#qonunchilikdagi_yangiliklar

✅ 2023-yil 1-martdan:

👉EHF yoki onlayn-NKT cheklarida olingan tovarlar (xizmatlar) nomenklaturasiga yoxud faoliyatning o‘ziga xos xususiyatlariga va amalga oshiriladigan turlariga muvofiq bo‘lmagan identifikatsiya kodlari (MXIK)ni aks ettirganlik uchun chora ko‘riladi (Soliq kodeksi 223-modda 5-qism);

👉2023-yil 1-yanvarga nisbatan 1-fevral holatiga oshgan soliq qarzini 1-iyulgacha foizlarsiz, qo‘shimcha shartlar qo‘ymasdan va ta’minot talab etmasdan teng ulushlarda bo‘lib-bo‘lib to‘lashga ruxsat beriladi;

👉soliq toʻlovchilarga soliq organlarining sayyor soliq tekshiruvlari va soliq auditi natijalari boʻyicha qabul qilgan qarorlari ustidan toʻgʻridan-toʻgʻri sudga shikoyat qilish huquqi beriladi;

👉QQS toʻlovchilar va ustav jamgʻarmasi (kapitali)da davlat ulushi 50 % va undan koʻproq miqdorda boʻlgan yuridik shaxslar ”E-aktiv” AATdan foydalanadi;

👉2026-yil 1-yanvarga qadar 3 oydan koʻp 30 tadan ortiq kasanachilarni jalb qilgan va kasanachilik asosida mahsulot ishlab chiqaradigan tadbirkorlar uchun pasaytirilgan soliq stavkalari qo‘llaniladi.

60 yosh muborak!

🎂 Soliq tizimida uzoq yillardan buyon samarali mehnat qilib kelayotgan viloyat soliq boshqarmasi Yuridik bo'lim bosh yuriskonsulti Zokir Sultonov 60 yoshni qarshilamoqda.

✅ Murabbiy va ajoyib ustoz sifatidagi faoliyatingizni boshqarma jamoasi hurmat bilan tilga oladi, bosib o‘tgan hayot yo‘lingizni o‘sib kelayotgan yosh avlod o‘rnak sifatida qadrlaydi.

✅ Mana shunday qutlug‘ kuningizda Sizga uzoq umr, sihat-salomatlik, oilaviy baxt, doimo farzandlaringiz, nabiralaringiz, shogirdlaringiz ardog‘ida quvonchlarga to‘lib yurishingizni tilaymiz.

✅ Fursatdan foydalanib, Sizni viloyat soliq xizmati organlari xodimlari nomidan tavallud kuningiz bilan chin dildan tabriklaymiz. Sizga mustahkam sog‘liq, xonadoningizga tinchlik, farovonlik va fayz-baraka tilab qolamiz.

✅ Tavallud kuningiz muborak bo‘lsin!

Hurmat bilan

Samarqand viloyati soliq boshqarmasi jamoasi.

“Kasanachilikni yanada rivojlantirishga oid qo‘shimcha chora-tadbirlar to‘g‘risida”gi Prezident qaroriga (PQ–70-son, 23.02.2023 y.) asosan:

✅ ish beruvchilarga o‘zini o‘zi band qilgan shaxslarni kasanachi sifatida jalb qilishga ruxsat berildi.

📝 shunga ko‘ra, o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari (19 ta) ro‘yxati to‘ldirildi.

✅ 2023-yil 1-martdan 2026-yil 1-yanvargacha 3 oydan ko‘p 30 tadan ortiq kasanachilarni jalb qilgan va u asosida ishlab chiqargan mahsulotlardan olgan daromadi jami daromadining 60 foizidan ko‘pni tashkil etgan tadbirkorlar uchun:

🔹foyda va aylanmadan olinadigan soliqning soliq bazasi 50 foizga kamaytirilib hisoblanadi;

🔹ayrim davlat mulklaridan foydalanganlik uchun ijara to‘lovi 50 foiz miqdorda belgilanadi;

🔹davlat xaridlari doirasida tuziladigan shartnomalarda buyurtmachilar tomonidan 50 foiz oldindan to‘lov amalga oshiriladi.

💰“Usta-shogird” maktablar o‘quvchilari ijtimoiy soliqni o‘zini o‘zi band qilgan shaxslar uchun belgilangan tartibda to‘laydi.

#onlayn_NKM

Vositachi (sub-vositachi) tomonidan cheklarda ma'lumotlarni aks ettirish bo‘yicha tushuntirishlar

1. Korxona vositachi bo'lganda

Tovarlar (xizmatlar) realizatsiyasi bo'yicha aylanma komitentning hisobotlarida aks ettirilishi uchun vositachi cheklarda komitentning STIRini aks ettirishi kerak. Agar korxona sub-vositachi (oraliq vositachi) bo‘lsa, chekda realizatsiya qilinayotgan tovarlar (xizmatlar)ning asosiy komitenti STIRi ko‘rsatiladi.

Bunda, tizim soliq to‘lovchining shaxsiy kabinetida (my.soliq.uz) ro‘yxatga olingan komitent vositachilari ro‘yxatini tekshiradi.

Agar vositachi komitentning STIRini noto‘g‘ri ko‘rsatgan bo'lsa yoki tegishli vositachi komitent tomonidan ro'yxatga olinmagan bo'lsa, realizatsiya qilingan aylanma vositachi hisobotlarida aks etadi.

2. Agar:

a) komitent norezident bo‘lsa – vositachi shaxsiy kabinetdagi “Komitent shakllantirish” bo‘limi orqali “Norezident-komitent ro‘yxatini shakllantirish” xizmatidan foydalangan holda, norezident bilan tuzilgan komissiya shartnomasini yuklaydi. Shundan so'ng, tizim norezident-komitent uchun ID yaratadi. Ushbu ID cheklarda “komitent STIR” o‘rniga aks ettiriladi.

Shuningdek, tizim vositachining norezident-komitent IDlari ro‘yxatini ham tekshiradi. Agar vositachi IDni noto'g'ri ko'rsatgan bo'lsa, realizatsiya qilingan aylanma vositachi hisobotlarida aks etadi.

b) sub-vositachi komitenti norezident bo‘lsa – bunda ham vositachi tomonidan norezident-komitent uchun ID yaratiladi. Ushbu ID cheklarda "komitent STIR" o‘rniga aks ettirishi uchun subvositachiga taqdim etiladi.

Bunda, tizim vositachining norezident-komitent IDlari ro‘yxatini tekshiradi. Agar sub-vositachi IDni noto‘g‘ri ko‘rsatgan bo‘lsa yoki vositachi shaxsiy kabinetida sub-vositachini ro‘yxatdan o‘tkazmagan bo‘lsa, realizatsiya qilingan aylanma subvositachi hisobotlarida aks etadi.

Eslatma. Sub-vositachi tomonidan realizatsiya qilingan tovarlar (ko‘rsatilgan xizmatlar)ga berilgan onlayn-NKM va virtual kassa chek summasini bosh komitent soliq hisobotida aks ettirish uchun vositachi bosh komitent tovarlar (xizmatlar)ni raelizatsiya qiladigan sub-vositachini ro‘yxatdan o‘tkazishda bosh komitent STIR (JShShIR) yoki ID raqamini (agar bosh komitent norezident bo‘lsa) ko‘rsatishi kerak.

❓Savol: AI-80 rusumli avtobenzin mahsuloti realizatsiyasi uchun aksiz solig‘i bo‘yicha qo‘llanilgan imtiyoz 2023-yil 1-martdan kuchini yo‘qotdimi?

🖊Aziz Alibekov

Javob: O‘zbekiston Respublikasi Prezidentining 2023-yil 28-fevraldagi PQ-80-sonli Qaroriga ko‘ra, import qilinadigan, mahalliy korxonalar tomonidan ishlab chiqariladigan va tadbirkorlik subyektlari tomonidan yakuniy iste’molchilarga sotiladigan AI-80 rusumli avtobenzin mahsuloti uchun aksiz solig‘ini “nol” stavkada qo‘llash muddati 2023-yil 31-dekabrga qadar uzaytirildi.

📢 Samarqand viloyati DSB boʻlim boshligʻi Bekzod Saliyev javob berdi.

#deklaratsiya

✅ Soliq deklaratsiyalarini yuborish boʻyicha videoqoʻllanma

💻Endilikda "kontrakt"dan 12% daromad solig‘ini qaytarib olish uchun soliq organlariga tashrif buyurmasdan, my3.soliq.uz orqali shartnoma va toʻlov hujjatlarini biriktirgan holda deklaratsiya yuborish mumkin.

“Soliq deklaratsiyalarini yuborish” elektron xizmatining yangi versiyasida foydalanuvchining ish haqi va boshqa daromadlari toʻgʻrisidagi maʼlumotlar avtomatik shakllanadi.

♻️Jismoniy shaxslarning quyidagilar uchun yoʻnaltirilgan daromadlaridan 12% miqdorida daromad soligʻini masofadan qaytarib olish mumkin:
▫️kontrakt;
▫️nodavlat maktabgacha taʼlim tashkilotlari;
▫️ipoteka kreditlari.

☝️Bu haqda batafsil videoqoʻllanmada tanishing

❗️Deklaratsiya elektron raqamli imzodan foydalangan holda yuboriladi.

👉Elektron raqamli imzo olish bo‘yicha videoqo‘llanma

❇️O‘zbekiston Respublikasi Soliq kodeksining 378-moddasiga asosan farzandlariga nodavlat maktabgacha taʼlim tashkilotlari va (yoki) maktablar ko‘rsatadigan taʼlimga oid xizmatlar uchun ota-ona (farzandlikka oluvchilar) tomonidan har bir farzand uchun to‘lanadigan oyiga 3 million so‘mgacha bo‘lgan to‘lovlarga daromad solig‘i to‘lanmaydi.

➡️ Sodda qilib tushuntirganda siz yoxud turmush o‘rtog‘ingizning oylik maoshining 3 million so‘mgacha bo‘lgan qismi taʼlimga doir xizmatlarga yo‘naltirilsa, ushbu summaga daromad solig‘i olinmaydi.

❗️ Taʼkidlash joizki, ushbu imtiyoz 2022-yilning 1-aprelidan boshlab yuzaga kelgan munosabatlarga ham tatbiq qilinadi.

🏠Subsidiya asosida olingan uy-joy krediti uchun yo‘naltirilgan mablag‘dan daromad solig‘i olinmaydi

✅“Ipoteka kreditidan foydalanishda aholiga qo‘shimcha qulayliklar yaratish chora-tadbirlari to‘g‘risida”gi Prezident qaroriga (PQ–377-son, 22.09.2022 y.) asosan:

✅ 2023-yil 1-yanvardan uy-joy uchun subsidiya berilgan fuqarolarning ipoteka kreditlari va ularning foizlari uchun yo‘naltirilgan ish haqi va boshqa daromadlari daromad solig‘iga tortilmaydi.

⏩ Mazkur imtiyoz qarz oluvchi va birga qarz oluvchilar daromadining bir soliq davrida mehnatga haq to‘lash eng kam miqdorining 80 baravaridan oshmagan qismiga tatbiq etiladi.

☑️ 2023-yildan ipoteka kreditiga olingan mol-mulk olingan sanadan 36 oyda qayta sotilsa, kredit va foizlar uchun yo‘naltirilgan daromad soliqqa tortiladi.

"VILOYAT HOKIMI KUBOGI" MUSOBAQASI O‘TKAZILDI

❓Savol: Noto‘g‘ri qo‘llanilgan MXIK (mahsulot va xizmatlarni identifikatsiya kodi) uchun jarima qilish mumkinmi?

🖊Nigora Maxmudova

Javob: Soliq kodeksining 223-moddasiga asosan, hisobvaraq-fakturalarda yoki nazorat-kassa texnikasi cheklarida olingan tovarlar (xizmatlar) nomenklaturasiga yoxud faoliyatning o‘ziga xos xususiyatlariga va amalga oshiriladigan turlariga muvofiq bo‘lmagan identifikatsiya kodlarini aks ettirish —hisobvaraq-fakturalarda yoki nazorat-kassa texnikasi cheklarida ko‘rsatilgan realizatsiya qilingan tovarlar (xizmatlar) qiymatining bir foizi miqdorida jarima solishga sabab bo‘lishi belgilangan.

✅Ushbu jarima 2023 yil 1 martdan boshlab qo‘llaniladi.

📢 Samarqand viloyati DSB boʻlim boshligʻi Bekzod Saliyev javob berdi.