👍 “Raqamli mahalla” platformasida ishlash bo‘yicha o‘quv seminar

🔍Uyushmaning Surxondaryo viloyati boshqarmasi, tuman (shahar) bo‘limlari mutaxassislari uchun “Raqamli mahalla” platformasidan foydalanish ko‘nikmasini oshirishga qaratilgan o‘quv-amaliy seminar tashkil etildi. Ayni paytda platformada Surxondaryo viloyatining 724 ta mahallalari ma’lumotlari shakllantirilgan.

🔍Seminarda ishchi guruh va Raqamli texnologiyalar vazirligi huzuridagi “UNICON-SOFT” tashkiloti vakillari viloyatning 15 ta tuman (shahar) bo‘limlarining texnologlariga platformadan foydalanish va muammoli jarayonlarni hal etish bo‘yicha ko‘rsatmalar berdi.

#Mahallalaruyushmasi #seminar

✅ Facebook | ✅ Instagram | ✅ X |✅ Telegram | ✅ You tube

👍 "Obod va xavfsiz mahalla" tamoyili asosida mahallalarda ijtimoiy profilaktika tizimi samaradorligini oshirishga "yettilik" mas'ul!

🔍O'zbekiston mahallalari uyushmasida vazirlik va idoralar, Qoraqalpog'iston Respublikasi, Toshkent shahri va viloyatlar hamda barcha tuman(shahar)larning mas'ul rahbarlari ishtirokida mahallalarda xavfsiz muhitni yaratish borasida dolzarb vazifalar muhokama etildi.

🔍Videoselektor yig'ilishi avvalida Uyushma rahbari Qahramon Quronboyev bugungi kunda aholi murojaatlarining 84 foizi mahallalarning o'zida hal etilayotganini ta'kidladi. Jinoyatchilikdan holi bo'lgan mahallalar soni ham oshmoqda. Bunda mahalla ishiga mas'ul bo'lgan vazirlik va idoralarning hissasi katta.

🔍Ammo, natijani karrasiga oshirish uchun imkoniyat yetarli.  Prezidentimizning bu boradagi qaror va farmonlari, belgilab bergan vazifalari dasturul amal bo'lmoqda.

🔍Mahallada jinoyatchilikning oldini olishga bugun profilaktika inspektori bilan birga "yettilik"ning boshqa xodimlari ham birdek mas'ul. Bu borada hamkor tashkilotlar bilan birga onlayn o'quvlar tashkil etish lozimligi qayd etildi.

🔍Yig'ilishda shuningdek, migratsiya masalasi muhokama etildi. Xorijga ishlash maqsadida ketgan fuqarolarning huquqlari, xavfsizligini ta'minlash, ularning faoliyatini qonuniylashtirish bugungi kunning dolzarb masalasi ekani alohida ta'kidlandi.

#Mahallalaruyushmasi #mahalla_yettiligi

✅ Facebook | ✅ Instagram | ✅ X |✅ Telegram | ✅ You tube

👍 Qahramon Quronboyev raisligida videoselektor yigʻilishi oʻtkazildi

🔍Oʻzbekiston mahallalari uyushmasi raisi Qahramon Quronboyev rahbarligida 2024-yilda bajarilgan ishlar va 2025-yilda amalga oshirilishi rejalashtirilgan ustuvor vazifalarga bagʻishlangan videoselektor yigʻilishi oʻtkazildi.

🔍Unda Qoraqalpogʻiston Respublikasi, viloyatlar va Toshkent shahri boshqarma boshliqlari va 208 ta tuman boʻlimi rahbarlari ishtirok etdi.

🔍Videoselektor avvalida hududiy boshqarma boshliqlarining hisoboti tinglandi. Shundan soʻng, qoniqarsiz faoliyat olib borgan rahbarlar faoliyati tanqidiy muhokama qilindi.

🔍Yigʻilish davomida “Raqamli mahalla” onlayn platformasidan samarali foydalanish, unda yoʻl qoʻyilayotgan kamchiliklarni bartaraf etish, ombor daftarlarini shakllantirish, kuz-qish mavsumini betalofat oʻtkazish, eski tipdagi mahalla binolarini yangi qiyofaga keltirish, mahalla fuqarolar yigʻinlarida aholini sogʻlomlashtirish va toʻgʻri ovqatlanishga rioya qilish burchaklarini tashkil etish hamda bu borada targʻibot materiallarini tarqatish masalalariga alohida e’tibor qaratildi.

🔍Shuningdek, 2025-yilda bajarilishi lozim boʻlgan ustuvor vazifalar belgilab olindi.

#Mahallalaruyushmasi #faoliyat

✅ Facebook | ✅ Instagram | ✅ X |✅ Telegram | ✅ You tube