Արցախում սովամահություն է։ Բառիս բուն իմաստով։
Դրանից առաջ՝ հայ մարդկանց հափշտակություններ Ադրբեջանի կողմից։ Դրանից առաջ տարածքային նվաճումներ Սյունիքից մինչև Գեղարքունիք։
Չկա հայկական պետություն, չկա հայկականի պաշտպանություն՝ ո՛չ հողի, ո՛չ մարդու։
Ու կապ չունի, որ ցեղասպանությունը դեռ հիմնականում Արցախում է տեղի ունենում։ Սա գալու հասնելու է մինչև Երևան։
Դեռ շանս կա փրկվելու։ Դրա համար անհրաժեշտ է պատասխանատվություն վերցնեն բոլորը՝ ազգային գործիչներից մինչև բլոգերներ։
Իսկ դե-ֆակտո թուրքամետ իշխանությունը ծառայելու է բացառապես Թուրքիայի և Ադրբեջանի շահերին։ Սա պետք է հիշել ցանկացած գործողություն ու քայլ պլանավորելիս։

պ.գ.թ., թյուրքագետ Վարուժան Գեղամյան | @varuzhandragoman

Եվս մեկ ահասարսուռ դեպք: https://t.iss.one/hayaliq/1026

Հայաստան
- Մենք Արցախը չենք ուզում պաշտպանել: Բայց կլինի՞ դուք պաշտպանեք, հարգելի միջազգային հանրություն:

Միջազգային հանրություն
- Ցավում ենք, բայց էս ա: Ներող, ամեն դեպքում էլի հարց լինի, դիմեք:

Երեկվա ՄԱԿ Անվտանգության խորհրդի ամփոփումը

պ.գ.թ., թյուրքագետ Վարուժան Գեղամյան | @varuzhandragoman

@caucasusstorm

🔹واروژان گقامیان، دکترای تاریخ و ترکشناس ارمنستانی می نویسد:


🔸خلاصه جلسه دیروز شورای امنیت سازمان ملل.

ارمنستان:
- ما نمی خواهیم از آرتساخ محافظت کنیم. اما امکانش هست که شما محافظت کنید؟جامعه بین المللی عزیز؟

جامعه بین المللی:
- متاسفیم، اما همینه که هست. با عرض پوزش، در هر صورت اگر مورد دیگری بود،مراجعه کنید.


کانال تلگرامی طوفان در قفقاز 🇮🇷🇦🇲
به ما بپیوندید.


https://t.iss.one/caucasusstorm

Ալիև-Փաշինյան զույգը նախօրեին հերթական լավ բեմադրված ներկայացումը մատուցեց մեր ժողովրդին։ Նրանք փորձեցին համոզել հայերին, որ դիմադրությունն անիմաստ է՝ ողջ աշխարհն է Արցախը ճանաչում Ադրբեջանի կազմում։ Վստահ եմ՝ Ալիևը գոհ է. Հայաստանի իր դրածոն այս անգամ էլ գերազանց աշխատեց՝ ՄԱԿ-ի ԱԽ նիստ հրավիրեց և հասավ նրան, որպեսզի բոլորը հերթական անգամ Արցախն ադրբեջանական տարածք հռչակեն։ Էլ ի՞նչ էր պետք Ալիևին։ Ոչինչ։

Դե իսկ Փաշինյանն էլ կկանգնի ժողովրդի առջև ու կսկսի արդարանալ՝ մենք ամեն ինչ արեցինք, նույնիսկ ՄԱԿ ԱԽ նիստ հրավիրեցինք, բայց դե տեսաք՝ բոլորն ասում են, որ Աղդամի ճանապարհը պետք է բացվի, իսկ Արցախն էլ Ադրբեջանի կազմում լինի։

Կարո՞ղ էր արդյոք ՄԱԿ ԱԽ նիստն այլ ընթացք ունենալ։ Միանշանակ՝ այո։ Բայց դրա համար պետք էր, որպեսզի ՀՀ իշխանությունները թուրքի ձեռքի մարիոնետ չլինեին։ Պետք էր, որպեսզի նրանք Հայաստանի ու Արցախի և ոչ թե Ադրբեջանի ու Թուրքիայի շահերը պաշտպանեին։ Պետք էր ունենալ ազգային իշխանություն և ոչ թե դավաճանների կույտ։

Դրա համար գրեթե վստահ եմ, որ ՄԱԿ ԱԽ նախօրեի նիստը կայացել է ոչ թե Երևանի, այլ Բաքվի պահանջով։ Այդ է պատճառը, որ ԱԽ նիստում քննարկել են ոչ թե Արցախում ցեղասպանության վտանգի ահազանգով Հայաստանի՝ օգոստոսի 11-ի դիմումը, այլ անցած տարվա սեպտեմբերին ՀՀ տարածքի վրա ադրբեջանական հարձակման կապակացությամբ պատրաստված դիմումը։ Բաքուն լավ է աշխատել և ամեն ինչ արել է, որպեսզի ՄԱԿ ԱԽ նիստում օրինականացվեն իր բոլոր ռազմական հանցագործությունները։ Եվ եթե Երևանում նստած չլիներ իրենց գործակալը, ադրբեջանցիներն այդ խնդիրը երբեք չէին կարող լուծել։

Հիմա գնդակը կրկին մեր դաշտում է։ Մենք պետք է հավաքենք մեր ուժերն ու հստակ պատասխան տանք այսպես կոչված միջազգային հանրությանը։ Առաջին հերթին պետք է գրողի ծոցն ուղարկել դավաճանների այս իշխանությունը։ Այլ տարբերակ չկա։ Հակառակ դեպքում մենք իսկապես կկորղնենք Արցախը, իսկ հետո նաև Հայաստանի Հանրապետությունը։

Երեկ, երբ հանրության ուշադրությունը շեղվեց դեպի տեղային նշանակության մի դեպքի վրա, Ադրբեջանի զինված ուժերը ներխուժեցին Հայաստանի Հանրապետության Կապան քաղաք: Մտան օդանավակայանի տարածք, կրակեցին, դուրս եկան:
Ինքս ուսանողների մեծ խմբով այդ տարածքով անցել եմ մի քանի շաբաթ առաջ:
Նորից. Արցախ չէ, ՀՀ Սյունիքի մարզկենտրոն Կապան քաղաք:
Պատերազմն ու ցեղասպանությունը աստիճանաբար հասնում են Երևան: Իսկ Ադրբեջանն ու Թուրքիան անում են սա, քանի որ մեր տարածքում հայկական պետություն չեն պատկերացնում:

պ.գ.թ., թյուրքագետ Վարուժան Գեղամյան | @varuzhandragoman

Միջին վիճակագրական հային գրեթե անծանոթ մի աֆրիկյան երկրում՝ Նիգերում (չխառնել Նիգերիայի հետ) հուլիսի վերջին ռազմական հեղաշրջում տեղի ունեցավ։
Այժմ Նիգերին հարևան պետությունները, դրսի մի քանի խաղացողների հետ միասին, մտադրություն ունեն ռազմական գործողություն սկսել՝ Նիգերում «իշխանությունը ժողովրդին վերադարձնելու համար»։
Այդ մտադրության մասին հայտարարել է այդ պետությունների միավորումը՝ ECOWAS-ը։ Բառացի այն թարգմանվում է Արևմտյան Աֆրիկայի երկրների տնտեսական համայնք։
Տարօրինակ ոչինչ չեք տեսնո՞ւմ։
Տնտեսական կառույցը անում է ռազմական գործողություն։
Մեր օրերի պոստմոդեռն քաղաքականության միակ դրսևորումը չէ սա։
Օրինակ Ուկրաինային ռազմական օժանդակություն տրամադրող եվրոպական գլխավոր կառույցներից մեկը պաշտոնապես կոչվում է «Խաղաղության եվրոպական հիմնադրամ»։
Գանք մեր տարածաշրջանին։
Երբ Թուրքիան նվաճում էր Սիրիայի հյուսիսային տարածքները, այդ ռազմական գործողությունները կոչվում էին «Խաղաղության աղբյուր» և «Ձիթենու ճյուղ» (ևս մեկ խաղաղության խորհրդանիշ)։
Դե իսկ «ժողովրդավար Հայաստանի» մասին հաստատ լսել եք։
Ուրիշ խոսքով, Օրուելն իր «1984» միշտ ակտուալ է։ Հատկապես միշտ՝ հիմա։

պ.գ.թ., թյուրքագետ Վարուժան Գեղամյան | @varuzhandragoman

Շարունակենք օդանավակայանի թեման։
Ադրբեջանի խորհրդարանի պաշտպանության կոմիտեի նախագահ Զ. Ասկերովը երեկ՝ ադրբեջանական զորքերի կողմից Կապան ներխուժումից հետո հայտարարել է. «Կապանի օդանավակայանը կունենա Ստեփանակերտի օդանավակայանի ճակատագիրը։ Այն կմնա որպես թանգարանային նմուշ։ Հայաստանը պատրաստվում է սադրիչ գործողությունների, ինչպիսին Կապանի օդանավակայանի բացումն է։ Հայաստանը Ադրբեջանի հետ նման համաձայնություն չունի»։
«Երասխում գործարան չեք կարող ունենալ», «Մեծամորի ատոմակայանը պետք է փակել», «Բանակ պետք չէ», «Հայաստանի բնակչությունը 5 մլն-ը չպետք է անցնի», «Անկլավները պետք է տաք», «Ադրբեջանցիները պետք է վերադառնան Երևան ու Սևան». էս ամենը նույնն շարքից է։ Ադրբեջանն ու Թուրքիան անդադար նոր պայմաններ են դնելու մեր առաջ՝ սպառնալով պատերազմով ու աստիճանաբար լիարժեք նվաճեն Հայաստանը։

պ.գ.թ., թյուրքագետ Վարուժան Գեղամյան | @varuzhandragoman

«Հայկական ալիք» լրատվավերլուծական պարբերականում անդրադարձել եմ Հայաստան-Իրան հարաբերություններին և դրա զարգացման գործում մեր՝ շարքային քաղաքացիներիս դերին։

🇮🇷🇦🇲 Հաշվի առնելով Իրանի՝ որպես Հայաստանի բնական դաշնակցի ու շահակցի ռազմավարական կարևորությունը և այն հանգամանքը, որ ՀՀ դե-ֆակտո իշխանությունը չի զբաղվելու այդ առաջնահերթություններով, ուրեմն ազգային քաղաքացիական հասարակությունը պարտավոր է իր վրա վերցնել այդ հանձնառությունը:

❓Ի՞նչ կարող ենք անել մենք՝ ՀՀ շարքային քաղաքացիներս, հայ-իրանական փոխշահավետ գործակցությունը նոր՝ ռազմավարական մակարդակի բարձրացնելու համար։

https://t.iss.one/hayaliq/1039

ԸՆԴՈՒՆԵԼՈՒԹՅՈՒՆ ՀԱՅԿԱԿԱՆ ՀԱՄԱԼՍԱՐԱՆ

🎓 «Հայկական նախագիծ» գիտակրթական ՀԿ-ը մեկնարկում է ընդունելություն Հայկական համալսարան կրթական ծրագրի 2023-2024 թթ․ ուսումնական տարվա աշնանային հոսքում։ Կրթությունը «Հայկական համալսարանում» ԱՆՎՃԱՐ է։

👨‍🎓 Դասընթացը նախատեսված է
• ֆորմալ բուհերի բակալավրիատի, մագիստրատուրայի, ասպիրանտուրայի ուսանողների,
• հայաստանյան հիմնախնդիրներով հետաքրքրված երիտասարդների,
• առանձին դեպքերում նաև՝ միջին և ավագ սերնդի ներկայացուցիչների համար։

🏆 Հայկական համալսարանի շրջանավարտն ունենալու է
• հասարակագիտական և հումանիտար առաջանցիկ գիտելիքներ,
• Հայաստանն ու տարածաշրջանը հասկանալու տեսա-կիրառական հմտություններ,
• քաղաքականությունն ինքնուրույն հասկանալու կարողություն,
• համապատասխան ոլորտների լավագույն մասնագետների հետ համատեղ աշխատելու առիթ և հնարավորություն,
• «Հայկական համալսարանի» երաշխավորությունն իր ուսումնաաշխատանքային հետագա գործունեության ժամանակ,
• գաղափարակից ընկերների ու գործընկերների ակտիվ շրջանակ,
• ձեռքբերված գիտելիքների և հմտությունների շնորհիվ հասարակական նշանակության նախագծերի հղացման և իրականացման հնարավորություն,
• ապագայում «Հայկական նախագծի», այդ թվում՝ «Հայկական համալսարանի շրջանավարտների միության» շրջանակներում զանազան ծրագրերի ներգրավվելու հնարավորություն,
• ավարտական վկայական։

🖊 Դասընթացին մասնակցելու համար անհրաժեշտ է անցնել ընդունելության երկու փուլերը։ Առաջին փուլին մասնակցելու համար հարկավոր է մինչև ՍԵՊՏԵՄԲԵՐԻ 11-Ը ՆԵՐԱՌՅԱԼ ամբողջությամբ լրացնել այս հայտաձևը։

🔗 Ավելի մանրամասն տե՛ս Հայկական համալսարանի պաշտոնական կայքէջում։

Թուրքական փափուկ ուժը (այս պարագայում՝ տնտեսական գործիքով) աստիճանաբար նվաճելու է ողջ Հայաստանը։
Ահա այդպիսի օրինակ՝ https://hetq.am/hy/article/158453 ։
Իմիջիայլոց, գրեթե բոլոր երկրներում, որտեղ Թուրքիան փորձում է տարածել իր ռազմա-քաղաքական ազդեցությունը, անպայման ուշադրության կենտրոնում է պահում ավիացիոն ոլորտը։ Թուրքական TAV Airports հոլդինգը այս հարցում պաշտոնական Անկարայի կարևորագույն գործիքներից է։ Թուրքերը վերահսկում են ռազմավարական նշանակության օդանավակայաններ Վրաստանում, Թունիսում, Մակեդիոնիայում, Ղազախստանում, Խորվաթիայում և այլուր։

պ.գ.թ., թյուրքագետ Վարուժան Գեղամյան | @varuzhandragoman

Ադրբեջանն այսօր էլի հայ տղաներ է առևանգել։ Ու էլի է առևանգելու։ Անդադար է անելու։ Բոլոր նրանց, ովքեր որևէ ձև կապված են բանակի, զինված ուժերի հետ։ Այսինքն գրեթե բոլոր հայ չափահաաս տղամարդկանց։ Կապ չունի, թե որտեղ են նրանք ապրում, ինչ քաղաքական հայացքներ ունեն։ Հերթով բոլորի հետևից գալու են։
Հերթով, քանի դեռ Հայաստանի դե-ֆակտո իշխանությունը պատկանում է թուրքամետների։ Որովհետև իրենք ոչ միայն չեն խանգարելու, այլև օգնելու են թուրքերին մեզ չեզոքացնելու գործում։

պ.գ.թ., թյուրքագետ Վարուժան Գեղամյան | @varuzhandragoman

Դեռ ապրիլին եմ գրել այս մասին` https://t.iss.one/varuzhandragoman/1877

Սեպտեմբերից մեկնարկում են իմ հանրային դասախոսությունները։ Դրանցից առաջինը Move2Armenia-ի դեռ հուլիսից հետաձգված դասախոսությունն է՝ նախատեսված ռուսալեզու լսարանի համար։
Մուտքն ազատ է՝ https://t.iss.one/move2armenia/1021

Անցյալ տարի այս օրերին ես իմ կյանքում հավանաբար վերջին անգամ տեսա ու մտա էն եկեղեցին, որտեղ ես կնքվել եմ ու որտեղ անթիվ անհամար երազանքներ եմ հղել առ Աստված։ Իմ Բերձորի եկեղեցին, որն այսօր մզկիթ է։
Վերջին անգամ, որովհետև շատերին իմ շրջապատում ու իմ երկրում չկարողացա բացատրել, որ եթե չհրաժարվենք դե-ֆակտո թուրքամետների իշխանությունից, կզրկվենք ոչ միայն Շուշիից ու Քարվաճառից, այլև Բերձորից։
Հիմա մեծ է հավանականությունը, որ շուտով իմ պես ևս 120 հազար մարդ Արցախից փրկրված հատվածում կմնա առանց իրենց մկրտության եկեղեցու, առանց տան ու երազանքների։ Որովհետև էլի ես ու իմ նմանները չկարողացանք դա անհրաժեշտ չափով բացատրել։
Կանցնի որոշ ժամանակ, Բերձորի ու Ստեփանակերտի մասին կհիշենք մենք՝ մի քանի հազարով ֆեյսբուքում։ Իսկ դրան զուգահեռ էս նույն ճակատագիրը կհասնի Գորիս, Վայք ու Երևան։
Կհասնի, եթե էլի չկարողանանք բացատրել։ Ու եթե էլի մնանք անհաղորդ։
Մի մնացե՛ք անհաղորդ, բացատրեք բոլորին, եթե պետք է հազար անգամ։ Որովհետև դուք չգիտեք, թե ինչ է դա, երբ ձեր մկրտության վայրը դառնում է մզկիթ։

պ.գ.թ., թյուրքագետ Վարուժան Գեղամյան | @varuzhandragoman

Սպասելիորեն, Ադրբեջանը Գեղարքունիքում հարձակվել է:
Սա անխուսափելի է, քանի դեռ Հայաստանի դե ֆակտո իշխանությունը ամեն ինչ զիջում է, ու քանդում է բանակը:

ՀՀ դե-ֆակտո ՊՆ-ն հայտնում է, որ արդեն ունենք 2 զոհ։

պ.գ.թ., թյուրքագետ Վարուժան Գեղամյան | @varuzhandragoman

Սյունիք, Վայոց Ձոր և Գեղարքունիք. սրանք են Ադրբեջանի և Թուրքիայի հիմնական թիրախները: Ու նույնիսկ կիսագրավված վիճակում Արցախը բնական վահան է, որի բացակայության պարագայում ՀՀ վերոնշյալ երեք մարզերը կդառնան գերխոցելի և հեշտությամբ կգրավվեն: Նման փորձ թուրքական կողմն արել է 1918-1921 թվականներին: Հիմա էլ է փորձում և այս անգամ ունի հզոր դաշնակից: Դա ՀՀ դե-ֆակտո իշխանությունն է` իր «խաղաղության» մասին աղերսանքներով:

պ.գ.թ., թյուրքագետ Վարուժան Գեղամյան | @varuzhandragoman

Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ
ՈՒՂԵՐՁԸ ԱՐՑԱԽԻ ՀԱՆՐԱՊԵՏՈՒԹՅԱՆ ՕՐՎԱ ԱՌԻԹՈՎ

🟣 Սիրելի բարեպաշտ ժողովուրդ,
Ավելի քան երեք տասնամյակներ առաջ Արցախի մեր զավակները համառ պայքարով և հավաքական կամքով իրենց անկախությունը հռչակեցին: Պատմական իրենց հողի վրա ազատ, անկախ ու արժանապատիվ կյանք կերտելու տեսիլքով քաջարի արցախցիները համայն հայության զորակցությամբ և իրենց տքնաջան աշխատանքով շենացրին հայրենիքը և նշանակալի ձեռքբերումներով ամրացրին հիմերը Արցախի նորանկախ Հանրապետության։

🟣Այսօր ծանրացած սրտով և խոր մտահոգություններով ենք դիմավորում Արցախի անկախության տոնը։ Արցախը վերստին կանգնած է գոյաբանական սպառնալիքների առջև։ Ադրբեջանը, հայատյացությունը պետական քաղաքականություն դարձրած, շարունակում է անթաքույց իրագործել Արցախը հայաթափելու և բռնազավթելու ոճրագործ իր մտադրությունները՝ ցեղասպանական գործողությունների նորանոր դրսևորումներով: Ավելի քան ինը ամիս ապօրինաբար արգելափակված Բերձորի միջանցքը Ադրբեջանը դարձրել է գործիք իր հանցավոր նպատակների իրագործման համար՝ մեր զավակների նկատմամբ հետևողականորեն սաստկացնելով բռնաճնշումներն ու ահաբեկումները:

🟣 Անելանելի թվացող այս ծանր իրավիճակում չկա այլ ճանապարհ, քան համազգային համախմբումը և ջանքերի մեկտեղումը՝ հանուն Արցախի մեր ժողովրդի ինքնորոշման իրավունքի պաշտպանության, հանուն արցախահայության ազատ ու անվտանգ կյանքի։ «Ամեն ինչ հանուն Արցախի» նշանաբանով պիտի դիմակայենք ու հաղթահարենք մեզ պատուհասած փորձությունները, քանզի, առաքյալի խոսքի համաձայն, «նեղությունները համբերություն են բերում, համբերությունը՝ փորձառություն, փորձառությունը՝ հույս: Հույսը երբեք չի ամաչեցնում» (Հռ. 5.3-5)։

🟣Այս հավատքով Մայր Աթոռ Սուրբ Էջմիածնից Արցախի Հանրապետության օրվա առիթով Հայրապետական Մեր օրհնությունն ու բարեմաղթանքներն ենք հղում Արցախի քաջարի ժողովրդին, պետական այրերին ու Արցախի թեմի հոգևոր դասին՝ մաղթելով հավատի ու հույսի ամրություն, տոկունություն ու արիություն՝ Արցախի փրկության պայքարում։

🟣Թող Տիրոջ սերը, օրհնությունն ու խաղաղությունը հովանի լինեն Մեր բարեսեր ժողովրդին և համայն աշխարհին: