Бош прокуратура ишчи гуруҳи томонидан халқаро молия институтлари маблағлари ҳисобидан “Ўзсувтаъминот” АЖ масъуллигида Самарқанд вилоятида амалга оширилаётган инвестиция лойиҳалари ижроси масъуллар иштирокида муҳокама қилинди.

Хусусан, Жахон банки иштирокидаги “Самарқанд вилояти Каттақўрғон шаҳри ичимлик сув ва оқова сув тозалаш иншоотлари ва оқова тизимлари реконструкция қилиш” ҳамда Саудия тараққиёт ва ОПЕК жамғармалари иштирокидаги “Самарқанд вилояти Қўшрабод туманининг қишлоқ аҳолисини ичимлик суви билан таъминлашни яхшилаш” лойиҳаларини амалга оширишда кузатилаётган муаммоларни бартараф этиш бўйича масъулларга тегишли кўрсатмалар берилиб, ижроси назоратга олинди.

Шунингдек, ушбу лойиҳалар белгиланган муддатларда ишга туширилишига эришиш учун йўл хариталари ишлаб чиқилиши белгилаб олинди.

Бу борада ўрганишлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook | Veb-sayt