Экология ва энергетика соҳаларида давлат-хусусий шерикликни ривожлантирамиз

📣 Тарғибот тадбирида партиянинг сув хўжалиги, экология, энергетика соҳаларида давлат-хусусий шерикликни, йўл қурилиши, газ ва электр етказиб бериш соҳаларига эса хусусий бизнесни кенг жалб этиш бўйича ўз олдига қўяётган вазифалари ҳудудларни комплекс ривожлантириш учун муҳим қадамлардан бири эканлиги таъкидланди.

😎 Шунингдек, партия таълим соҳасини янада ривожлантириш учун ҳам бир қатор таклифларни илгари сурмоқда. Хусусан, давлат ташкилотларидан мустақил ва холисона баҳолайдиган нодавлат “таълим аудити” тизимини жорий қилиш, республика ва халқаро олимпиадаларда ғолиб бўлган ўқувчиларнинг ўқитувчилари учун бериладиган мукофотлар ҳажмини ошириш – таълимга бўлган эътиборни янада кучайтиради.

🎓 Бундан ташқари, партия дунёдаги энг нуфузли 500 та хорижий олийгоҳлар билан ҳамкорликда камида 50 та қўшма ўқув дастури ва “икки дипломли тизим”ни жорий этиш, олийгоҳлар учун қўшимча 120 минг ўринли ўқув бинолари ва 150 минг ўринли талабалар турар жойларини қуриш, олий таълим муассасалари илмий салоҳиятни 70 фоизга етказишни ўзининг устувор вазифаси, деб билади.  

#uzlidep #saylov2024

🖥 Расмий саҳифаларимизга уланинг