⚡️Ichimlik suvi va oqova xizmatlari uchun qarzdorliklarni undirishga qaratilgan reydlar davom etmoqda

💧«Buxoro suv taʼminoti» MCHJ rahbariyati boshchiligida tuzilgan ishchi guruhi tomonidan Buxoro viloyati hududlarida ichimlik suvidan foydalanish holatlari, isteʼmolchilarning ichimlik suvi va oqova xizmatlari uchun mavjud debitor qarzdorliklarini undirish maqsadida reyd tadbirlari muntazam ravishda davom etmoqda.

🗺Kogon shahrida oʻtkazilgan reyd tadbiri davomida 179 ta isteʼmolchilar xonadonlari nazoratdan oʻtkazilib, jami 10 mln. soʻmga yaqin debitor qarzdorliklar undirildi.

🔚Shuningdek, bir necha marotaba qilingan ogohlantirishlarga qaramasdan, ichimlik suvi uchun toʻlovlarni amalga oshirishdan bosh tortgan hamda suv qiyoslash uskunasi ishdan chiqganligi aniqlangan aksariyat isteʼmolchilarga nisbatan Oʻzbekiston Respublikasi Vazirlar mahkamasining 194-sonli qaroriga asosan dalolatnomalar rasmiylashtirilib, tegishli tartibda tarmoqdan uzib qoʻyildi.

📌🔨Vazirlar Mahkamasining 2014-yil 15-iyuldagi 194-son qarorining 2-Ilovasi “Isteʼmolchilarga suv taʼminoti va oqova suvni chiqarish xizmatlari koʻrsatish qoidalari”ning IV bob 50 moddasiga binoan:

Ichimlik suv taʼminoti va kanalizatsiya tizimidan ilgari uzib qoʻyilgan (oʻzboshimchalik bilan ulanish, qarzdorlik mavjud boʻlganda yoki shartnoma shartlari bajarilmaganda) shaxslarni qayta ulashda I guruh (jismoniy) isteʼmolchilaridan bazaviy hisoblash miqdorining ikki baravari (660 ming soʻm) miqdorida;

II va III guruh (yuridik) isteʼmolchilaridan bazaviy hisoblash miqdorining oʻn baravari (3 mln. 300 ming soʻm) miqdorida jarima solinib, toʻlovlarni tashkilot hisobiga oʻtkazish orqali 3 kundan kechiktirmay tarmoqga qayta ulanadi.

❗️Shularni inobatga olgan holda, isteʼmolchilarimizdan ichimlik suvi va oqova xizmatlari uchun toʻlovlarni har oyning 10-sanasiga qadar 100 foiz oldindan amalga oshirishlari lozimligini eslatib oʻtamiz.

|🗝Cabinet |🌐Website
|🤖Bot |✅Telegram
|💬Facebook |🌐Instagram
|📹YouTube |💬Chat