# Ҳаяллар _ қанаты
# Нөкис _ районы

✍️ Исбилерменлер ҳәрекети – Өзбекстан Либерал – демократиялық партиясы Қарақалпақстан Республикалық Кеңеси тәрепинен “Келешек ушын қәдем” сүрени астында жас сиясатшы қызлар форумы Нөкис районы руўхый- ағартыўшылық сарайында болып өтти. Онда партияның Қарақалпақстан Республикалық Кеңеси хызметкерлери, депутатлар, жоқары оқыў орынларының профессор-оқытыўшылары, тийисли тараў ўәкиллери, партияның белсенди жаслары ҳәм ғалаба хабар қураллары ўәкиллери қатнасты. Ушырасыўда тийкарынан бүгинги күнде ҳаял-қызларды қоллап-қуўатлаў бағдарында әмелге асырылып атырған кең көлемли реформалар, көплеген әмелий жумыслар, жаратып берилген шараятлар ҳаққында атап өтилди. Соның менен бирге мәмлекетимизде ҳаял-қызларды қоллап-қуўатлаў бағдарындағы қарар ҳәм пәрманлар, қабыл етилген нызам ҳүжжетлери, турмысқа енгизилип атырған бағдарламалар, сондай-ак, ажыратылып атырған субсидиялар, көрсетилип атырған ғамқорлықлар, жеңиллетилген кредитлер ҳәм басқа да усы сыяқлы мүмкиншиликлер кең түрде сөз етилди. Бүгинги күнде усындай жаратып берилип атырған имканиятлар тийкарында көплеген ҳаял-қызлардың турмыс шараяты өзгерип, бүгинги күнинен разылығы тәмийинленип атыр. Илим-билим үйрениў, кәсип ийелеў, өнерге бағдарлаў, бәнтлигин тәмийинлеў, материаллық ҳәм руўхый жақтан қоллап-қуўатлаў, жеңиллетилген кредитлер алыўында жәрдем бериў сыяқлы және бир қатар мүмкиншиликлерди атап өтсек болады. Әлбетте, булардың барлығы, елимизде ҳаяллардың тутқан ролин еле де асырыў ҳәм олардың абадан турмыс кешириўин тәмийинлеўге қаратылған.



👉👉👉https://t.iss.one/uzlidepqr

↗️↗️↗️↗️↗️

📣 ҲҮРМЕТЛИ ИСБИЛЕРМЕНЛЕР ҲӘМ РЕСПУБЛИКАМЫЗ ТУРҒЫНЛАРЫ! 📣

❗️Сизди Өзбекстан Саўда-санаат Палатасының Қарақалпақстан Республикасы басқармасы тәрепинен шөлкемлестирилип атырған "Жаңа жыл қайырқомлық аукционы"на мирәт етемиз!

📆 Сәне: 27.12.2023

🕒 Ўақты: 15-00

📍Мәнзил: Нөкис қаласы, И.Каримов көшеси, номерсиз жай. Өзбекстан Саўда-санаат Палатасының Қарақалпақстан Республикасы басқармасы.

✔️ Аукционды шөлкемлестириўден тийкарғы мақсет - Нөкис қаласындағы «Мириўбет» үй-интернатының тәрбияланыўшылары болған имкәнияты шекленген ҳаял-қызларды қоллап-қуўатлаўдан ибарат.

Аукционға қойылатуғын ҳәр бир нағыс, ҳәр бир көринис көркем шығарма, автордың дөретиўшилик қәбилийети ҳәм өмириниң айнасына мегзейди.

Аукцион шеңберинде төмендеги илажлар шөлкемлестириледи:

•  «Мириўбет» үй-интернатының тәрбияланыўшыларының ықлас ҳәм өткир таланты менен жаратылған өнерментшилик өнимлери;

•  Тәрбияланыўшылардың жүрек төринен алынған, әрманлары ҳәм ишки дүньясын терең сәўлелендириўши реңли картиналар ҳәм қол мийнети дөретпелери.

Аукционнан  жыйналған  қаржылар имкәнияты шекленген ҳаял-кызларды қоллап-қуўатлаў, оларды жәмийетке масластырыў, қәбилийетлерин жүзеге шығарыў ҳәм жәмийеттеги белсендилигин арттырыў мақсетинде "Мириўбет" үй-интернаты есап-бетине өткериледи.

❗️Жаңа жыл қарсаңында эксклюзив өнерментшилик буйымларын сатып алыў арқалы, саўаплы иске өз үлесиңизди қосың!

"Жаңа жыл қайырқомлық аукционы" на қатнасыў ушын исбилерменлер алдын-ала дизимнен өтиўи зәрүр.

Дизимнен өтиў ҳәм аукционға қатнасыў шәртлери бойынша қосымша мағлыўматларды +998 93 614-14-29 телефон номерлер арқалы ямаса [email protected] электрон мәнзили арқалы алыўыңызға болады.

✅ Келиң, биргеликте меҳирге мүтәж инсанларды қоллап-қуўатлап, жаңа жылда кеўиллерине нур бағышлайық!

🖼 Өзбекстан Саўда-санаат палатасының Қарақалпақстан Республикасы басқармасының мәлимлеме хызмети.

👉 https://t.iss.one/QR_Chamber