Denov tumanida 678 nafar aholi ilk bor toza ichimlik suvi bilan ta’minlandi

Joriy yilning avgust oyida “O‘zsuvta’minot” AJ boshqaruv raisining tashabbusi bilan Denov tumani Yoshlik mahallasi Оlamjahon qishlog‘i aholisi uchun diametri 76 mm bo‘lgan 19,4 km ichimlik suv quvurlari yetkazib berildi. Bu tashabbus tufayli qishloqning 678 nafar aholisi, 103 ta xonadon, shuningdek, 1 ta maktab va 1 ta qishloq vrachlik punkti ilk bor toza ichimlik suviga ega bo‘ldi.

Avval qishloq aholisi suvni 7-12 km uzoqlikdan maxsus texnika yordamida olib kelardi. Olib kelingan bir mashina (3,5 m³) suvning narxi 300-350 ming so‘mni tashkil etardi.

Mavjud tabiiy buloqdan suv olish uchun 2 ta kaptaj qurilib, quvurlar o‘rnatildi. Denov tuman suv ta’minot bo‘limi mutaxassislari va qishloq aholisidan ko‘ngilli vakillar ishtirokida qurilish ishlari yakunlandi. Barcha ishlarda jami 100 nafar xodim qatnashdi.

Natijada qishloq aholisi ilk bor toza ichimlik suviga erishdi.

Telegram | Facebook | Instagram | YouTube | Web-site | Twitter