🐔 Парранда гўшти учун субсидия миқдори оширилди

✍️ “Паррандачилик тармоғини давлат томонидан қўллаб-қувватлашга доир қўшимча чора-тадбирлар тўғрисида”ги Президент қарори (ПҚ–100-сон, 24.01.2022 й.) қабул қилинди.

💰 Қарорга кўра, 2022 йил 1 январдан 2024 йил 1 январгача ҚҚС тўловчиси бўлган паррандачилик хўжаликларига – ўз хўжаликларида етиштирилиб, сотилган парранда гўштининг ҳар бир килограми учун субсидия миқдори 2 500 сўм этиб белгиланди (илгари 1000 сўм эди).

✅ Субсидия ҚҚСдан вақтинчалик озод қилиш бўйича имтиёз амалда бўлган давр учун ҳам тўланади.

#uzlidep #subsidiya

Сайт | Facebook | Instagram | TikTok | Twitter | YouTube

🚜 Пахта ҳосилдорлигини оширганлик учун ҳар бир гектар ерга 1 млн.дан субсидия берилади

✍️ ВМнинг 05.07.2022 й.ги қарори билан Пахта майдонларида тупроқ унумдорлиги ва ҳосилдорликни ошириш бўйича агротехник тадбирлар учун субсидия ажратиш тартиби тўғрисидаги вақтинчалик низом тасдиқланди.

💰Ушбу тадбирларга 13 тумандаги ердан фойдаланувчиларга ҳар 1 гектарга 1 млн сўм субсидия берилади. Уни олиш учун “Агросубсидия” ахборот тизими орқали 2022 йил 25 июлгача қишлоқ хўжалиги бўлинмасига мурожаат қилиш керак бўлади.

📝 Бўлинма аризаларга асосан 1 августгача ердан фойдаланувчиларнинг номи, манзили, пахта майдони ҳақидаги маълумотларн рўйхатини ҳудудий ҳокимликларга беради. Ҳокимликлар 5 августгача ердан фойдаланувчилар рўйхатини тасдиқлайди. Қишлоқ хўжалиги бўлинмаси 10 августгача ердан фойдаланувчиларни рўйхатга киритилганлиги ёки рад этилганлиги ҳақида хабардор қилади.

🖋 Рўйхатга киритилганлар 5 сентябргача субсидия ажратиш бўйича ариза билан Қишлоқ хўжалиги вазирлигига мурожаат қилади. Вазирлик рўйхатни умумлаштиб, 20 сентябргача Молия вазирлиги ва Давстатқўмга тақдим этади.

➖Молия вазирлиги рўйхатга мувофиқ субсидиянинг 70%ини 1 октябргача қуйидаги тақсимотда ташкилотларнинг ҳисобварақларига ўтказиб беради:

➖60%ини – ердан фойдаланувчиларга;

➖6%ини – Пахта селекцияси, уруғчилиги ва етиштириш агротехнологиялари илмий-тадқиқот институтига;

➖4%ини – Тупроқшунослик ва агрокимёвий тадқиқотлар институтига.

📈 Давстатқўм 2023 йил 25 ноябргача фойдаланувчиларнинг 2023 йилдаги пахта ҳосилдорлигини аввалги йил билан таққослаб, маълумот тайёрлаб, Молия вазирлигига беради. Вазирлик унга кўра пахта ҳосилдорлиги аввалги йилга нисбатан 15% ёки ундан кўп миқдорда ошганда, субсидиянинг қолган 30%ини 2023 йил 20 декабргача фойдаланувчиларнинг ҳисобварағига ўтказиб беради.

Низом 2024 йил 1 январгача амал қилади.

#uzlidep #subsidiya #paxta

Сайт | Facebook | Instagram | TikTok | Twitter | YouTube