Мамлакат Содиқова БПТ етакчилигига қайта сайланди

😎 Бухорода жойлашган “Замин мадад тайёрлов савдо” МЧЖ ҳузуридаги O’zLiDeP БПТ сўнгги пайтларда фаолиятини кучайтириб, туб ўзгаришларга эришмоқда. Бу жараёнда ишбилармон аёл Мамлакат Содиқованинг ташаббускорлиги муҳим роль ўйнади. БПТ аъзолари сони 6 нафардан 30 нафаргача ортиб, партиянинг жойлардаги таъсири кенгайди.

🔼 Партия аъзолари маҳаллаларда тарғибот ишларини олиб бориб, олий таълим муассасаларида бизнес-маҳорат дарслари ташкил қилмоқда. Шунингдек, кам таъминланган хотин-қизлар учун IT ва мобилография бўйича бепул ўқув курслари йўлга қўйилди.

⏩ БПТнинг ҳисобот-сайлов йиғилишида “Ўзбекистон – 2030” стратегияси ва “Атроф-муҳитни асраш ва “яшил” иқтисодиёт йили” давлат дастуридан келиб чиқадиган вазифалар белгилаб олинди. Аъзоларнинг ташаббускорлиги партия обрўсига бевосита таъсир қилишини таъкидлашди.

🟢 Йиғилишда Бухоро шаҳар Кенгаши ва корхона раҳбарлари сўзга чиқиб, партиянинг қуйи бўғини фаолияти ижобий баҳоланди. Мамлакат Содиқова БПТ етакчилигига қайта сайланди.

#uzlidep #buxoro

🖥 Расмий саҳифаларимизга уланинг

Янгибозорда партия ташкилотларида сайлов йиғилишлари ўтказилмоқда

O’zLiDeP Янгибозор туман Кенгашидаги 94 та бошланғич партия ташкилоти ҳисобот-сайлов йиғилишларини ўтказмоқда. Шундай тадбирлардан бири “Халқ банки” туман филиалида бўлиб ўтди.

Йиғилишда партия ташкилоти раҳбари 2024 йилда амалга оширилган ишлар бўйича ҳисобот бериб, тарғибот-ташвиқот фаолияти ва электорат билан олиб борилган учрашувлар ҳақида маълумот тақдим этди. Ташкилий масалалар муҳокамасида Ҳамза Рўзметов раисликка номзод сифатида илгари сурилиб, бир овоздан сайланди.

Йиғилиш якунида партия ташкилоти фаолиятини такомиллаштиришга қаратилган қарорлар қабул қилинди.

#uzlidep #bpt

🖥 Расмий саҳифаларимизга уланинг