi. Bundan faoliyatning ayrim turlari uchun qonunchilikda nazarda tutilgan hollar mustasno.
Soliq davrida tovarlarni (xizmatlarni) realizatsiya qilishdan olingan jami daromadingiz bir milliard so‘mdan oshgan taqdirda, umumbelgilangan soliq rejimida QQS va foyda solig‘ini to‘lashga o‘tilsa ham tadbirkorlik subyektlarining tashkiliy-huquqiy shakli o‘zgarmaydi, ya’ni oilaviy korxona bo‘lib qolaveradi. Shunga ko‘ra noturar joyga aylantirish talab qilinmaydi.

Savolga Samarqand viloyati davlat
soliq boshqarmasi Soliq solish bo‘yicha maslahat bo‘limi boshlig‘i Bekzod Saliyev javob berdi.

Тelegram | Facebook | Youtube

✅ “Soliqchi – tadbirkorga ko‘makchi”

Тelegram | Facebook | Youtube

✅ SAVOL: Korxonamiz mahsulotini chet elga eksport qilgan. Hozirgi kunda inopartner debitor qarzdorlikni to‘liq pul ko‘chirib berolmayapti. Mazkur holatning korxonamizga oqibati qanday bo‘lishi mumkin?

Akmal Xo‘jayev

➡️ JAVOB: O‘zbekiston Respublikasi Vazirlar Mahkamasining 2020-yil 14-maydagi “O‘zbekiston Respublikasida tashqi savdo operatsiyalari monitoringini yanada takomillashtirish chora-tadbirlari to‘g‘risida”gi qaroriga asosan sotib olish kontrakti bo‘yicha to‘langan pul mablag‘larini qaytarish yoki sotish kontrakti bo‘yicha pul mablag‘larining kelib tushishi sotib olish kontrakti bo‘yicha to‘lov amalga oshirilgan kundan boshlab 180 kundan oshmasligi kerak. Bunda sotish kontrakti bo‘yicha kelib tushgan pul mablag‘larining miqdori sotib olish kontrakti bo‘yicha to‘langan pul mablag‘lari miqdoridan kam bo‘lmasligi lozim.

❗️ Ushbu muddatda qaytarilmagan yoki belgilangan miqdorda kelib tushmagan valyuta mablag‘lari muddati o‘tgan debitor qarzdorlik sifatida qaraladi. 180 kungacha kechikkanda — tushmagan valyuta mablag‘lari yoki “erkin muomalaga chiqarish (import)” bojxona rejimida rasmiylashtirilmagan tovarlar, shuningdek, bajarilmagan ishlar yoki ko‘rsatilmagan xizmatlar summasining 10 foiziga teng miqdorda, 180 kundan 365 kungacha kechikkanda – 20 foizga, 365 kundan ortiq kechikkanda – 70 foizga teng miqdorda respublika budjeti daromadiga qo‘shimcha jarima to‘lanadi.

👉 Savolga Samarqand viloyati davlat soliq boshqarmasi Soliq solish bo‘yicha maslahat bo‘limi boshlig‘i Bekzod Saliyev javob berdi.

Тelegram | Facebook | Youtube

#imtiyoz

Avvalroq, 2022-yil I yarim yilligida foydalanilgan soliq imtiyozlari haqida ma’lumot berilgan edi

E-imtiyoz axborot tizimi orqali soliq turlari, hududlar va me’yoriy-huquqiy hujjatlar kesimida imtiyozlardan foydalanish bo‘yicha tahliliy ma’lumotlar tayyorlandi.

2022-yilning dastlabki 6 oyi davomida yuridik shaxslar 75 mingta holatda 24,6 trln so‘m soliq imtiyozlaridan foydalangan.

Jami imtiyozning 8,5 trln so‘miga QQSning nol stavkasi qo‘llanilgan.

Shundan me’yoriy-huquqiy hujjatlar bo‘yicha:
Soliq kodeksiga asosan – 22,5 trln so‘m;
O‘zbekiston Respublikasi Qonuni, Prezident farmonlari, qarorlari, Vazirlar Mahkamasi qarorlari va boshqa hujjatlarga asosan – 2,1 trln so‘m qo‘llanilgan.

Soliq turlari kesimida:
eng ko‘p qo‘llanilgan imtiyoz – QQS bo‘yicha 22,4 trln so‘m (91,1%)
Boshqa soliq turlaridan – 2,2 trln so‘m (8,9%) miqdorida foydalanilgan.

Hududlar kesimida:
Yirik soliq to‘lovchilar bo‘yicha hududlararo davlat soliq inspeksiyasi korxonalari tomonidan jami imtiyoz summasining 18 trln so‘m qismi foydalanilgan.
Imtiyozning qolgan 6,6 trln so‘m qismi Respublikaning boshqa hududlariga to‘g‘ri keladi.

Тelegram | Facebook | Youtube| Instagram

#ozini_ozi_band_qilish

O‘zini o‘zi band qilganlar haqida 5 ta fakt

1. O‘zini o‘zi band qilganlar soliq to‘lamaydi.

2. Mehnat staji hisoblanishi uchun ixtiyoriy ravishda bir yil uchun kamida BHMning 1 barobari miqdorida ijtimoiy soliq to‘lashlari mumkin – Soliq kodeksi 408-modda 2-qism

3. 70 ga yaqin faoliyat turi bilan shug‘ullanishi mumkin (ro‘yxat bu yerda).

4. Xodimlarni jalb qila olmaydi va ish beruvchiga ega bo‘la olmaydi – PQ-4742 08.06.2020-yil

5. Soliq organlarida ro‘yxatdan o‘tish Soliq (Android/iOS) mobil ilovasi orqali masofadan turib amalga oshiriladi.

Malumot uchun. 1-iyun holatiga O‘zbekistonda jami 1 720 423 nafar fuqaro o‘zini o‘zi band qilgan. Ularning 565 843 nafari joriy yilda o‘zini o‘zi band qilgan shaxs maqomiga ega bo‘lgan. Joriy yil boshidan buyon 159,4 ming nafar o‘zini o‘zi band qilgan shaxs tomonidan jami 40,7 mlrd so‘m ijtimoiy soliq to‘langan.

Тelegram | Facebook | Youtube| Instagram