Бош прокуратура ишчи гуруҳи томонидан “Ўзсувтаъминот” АЖ масъуллигида халқаро молия институтлари маблағлари ҳисобидан Навоий вилоятида амалга оширилаётган инвестиция лойиҳалари жойига чиққан ҳолда ўрганилмоқда.

Хусусан, вилоятда Франция тараққиёт агентлиги иштирокида қиймати 25,2 млн. АҚШ долларлик “Навоий вилояти Кармана туманида оқова сув тизимларини қуриш” лойиҳаси амалга оширилмоқда. Лойиҳани ишга тушириш натижасида Кармана туманида 14 та маҳаллаларда истиқомат қилувчи 54,9 минг нафар аҳолининг 49,4 минг нафари илк бор марказлашган оқова сув хизмати билан таъминланиб, қамров даражаси 90 фоизга етказилиши кўзда тутилган.

Ўрганишда, объектни қуришга “Кумушқон” маҳалласидан тавсия этилган 7,43 га ер майдони “Зарафшон” дарёсининг муҳофаза ҳудудида жойлашганлиги, шу сабабли объектни танланган жойдан қуриш имкони мавжуд эмаслиги аниқланиб, мавжуд муаммони бартараф этиш ҳамда объектни “Дўстлик” маҳалласида қуриш имкониятларини ўрганиш мақсадида ишчи гуруҳи тузилди.

Ишчи гуруҳида тез фурсатларда танланган ҳудудни мукаммал ўрганиш ва асосланган таклифларни тақдим этиш юзасидан топшириқлар берилиб, ижроси алоҳида назоратга олинди.

Бу борада тадбирлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Ўзбекистон Республикаси Президентининг фармонига мувофиқ, янги сайланган Ўзбекистон Республикаси Олий Мажлиси олдида ўз ваколатларини зиммасидан соқит қилган амалдаги Ўзбекистон Республикаси Вазирлар Маҳкамаси янги таркибдаги Ўзбекистон Республикаси Вазирлар Маҳкамаси шакллантирилгунига қадар ўз фаолиятини давом эттириб туриши белгиланди.
—
Указом Президента Республики Узбекистан установлено, что действующий Кабинет Министров Республики Узбекистан, сложивший свои полномочия перед вновь избранным Олий Мажлисом Республики Узбекистан, продолжит свою деятельность до формирования нового состава Кабинета Министров Республики Узбекистан.

Facebook|Instagram|X

Бош прокуратура ишчи гуруҳи томонидан “Ўзсувтаъминот” АЖ масъуллигида халқаро молия институтлари маблағлари ҳисобидан Навоий вилоятида амалга оширилаётган инвестиция лойиҳаларини ўрганиш жараёнлари давом этмоқда.

Хусусан, вилоятда Президентининг 18.03.2022 йилдаги “Франция тараққиёт агентлиги иштирокида “Навоий вилояти Кармана туманида оқова сув тизимларини қуриш” ҳамда “Қашқадарё вилояти Шаҳрисабз шаҳри ва Китоб тумани марказида оқова сув тизимларини реконструкция қилиш ва қуриш” лойиҳаларини амалга ошириш чора-тадбирлари тўғрисида”ги ПҚ-171-сон қарорига асосан амалга оширилаётган “Навоий вилояти Кармана туманида оқова сув тизимларини қуриш” лойиҳасини Кармана тумани “Дўстлик” маҳалласида қуриш имконияти мутахассислар иштирокида тўлиқ ўрганиб чиқилди.

Натижасига кўра, объектни ушбу ҳудудда жойлаштириш юзасидан вилоят ҳокимлиги, “Навоий сув таъминот” АЖ ва лойиҳачи Туркиянинг "SAFEGE ANKARA va TUMAS" корхоналари билан келишилди.

Шунингдек, ушбу объект қурилиши мўлжалланаётган ер майдони ва ундаги бино иншоотларни “Навоий сув таъминот” АЖ номига кадастр ҳужжатини расмийлаштириш ва давлат рўйхатидан ўтказиш учун Давлат хизматлари маркази орқали сўров юборилди.

Лойиҳани амалга ошириш гуруҳи, лойиҳа ташкилоти ва бошқа мутасаддиларга объектни лойиҳа-смета ҳужжатларини тез фурсатларда ишлаб чиқиш ва белгиланган тартибда тақдим этиш юзасидан тегишли топшириқлар берилиб, ижроси алоҳида назоратга олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook