#e_ijara

Avtomobil ijara shartnomasini Soliq mobil ilovasida qanday ro‘yxatdan o‘tkazish mumkin?

1. Buning uchun ijaraga beruvchi jismoniy shaxs JShShIRni kiritib, Face ID yordamida shaxsini tasdiqlagan holda avtorizatsiyadan o‘tishi lozim.

2. “Personal xizmatlar” bo‘limidan “Ijaraga berish” ochilgan oynadan esa “Avtotransportni ijaraga berish” tanlanadi.

3. Ijaraga beruvchi to‘g‘risidagi ma’lumotlar (FISh, hudud, tuman va manzil) avtomatik ravishda aks etadi. Telefon raqami qo‘lda kiritiladi.

4. "Ijaraga oluvchi to‘g‘risida ma’lumot” bo‘limida:
agar ijaraga oluvchi jismoniy shaxs bo‘lsa, JShShIR ko‘rsatiladi;
agar ijaraga oluvchi yuridik shaxs bo'lsa, STIR ko‘rsatiladi.
Shundan so‘ng, ijaraga oluvchi haqidagi boshqa ma‘lumotlar (FISh, hudud, tuman va manzil) avtomatik ravishda aks etadi. Telefon raqami qo‘lda kiritiladi.

5. Ijaraga beruvchiga tegishli bo‘lgan avtotransport vositasi to‘g‘risidagi ma’lumotlar (model, davlat raqami, rangi, ishlab chiqarilgan yili va ro‘yxatga olingan joyi) ham avtomatik tarzda shakllanadi.

6. Ijara shartnomasining amal qilish muddati va oylik ijara haqi ko‘rsatiladi. Umumiy miqdor avtomatik ravishda hisoblanadi.

7. “Yuborish” tugmasi bosiladi.

Muvaffaqiyatli ro'yxatdan o'tganligi to'g'risida ma’lumot va ijara shartnomasining raqami ekranda paydo bo‘ladi.

Malumot uchun. Soliq maqsadlarida, 2022-yil uchun mol-mulkni ijaraga beruvchi jismoniy shaxslar uchun belgilangan ijara to‘lovining eng kam stavkalari:
🚘 yengil avtomobil - 630 000 so'm;
🚛 mikroavtobuslar, avtobuslar va yuk avtomobillari - 1 250 000 so'm.

Тelegram |Facebook |Youtube| Instagram |Twitter

“Korrupsiyaga qarshi kurashish oyligi” doirasida Samarqand viloyati davlat soliq boshqarmasi Shaxsiy xavfsizlik bo‘limi tomonidan huquqni muhofaza qilish idoralari bilan hamkorlikda Urgut, Pastdarg‘om tumanlari davlat soliq inspeksiyalari shaxsiy tarkibi uchun profilaktik tadbirlar o‘tkazildi.

Tadbirlarda korrupsiyaning davlat va jamiyat taraqqiyotiga salbiy taʼsiri, davlat soliq xizmati organlarini korrupsiyadan xoli tizimga aylantirish, manfaatlar to‘qnashuviga yo‘l qo‘ymaslik, har bir xodim o‘z xizmat vazifasiga vijdonan yondashishi lozimligi taʼkidlandi.

Shuningdek, savdo do‘konlari va aholi gavjum joylarda ham tushuntirish ishlari olib borilayotir. Jumladan, tadbirkorlar bilan profilaktik suhbatlar o‘tkazilib, ularga bukletlar tarqatilmoqda, targ‘ibot materiallari joylashtirilmoqda.

Тelegram | Facebook | Youtube