🔴#live
#Қонырат

Қоңырат районындағы Абу Али Ибн Сино атындағы жәмийет саламатлығы техникумында Президентликке талабан Ш.Мирзиёевтиң сайлаў алды бағдарламасын үгит-нәсиятлаў мақсетинде исенимли ўәкил Абат Данияровтың сайлаўшылар менен ушырасыўы басланды.

Ушырасыўда исенимли ўәкил сайлаўшыларды Президентликке талабан Ш.Мирзиёевтиң өмир ҳәм мийнет жолы менен таныстырып, өткен бес жыл даўамында әмелге асырылған реформалар, сондай-ақ талабанның «Инсан қәдири ушын» принципине тийкарланған сайлаўалды бағдарламасының мазмун-мәнисин түсиндирмекте.

Еслетип өтемиз, исенимли ўәкил алдын 24-сентябрь күни қоңыратлы сайлаўшылар менен ушырасқан еди. Бағдарлама мазмун-мәнисин аймақ турғынларының барлық қатламларына жеткериў мақсетинде ҳәр бир районда исенимли ўәкил ушырасыўларын бир неше мәрте шөлкемлестириў режелестирилген.

✍ @abatdaniyarov

🔴#live
#Қоңырат

🎤Исенимли ўәкил Абат Данияров:

- Президентликке талабан Ш.Мирзиёев өткен бес жыл даўамында алып барған әдил сиясатында дәслеп, халық мәпин ҳәр қашан ҳәр нәрседен үстин қойды.

Өткен 2017-жылда “Халық пенен пикирлесиў ҳәм инсан мәплери жылы” деп атама берилгени ҳәм сол тийкарда реформалар халық ушын әмелге асырылыўы, мәмлекетлик уйымлар, басшы лаўазымлы шахслар халық арасына кирип барыўы, олардың шағым ҳәм мүрәжатларын тыңлап унамлы шешим табыўы ушын әмелге асырылған әмелий ис-илажлар илгери сүрилди.
Халық қабыллаўханаларының шөлкемлестирилиўи, ҳүкиметлик порталлардың жумыс алып барыўы, буның барлығы халық ушын.

Барлық тараўларда жаңа механизм енгизилип, басқышпа-басқыш түп бурылыслар гүўасы болып атырмыз.

✍ @abatdaniyarov

#Қоңырат


Қоңыратлы сайлаўшылардың пикир ҳәм усыныслары менен ушырасыў жуўмақланды.

Үгит-нәсият илажлары Қанлыкөл районында даўам етеди.

✍ @abatdaniyarov

🔴#live
#Qanlıkól

Президентликке талабан Ш.Мирзиёевтиң сайлаўалды бағдарламасын үгит-нәсиятлаў мақсетинде исенимли ўәкил Абат Данияровтың сайлаўшылар менен ушырасыўы Қанлыкөл районы мәденият бөлиминде даўам етпекте.

Ушырасыўды ЎзЛиДеП Қарақалпақстан Республикалық Кеңеси аппарат баслығы Ш.Өтемисов ашып берди ҳәм исенимли ўәкил Абат Данияровты сайлаўшыларға рәсмий түрде таныстырды.

Исенимли ўәкил дәслеп, сайлаўшыларды Президентликке талабан Ш.Мирзиёевтиң өмир ҳәм мийнет жолы менен таныстырды. Өткен бес жыл даўамында әмелге асырылған реформалар турмыслық мысаллар менен атап өтилмекте.

Сондай-ақ, ҳүрметли талабанның «Инсан қәдири, еркинлиги, қәўипсизлиги ушын» принципине тийкарланған сайлаўалды бағдарламасының мазмун-мәнисин кеңнен түсиндирилмекте.

✍ @abatdaniyarov