🔍 Oʻzbekiston oʻquv markazlari forumi oʻtkazilmoqda

👍 Oʻzbekiston yoshlar ishlari agentligi tashabbusi bilan, Oʻzbekiston mahallalari uyushmasi hamkorligida ilk bor Oʻzbekiston oʻquv markazlari forumi tashkil etildi. Unda davlat tashkiloti rahbarlari, 400 dan ortiq oʻquv markazlari vakillari hamda yoshlar ishtirok etishmoqda.

🔍Poytaxtimizdagi Yoshlar ijod saroyida boʻlib oʻtgan tadbirda turli sohalarga ixtisoslashgan oʻquv markazlari oʻz faoliyatlari boʻyicha taqdimot va koʻrgazmalar oʻtkazdilar.

🔍Shuningdek, forumda rahbarlar, oʻquv markazlari asoschilari va yoshlar oʻrtasida ochiq muloqot tashkil etildi.

🔍Ochiq muloqotni Oʻzbekiston mahallalari uyushmasi raisi Qahramon Quronboyev ochib berdi. U oʻz nutqida mahallalardagi yoshlarni kasb egallashi, mahallalarda yangi bosqichda faoliyat olib borilayotgani va bunda yoshlarga qaratilgan e’tibor, xususan, yoshlarni bandligini ta’minlash, sport bilan mashgʻul boʻlishi va bilim egallashlari uchun sharoitlar yaratilayotgani haqida soʻz yuritdi.

🔍Oʻzbekiston oʻquv markazlari forumi davom etmoqda.

#Mahallalaruyushmasi #forum

✅ Facebook | ✅ Instagram | ✅ X |✅ Telegram | ✅ You tube

👍 “Raqamli mahalla” platformasida ishlash bo‘yicha o‘quv seminar

🔍Uyushmaning Surxondaryo viloyati boshqarmasi, tuman (shahar) bo‘limlari mutaxassislari uchun “Raqamli mahalla” platformasidan foydalanish ko‘nikmasini oshirishga qaratilgan o‘quv-amaliy seminar tashkil etildi. Ayni paytda platformada Surxondaryo viloyatining 724 ta mahallalari ma’lumotlari shakllantirilgan.

🔍Seminarda ishchi guruh va Raqamli texnologiyalar vazirligi huzuridagi “UNICON-SOFT” tashkiloti vakillari viloyatning 15 ta tuman (shahar) bo‘limlarining texnologlariga platformadan foydalanish va muammoli jarayonlarni hal etish bo‘yicha ko‘rsatmalar berdi.

#Mahallalaruyushmasi #seminar

✅ Facebook | ✅ Instagram | ✅ X |✅ Telegram | ✅ You tube

🔍Ruslan Nurudinov jahon rekordini o‘rnatdi, Sharofiddin Amriddinov ham oltin medalni qo'lga kiritdi!

🔍Bahraynda yakuniga yetib borayotgan ogʻir atletika boʻyicha jahon chempionatida Oʻzbekiston terma jamoasi oʻz ishtirokini tugatdi. Yurtdoshlarimizning chiqishini Olimpiada chempioni Ruslan Nurudinov ajoyib natijasi bilan yakun yasab berdi.

🔍-109 kg vazn toifasida ishtirok etgan yurtdoshimiz dast koʻtarish mashqida 182 kg bilan beshinchi oʻrinni band etgan boʻlsa ham, siltab koʻtarish dasturida yuksak mahorat koʻrsatib, 242 kg bilan 3 yil avval Toshkentda oʻzi oʻrnatgan jahon rekordini yangilashga erishdi. Shu tariqa, uning umumiy hisobda qayd etgan 424 kg natijasini hech bir atlet yangilay olmadi va Nurudinov uchinchi bor ikki kurash boʻyicha jahon chempionligiga erishdi.

🔍E'tiborlisi, dast koʻtarish yoʻnalishida ham oltin medal hamyurtimiz Sharofiddin Amriddinovga nasib etdi. Sharofiddin siltab koʻtarishda 212 kg bilan oltinchi, umumiy hisobda esa 396 kg bilan beshinchi boʻldi va barcha yoʻnalishlardagi oltin medallar Oʻzbekiston terma jamoasi vakillariga nasib etdi.

🔍Shu tariqa, Oʻzbekiston terma jamoasi ushbu dunyo birinchiligini 3 ta oltin, 1 ta kumush va 2 ta bronza medallari bilan yakunladi. Ushbu g’alaba o‘zbek og‘ir atletikasida Los-Anjeles-2028 olimpiya o’yinlariga hozirlikni bugundan boshlanganligini ko‘rsatmoqda.

✅ Facebook | ✅ Instagram | ✅ X |✅ Telegram | ✅ You tube

👍 "Obod va xavfsiz mahalla" tamoyili asosida mahallalarda ijtimoiy profilaktika tizimi samaradorligini oshirishga "yettilik" mas'ul!

🔍O'zbekiston mahallalari uyushmasida vazirlik va idoralar, Qoraqalpog'iston Respublikasi, Toshkent shahri va viloyatlar hamda barcha tuman(shahar)larning mas'ul rahbarlari ishtirokida mahallalarda xavfsiz muhitni yaratish borasida dolzarb vazifalar muhokama etildi.

🔍Videoselektor yig'ilishi avvalida Uyushma rahbari Qahramon Quronboyev bugungi kunda aholi murojaatlarining 84 foizi mahallalarning o'zida hal etilayotganini ta'kidladi. Jinoyatchilikdan holi bo'lgan mahallalar soni ham oshmoqda. Bunda mahalla ishiga mas'ul bo'lgan vazirlik va idoralarning hissasi katta.

🔍Ammo, natijani karrasiga oshirish uchun imkoniyat yetarli.  Prezidentimizning bu boradagi qaror va farmonlari, belgilab bergan vazifalari dasturul amal bo'lmoqda.

🔍Mahallada jinoyatchilikning oldini olishga bugun profilaktika inspektori bilan birga "yettilik"ning boshqa xodimlari ham birdek mas'ul. Bu borada hamkor tashkilotlar bilan birga onlayn o'quvlar tashkil etish lozimligi qayd etildi.

🔍Yig'ilishda shuningdek, migratsiya masalasi muhokama etildi. Xorijga ishlash maqsadida ketgan fuqarolarning huquqlari, xavfsizligini ta'minlash, ularning faoliyatini qonuniylashtirish bugungi kunning dolzarb masalasi ekani alohida ta'kidlandi.

#Mahallalaruyushmasi #mahalla_yettiligi

✅ Facebook | ✅ Instagram | ✅ X |✅ Telegram | ✅ You tube