⏩ Депутат мазкур таълим муассасасида ёшлар билан суҳбат қилиб, уларга сўнгги йилларда мамлакатимизда эртамиз эгаларининг орзу ва интилишларини рўёбга чиқариш, сифатли таълим олиши учун зарур шарт-шароитлар яратиш бўйича амалга оширилаётган ишлар ҳақида батафсил маълумотлар берди.

Ўз навбатида, ўқитувчилар охирги йилларда юртимизда таълим соҳасида бўлаётган ўзгаришлар, янгиланишларни алоҳида эътироф этиб, бугун ёшларнинг сифатли таълим олишлари учун барча имкониятлар борлигини қайд этдилар.

Шу билан бирга, Улуғбек ва Халқлар дўстлиги чорраҳасида ўқувчилар йўлдан ўтишда ноқулайликларга дуч келаётганини билдириб, пиёдалар йўлаги ва светофор ўрнатилишида амалий ёрдам сўради. Депутат бу масала бўйича дарҳол мутасаддилар билан боғланиб, муаммони шу ернинг ўзида ҳал этиш чораларини кўрди.

Китоб туманида барча соҳалар қатори тиббиёт тизимида ҳам катта ўзгаришлар бўлмоқда. Янги тиббиёт муассасалари қурилиб, фойдаланишга топширилмоқда.

Халқ вакилининг навбатдаги учрашувлари Китоб тумани тиббиёт бирлашмасида давом этди. Ш.Холмахаматова бу ерда аҳоли учун яратилган шароитларни кўздан кечириб, мавжуд муаммоларни ўрганди.

Маълум бўлишича, муассасада аҳолининг сифатли тиббий хизматдан фойдаланиши учун барча қулайликлар мавжуд. Лекин туғруқ бўлими учун қўшимча бино қуриш ва туманнинг иккита олис маҳаллаларида оилавий поликлиникаларни ташкил этиш зарур.

Туманнинг Нурафшон маҳалласида жойлашган “Омад Савдо” МЧЖда 27 нафар ёшлар меҳнат қилмоқда. Депутат учрашувлари давомида бу ерда фаолият юритаётган йигит-қизлар билан суҳбатлашиб, уларни ўйлантираётган масалалар билан қизиқди.

Шунингдек, халқ вакили туманнинг Обод маҳалласидаги ижтимоий соҳа объектлари фаолияти билан яқиндан танишди. Аҳоли вакиллари билан мулоқот давомида маҳалла раиси 35- ва 38-сонли мактаблар учун спорт заллари қурилишида ёрдам сўради.

Қуйи палата депутати ушбу масалани ўз назоратига олиб, ечими бўйича тегишли вазирлик ва идораларга депутатлик сўрови юборишини билдирди.

⏩ Депутат Шайхонтоҳур туманидаги 46-сонли оилавий поликлиника фаолияти билан танишди. Жумладан, поликлиникада аҳоли учун яратилган шароитлар, амбулатор хизматлар кўрсатиш, соғломлаштириш хоналари ҳолатини ўрганди, шифокорлар ва хамширалар билан суҳбатлашди.

Н. Жумаев туманидаги “Катта Оқтепа” ва “Катта ховуз” МФЙлари “маҳалла еттилиги” билан учрашди. Учрашувда маҳаллалар ҳудудидаги ижтимоий-иқтисодий, аҳоли бандлиги, хотин-қизлар, ёшларни қўллаб-қувватлаш, тадбиркорликни ривожлантириш масалалари ўрганилди. Шунингдек, депутат “Катта Оқтепа” маҳалласида амалга оширилаётган бунёдкорлик ишлари билан танишди.

🗣️ Партиянинг “Депутат ва тадбиркор мулоқот форуми” лойиҳаси ҳам ҳудудларда тадбиркорлар, кичик бизнес вакиллари, оилавий тадбиркорлар, ўз фаолиятини бошламоқчи бўлган ёшлар ва аёлларнинг самарали бизнесларини йўлга қўйишда кўмакчи бўлмоқда. Хусусан, Олий Мажлис Қонунчилик палатаси депутати Виктор Пак томонидан лойиҳа доирасида ташкил этилган навбатдаги мулоқот Оққўрғон туманида ўтказилди. Унда Халқ депутатлари Оққўрғон туман Кенгашидаги партия депутатлари, тадбиркорлар, кичик бизнес вакиллари, оилавий тадбиркорлар, ўз тадбиркорлигини бошламоқчи бўлган ёшлар ва партия фаоллари қатнашди.