⚡️ O'zLiDeP Қарақалпақстан Республикалық Кеңеси тәрепинен Бердақ атындағы Қарақалпақ мәмлекетлик университетинде "Жаңа әўлад кадрлары" жойбары шеңберинде "Депутат ҳәм жаслар ушырасыўы" болып өтти. Ушырасыўға Олий Мажлис Нызамшылық палатасы Спикери орынбасары, Өзбекстан фермер, дийқан хожалықлары ҳәм қыйтақ жер ийелери Кеңеси баслығы, O'zLiDeP фракциясы баслығы Актам Хаитов, Олий Мажлис Нызамшылық палатасы депутаты Мухтар Ибрагимов, Қарақалпақстан Республикасы Жоқарғы Кеңеси комитет баслығы, депутат Шарапат Отемисов, O'zLiDeP Қарақалпақстан Республикалық Кеңеси аппарат баслығы Казбек Артыков, университет жәмәәти, студент жаслар ҳәм ғалаба хабар қураллары ўәкиллери қатнасты. Ушырасыўда сөзге шыққанлар елимизде кейинги бес жыллықта алып барылып атырған өзгерис ҳәм жаңаланыўлар, әсиресе келешегимиз болған жасларымызға каратылып атырған итибар, жасларға тийисли мәмлекетлик сиясат дәрежесинде алып барылып атырған жумыслар, қабыл етилип атырған қарар ҳәм пәрманлардың әҳмийети, Олий Мажлис нызамшылық палатасында алып барылып атырған жумыслар, Мийнет кодекси жойбарының әҳмийети, жаңа кодексте исбилерменлер ушын кең имканиятлар жаратылыўы, халықтың бәнтлигин тәмийинлеў бойынша көплеп қолай шараятлар көзде тутылғанлығы, Президентимиздиң 213-санлы пәрманының әҳмийети, онда белгилеп берилген баслы ўазыйпалар, сондай-ақ бир мақсет жолында бирлестирип киятырған Исбилерменлер ҳәрекети - Өзбекстан Либерал - демократиялық партиясы сиясий күш сыпатында бүгинги күнде алып барып атырған жумыслары, партияның мақсет ҳәмде ўазыйпалары бойынша мәселелер сөз етилди. Ушырасыў даўамында партия қатарына студент жаслар ағзалыққа қабыл етилип, белсенди қатнасқан жасларға Президент китаплары тапсырылды.


👉👉👉https://t.iss.one/uzlidepqr

Xaliq deputatlari Xojeli rayonliq Keńesi deputati Svetlana Mamutova òz saylawshilari menen ushirasiw òtkerdi. Usharsiwda deputat tárepinen Ózbekistan Respublikasi Prezedentiniń 2022-jil 31-avgust kungi <<Qaraqalpaqstan Respublikasinda isbilermenlik, innovacialiq texnologiyalar xám infrastrukturani jedel pátlerde rawajlandiriw arqali xaliqtiń abadanliġin arttiriwdiń qosimsha ilajlari haqqinda>>ġi PP-213-sanli Pármaniniń mánis-mazmunin tusindirip, bul párman arqali berilgen jeńillikler xám imkaniyatlar haqqinda aytip otti. Sonday-aq ushirasiwda deputat aymaqtaġi mashqalalardi sheshiwge "Open byudjet" joybarinan únemli paydalaniw kerekligin atap ótti. Saylawshilar menen jeke soylesiwler otkerip olardiń pikirlerin tińlap, mashqalalarin sheshiwge ámeliy jardem beriw boyinsha deputatliq soraw menen tiyisli uyimlarġa shiġatuġinliġin aytip ótti.