👍 Mahallalarda “Mahalla servis kompaniyasi” faoliyatini tashkil etishga qaratilgan videokonferensiya yig‘ilishi o‘tkazildi

🔍O‘zbekiston Respublikasi Prezidentining 2024-yil 25-iyundagi "Mahallalarni obodonlashtirish, ko‘kalamzorlashtirish va qiyofasini tubdan yaxshilashga doir qo‘shimcha chora-tadbirlar to‘g‘risida"gi PQ-234-sonli qarori ijrosini ta’minlash yuzasidan zoom platformasi orqali videokonferensiya o‘tkazildi.

🔍Unda vazirlik va idoralar rahbariyati, Qoraqalpog‘iston Respublikasi Vazirlar Kengashi, Toshkent shahar va viloyatlar hokimlarining o‘rinbosarlari, O‘zbekiston mahallalari uyushmasi rahbariyati, hududiy boshqarma boshliqlari va tegishli tashkilotlar hamda idoralar mas’ullari ishtirok etishdi.

🔍Yig‘ilishda mahallalar obodligini ta’minlash, ko‘kalamzorlashtirishni tashkil etish va mahallalardagi tadbirkorlarni sohaga jalb etish, sinov tariqasida yo‘lga qo‘yilayotgan “Mahalla servis kompaniyasi” faoliyatini to‘g‘ri tashkil etish, bunda Farg‘ona viloyati Bag‘dod tumanidagi “Yuksalish” MFY tajribasidan keng foydalanish masalalariga alohida to‘xtalib o‘tildi.

🔍Shuningdek, “Mahalla servis kompaniyasi”ni moliyalashtirish uchun aholidan pul yig‘ilmasligi, balki xodimlarning shtat birligini saqlash maqsadida O‘zbekiston mahallalari uyushmasiga 2024-moliya yilida ajratilgan mablag‘lar hamda mahallani obodonlashtirish ishlari uchun Jamoat ishlari jamg‘armasi mablag‘lari hisobidan har oyda 20 million so‘mdan ajratilishi tushuntirildi.

🔍Muloqot yakunida, mazkur servis kompaniyalari ko‘p qavatli uylar joylashgan mahallalarda tashkil etilgan xizmat ko‘rsatish sub’ektlaridan tubdan farq qilishi ta’kidlandi. Ya’ni bunda mahallani obodonlashtirish va ko‘kalamzorlashtirish ishlari bepul amalga oshiriladi. Hovli joylarda istiqomat qiluvchi fuqarolar ehtiyoji va istagiga ko‘ra daraxtlarga shakl berish, o‘simliklarni zararli hasharotlarga qarshi dorilash, ko‘chat ekish, uyni ta’mirlash, quduq qazib berish, yer haydash va shu kabi 30 ga yaqin xizmatlar alohida kelishuv asosida bajarilishi ko‘zda tutilgan.

🔍Ahamiyatlisi, bu orqali mahallalardagi ishsiz fuqarolar ish bilan ta’minlanib, zarur xizmat ko‘rsatish turlari markazlashtiriladi.

#Mahallalaruyushmasi #mahalla_servis_kompaniyasi

✅ Facebook | ✅ Instagram | ✅ X |✅ Telegram | ✅ You tube

👍 Xorijga chiqish passportini mahallaning o'zida olish mumkin!

🔍"Maizidian mahalla"sida ijtimoiy xizmatlar qanday yo'lga qo'yilgan?

🔍O'zbekiston delegatsiyasi Chaoyang ijtimoiy tumani "Maizidian" hamjamiyatida aholi uchun yaratilgan sharoitlar bilan tanishdi.

🔍Bu yerda 8802 nafar aholi istiqomat qiladi. Ulardan 1100dan ortig'i xorijiy davlat fuqarolaridir. Hamjamiyatda  keksa yoshli aholi uchun alohida markaz bepul xizmat ko'rsatadi. Markazda opera va balet, rassomchilik, kulolchilik, yengil atletika kabi turli to'garaklar mavjud.

🔍Odamlar xorij pasportini ham hamjamiyatning o'zida olish imkoniyatiga egalar! Xitoy politsiyasi "mahalla"ning tinchligini ta'minlash bilan birga aholiga ana shunday xizmatlarni ham ko'rsatadi.

🔍Bu yerda volontyorlik juda rivojlangan. Ekilgan har bir daraxtning egasi bor.

🔍Ko'cha chetidagi stendlarda sog'lom turmush tarzi, xususan, qaysi faslda qanday ovqatlanish tartibi ko'rsatilgan.

#Mahallalaruyushmasi #ijtimoiy_xizmatlar

✅ Facebook | ✅ Instagram | ✅ X |✅ Telegram | ✅ You tube