Тэрээһин үөрүүлээх чааһын Техникум дириэктэрэ Мотрена Васильевна Осипова эҕэрдэ тылынан саҕалаата.

Бүгүҥҥү күрэххэ кыттар устудьуоннарынан киэн туттарын биллэрдэ.

Саха Өрөспүүбүлүкэтин ыксаллаах быһыы-майгы министиэристибэтин сүрүн управлениетын баһаары умуруоруу, умуруоруу үлэтин салайар уонна саахалтан быыһыыр үлэлэри салайар салаатын салайааччытын солбуйааччыта, ис сулууспа майора Иннокентий Русланович Иванов эҕэрдэ тылын анаата.

Техникум дириэктэрэ Мотрена Васильевна Осиповаҕа салалтатын эҕэрдэ суругун туттарда.

Үөһээ Бүлүүтээҕи Техникум өрөспүүбүлүкэҕэ бастыҥ үлэлээҕин, итиэннэ материальнай-техническэй өттүнэн атыттарга холобур буолардыы толору хааччыллыылаах бастыҥ орто үөрэх тэрилтэтэ буоларын бэлиэтээн эттэ.

Бүгүҥҥү күрэххэ анаан-минээн эҕэрдэ тылын тириэрдэ Саха Өрөспүүбүлүкэтин Баһаарынай сулууспатын салаатын салайааччытын солбуйааччы Анатолий Анатольевич Большаков кэллэ.

Боруонсаттан кутуллубут баһаарынай байыаһын статуэткатын Техникум түмэлигэр бэлэх уунна.

Күрэх түгэннэриттэн

Профессиональнай маастарыстыба чемпионатын регионнааҕы этабын кыттыылаахтара - 9-с кылаас кэннэ баһаарынай идэтигэр үөрэнэ киирбит 2-с куурус устудьуона Эдуард Донской уонна Тыва өрөспүүбүлүкэтиттэн сылдьар эмиэ 2-с кууруска үөрэнэр Артыш Тюлюш күрэхтэһиини саҕалыыр чиэскэ тигистилэр.