#mol_mulk_va_yer_soligi

🗓15 oktabr – jismoniy shaxslar uchun mol-mulk va yer solig‘i to‘lashning oxirgi kuni

📍Soliqlar – yurtimiz farovonligi🏞, yo‘llarimiz ravonligi🛣, sarhadlarimiz mustahkamligi🚧, aholi salomatligi🏥, farzandlar kelajagi 👫 uchun sarflanadi.

Hurmatli fuqarolar❗️

✅ Siz ham soliqlarni o‘z vaqtida to‘lab, Vatanimiz rivojiga hissa qo‘shing!

Тelegram | Facebook | Youtube

#mutaxassis_javobi

🟢 SAVOL: Tashkilotimiz tijorat bilan shug‘ullanmaydi, yaʼni foyda olish maqsadida faoliyat yuritmaydi. Tashkilotimiz mulkida bo‘lgan obyekt uchun mol-mulk solig‘i to‘lashimiz kerakmi?

Firuz Haydarov

✅ JAVOB: O‘zbekiston Respublikasi Soliq kodeksining 411-moddasi uchinchi qismi 1-bandiga asosan notijorat tashkilotlari tomonidan notijorat faoliyatini amalga oshirish doirasida foydalaniladigan ko‘chmas mulk obyektlari mol-mulk solig‘i bo‘yicha soliq solish obyekti hisoblanmasligi belgilangan.

📢 Savolga Samarqand viloyati davlat soliq boshqarmasi bo‘lim boshlig‘i Bekzod Saliyev javob berdi.

Тelegram | Facebook | Youtube

‼️Uy-joy ijara shartnomasi bir tomonlama o‘zgartirilmaydi va bekor qilinmaydi
So‘ngi vaqtlarda ayrim yurtdoshlarimiz tomonidan uy-joy ijarasi orqali ko‘proq daromad olish maqsadida avval ijaraga berilgan kvartiralardan ijarachilarni majburlab chiqarib yuborish yoki asossiz ravishda narxni oshirish holati kuzatilmoqda.
Uy-joy egalarining ushbu harakatlari Fuqarolik kodeksi va boshqa qonunchilik hujjatlari talablarini buzilishiga sabab bo‘lishi hamda kvartiralarni ijaraga berishning ayrim muhim huquqiy asoslari to‘g‘risida eslatib o‘tmoqchimiz (https://t.iss.one/huquqiyaxborot/12530).
1️⃣ Kvartirani ijaraga berish bo‘yicha shartnoma shakli
📄 Uy-joyni ijaraga berish shartnomasi yozma shaklda tuziladi.
📌 Bunda shartnoma soliq organlarida davlat hisobiga qo‘yilishi kerak.
📝 Shartnomani davlat hisobiga qo‘yish ijara.soliq.uz portali orqali bepul amalga oshiriladi.
🗓 Shartnomani davlat hisobiga qo‘yish ijaraga beruvchining majburiyati hisoblanadi va bu shartnoma tuzilgan kundan 3 kundan kechiktirmay amalga oshirilishi kerak.
❕Ijaraga beruvchi shartnomani davlat soliq organlarida hisobga qo‘ymasa BHMning 5 baravaridan (1 mln 500 ming so‘mdan) 10 baravarigacha (3 mln so‘mgacha) miqdorda jarima solishga sabab bo‘ladi.
2️⃣ Ijara shartnomasining muddati
📋 Uy-joyni ijaraga berish shartnomasi 5 yildan ortiq bo‘lmagan muddatga tuziladi.
Shartnomada muddat ko‘rsatilmagan bo‘lsa, u 5 yilga tuzilgan hisoblanadi.
Ijaraga oluvchi yangi muddatga shartnoma tuzishda imtiyozli huquqqa ega bo‘ladi.
3️⃣ Ijara uchun to‘lanadigan haq
🔹Ijara haqi miqdori ijaraga beruvchi va ijaraga oluvchining o‘zaro kelishuviga binoan shartnomada belgilab qo‘yiladi.
🔹Ijara haqining miqdori bir tomonlama o‘zgartirilishiga yo‘l qo‘yilmaydi.
🔹Ijara puli shartnomada ko‘rsatilgan muddatlarda to‘lanishi kerak.
4️⃣ Shartnomani bekor qilish
📝 Ijara shartnomasi taraflarning kelishuvi bilan bekor qilinadi.
⚖️ Ijara shartnomasini ijaraga beruvchining talabi bilan bekor qilish muayyan asoslarga ko‘ra faqat sud tartibida amalga oshiriladi.
🔰Bu asoslar jumlasiga quyidagilar kiradi:
▫️ijara puli olti oy yoki qisqa ijarada esa shartnomadagi muddatdan keyin 2 martadan ko‘proq haq to‘lanmagan bo‘lsa;
▫️uy-joy vayron qilinsa yoki unga putur yetkazilsa;
▫️uy-joydan g‘ayriqonuniy maqsadlar uchun foydalanilgan bo‘lsa.
❗️Ijaraga oluvchi uy-joydan boshqa maqsadda foydalansa yoki qo‘shnilarning huquqlari va manfaatlarini buzsa, ijaraga beruvchi ijaraga oluvchini qoidabuzarlikka yo‘l qo‘ymaslik haqida ogohlantirishi mumkin.
Ijaraga oluvchi ogohlantirish olganlardan keyin ham qoidabuzarliklarni davom ettirsa, ijaraga beruvchi shartnomani sud tartibida bekor qilishga haqli.
Yuqoridagilarga ko‘ra, shartnoma shartlarini bir tomonlama o‘zgartirishga yo‘l qo‘yilmaydi.
Ijaraga beruvchilar tomonidan kvartiradan chiqib ketish yoki ko‘proq haq to‘lashga oid noqonuniy talablar ustidan fuqarolik ishlar bo‘yicha sudlarga murojaat qilish orqali buzilgan huquqlarni tiklash mumkin.

Тelegram | Facebook | Youtube

#bilasizmi

📚 O‘zbekiston Respublikasi Prezidentining 2022-yil 28-iyundagi “Soliq ma’muriyatchiligini isloh qilish davrida biznes uchun qulay shart-sharoitlar yaratish chora-tadbirlari to‘g‘risida”gi farmoniga muvofiq, 2023-yil 1-martga qadar hisobvaraq-fakturalarda yoki nazorat-kassa texnikasi cheklarida olingan tovarlar (xizmatlar) nomenklaturasiga yoxud faoliyatning o‘ziga xos xususiyatlariga va amalga oshiriladigan turlariga muvofiq bo‘lmagan identifikatsiya kodlarini aks ettirganlik uchun moliyaviy jarima solinmaydi. Shuningdek, xo‘jalik yurituvchi subyektlar tomonidan asosiy vositalar, nomoddiy aktivlar va tovar-moddiy resurslarni hisobga olish (sotib olish (qurish), ishga tushirish, qayta baholash, tasarruf etish) hamda o‘z ustav fondini (ustav kapitalini) shakllantirish va kamaytirish bilan bog‘liq barcha operatsiyalarni soliq organlarining “E-aktiv” axborot tizimida aks ettirish ixtiyoriy hisoblanadi.

Тelegram | Facebook | Youtube

✅Mol-mulk va yer soliqlarini 15-oktabrgacha to‘lashni unutmang!

✅Siz to‘lagan soliqlar aholini ijtimoiy-iqtisodiy qo‘llab-quvvatlash hamda yurtimiz farovonligiga xizmat qiladi.

☝️Eslatib o‘tamiz, o‘z vaqtida to‘lanmagan soliq summasiga har bir kechiktirilgan kun uchun qonunchilikda belgilangan tartibda penya hisoblanib, qarzdorlik sud tartibida majburiy undiruvga qaratiladi.

Тelegram | Facebook | Youtube

#savol_javob

- Yakka tartibdagi tadbirkorlar xorijdan quyosh batareyalari xarid qilish va ularni jismoniy shaxslarga sotish bilan shug‘ullanishi mumkinmi? Bu sohada qanday yangi soliq majburiyati va imtiyozlar mavjud❓

- Tovarlarni import qilish va ular bilan chakana savdo qilish yakka tartibdagi tadbirkorlar yuridik shaxs tashkil etmasdan shug‘ullanishi mumkin bo‘lgan faoliyat turlari ro‘yxatiga kiritilgan.
(quyidagilar bundan mustasno:
▫️qurilish materiallari;
▫️sement;
▫️shifer;
▫️yog‘och va yog‘och mahsulotlari;
▫️o‘simlik moyi;
▫️alkogolli va tamaki mahsulotlari;
▫️neft mahsulotlarining barcha turlari;
▫️qimmatbaho metallar va qimmatbaho toshlardan yasalgan buyumlar yoxud bunday materiallar qo‘llanilgan buyumlar;
▫️audiovizual asarlar;
▫️fonogrammalar va EHM uchun yaratilgan dasturlar;
▫️yangi import avtomobillar;
▫️farmatsevtika tovarlarini sotish).

Bunda olib kirilayotgan tovarlarning narxi bir oyda 5000 AQSh dollari ekvivalentidan oshmaslik shart.
👉VMQ-850 ilovasi 22.10.2018-yil

O‘zbekiston Respublikasining bojxona chegarasi orqali tovarlarni olib kirishni (importni) amalga oshiruvchi YaTTlarga nisbatan AOS tatbiq etilmaydi.
👉Soliq kodeksi 461-modda 2-qism 1-band

O‘zbekiston Respublikasining bojxona chegarasi orqali tovarlarni olib kirishni (importni) amalga oshiruvchi YaTTlar qaysi sana oldinroq kelishiga qarab import shartnomasi tuzilgan yoki tovarlar olib kirilgan (import qilingan) sanadan boshlab QQS va foyda solig‘ini to‘lashga o‘tadi.
👉Soliq kodeksi 462-modda 15-qism

Ushbu vaziyatda, YaTTlar bir oy davomida 5 000 AQSh dollaridan oshmagan miqdorda quyosh batareyalarini import qilishlari mumkin, bunda ular QQS to‘lovchisi sifatida tan olinadi.

Soliq kodeksiga asosan, YaTTlar tomonidan quyosh batareyalari realizatsiyasi uchun soliq imtiyozlari nazarda tutilmagan.

Тelegram | Facebook | Youtube| Instagram

❇️Joriy yilning 12-oktabriga qadar Samarqand viloyati bo‘yicha 2608 nafar fuqaro yo‘nalishsiz taksi faoliyatini amalga oshirish uchun o‘zini o‘zi band qilish tartibida guvohnoma oldi. Jumladan, Samarqand shahrida 1151 nafar, Samarqand tumanida 406 nafar, Toyloq tumanida 133 nafar o‘zini o‘zi band qilgan shaxs sifatida ro‘yxatdan o‘tdi.

✅Eslatib o‘tamiz, O‘zbekiston Respublikasi Soliq kodeksining 369-moddasiga asosan belgilangan tartibda o‘zini o‘zi band qilgan shaxslarning mehnat faoliyati natijasida olingan daromadlari jami daromadlar tarkibiga kiritilmaydi va soliqqa tortilmaydi.

✅Jismoniy shaxslar o‘zini o‘zi band qilish uchun Soliq mobil ilovasi orqali bepul ro‘yxatdan o‘tishi mumkin. Mazkur ilova mobil telefoniga yuklanib, “O‘zini o‘zi band qilish” sahifasi orqali guvohnoma shakllantiriladi.

Тelegram | Facebook | Youtube