ЎзЛиДеП ва МДҲ Парламентлараро ассамблеяси халқаро кузатувчилари ўртасида учрашув бўлиб ўтди

Сайлов кампанияси жараёнини кузатиш мақсадида Ўзбекистонга келган халқаро кузатувчилар мамлакатимизнинг сиёсий партияларига ташриф буюришмоқда. Жорий йилнинг 26 октябрь куни ЎзЛиДеП Сиёсий Кенгаши Ижроия қўмитасида ана шундай муҳим тадбирлардан бири бўлиб ўтди.

Партия раиси Актам Хаитов Мустақил Давлатлар Ҳамдўстлиги Парламентлараро Ассамблеяси халқаро кузатувчилар гуруҳи координатори, Қирғиз Республикаси Жогорку Кенешининг Бюджет, иқтисодий ва фискал сиёсат бўйича қўмитаси раисининг ўринбосари Талайбек Масабиров ва МДҲ Парламентлараро ассамблеяси Кенгаши Бош котиби Дмитрий Кобицкий билан учрашди.

Унда томонлар мамлакатимиз Ўзбекистон Республикаси Олий Мажлиси Қонунчилик палатаси ва халқ депутатлари Кенгашлари депутатлари сайлови жараёни юзасидан атрофлича фикр алмашдилар. Халқаро ташкилотлар ва ҳорижий кузатувчиларнинг иштироки сайловларнинг очиқ, шаффоф ва демократик тарзда ўтказилишига хизмат қилиши таъкидланди. Қонунчиликка киритилган ўзгаришларга кўра янги аралаш сайлов тизими шароитида сиёсий партияларнинг роли ва ўрни, шунингдек, ЎзЛиДеП сайловолди ишлари стратегияси ва тактикасига алоҳида эътибор қаратилди. ЎзЛиДеП парламентлараро муносабатларни ривожлантириш тарафдори экани қайд этилди.

Учрашувда ЎзЛиДеП вакиллари ва МДҲ Парламентлараро ассамблеяси кузатувчилари ҳам иштирок этди.

Тадбир дўстона муҳитда бўлиб ўтди.

🖥 Расмий саҳифаларимизга уланинг

ЎзЛиДеПнинг халқаро кузатувчилар билан учрашувлари давом этмоқда

Шу йилнинг 26 октябрь куни ЎзЛиДеП Сиёсий Кенгаши Ижроия қўмитасида партия раиси Актам Хаитов Россия Федерацияси Федерал Мажлиси Федерация Кенгашининг Фан, таълим ва маданият қўмитаси раиси биринчи ўринбосари Ильяс Умаханов ва бошқа сенаторлардан иборат халқаро кузатувчилар билан учрашди.

Учрашувда Сайлов кодексига киритилган ўзгаришларга мувофиқ Қонунчилик палатасига сайловларнинг аралаш тизим асосида ўтказилаётганлиги қайд этилди.

Таъкидланганидек, ЎзЛиДеП ўтган беш йил ичида Ўзбекистон сиёсий саҳнасидаги энг кўп тарафдорларига эга чинакам халқ партиясига айланди. Партиянинг энг ёрқин ташаббусларидан бири сифатида Конституцияни ислоҳ қилиш ғояси билан чиққанлиги алоҳида эътироф этилди.

Томонлар атрофлича фикр алмашдилар. Учрашув дўстона муҳитда бўлиб ўтди.

🖥 Расмий саҳифаларимизга уланинг

✅ Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлари сайловининг дастлабки натижалари

Унга кўра, ЎзЛиДеП Олий Мажлис Қонунчилик палатасидаги 64 та депутатлик ўрнини эгаллади.

@uzlidep

Сайлов якунларига бағишланган брифинг бўлиб ўтди

ЎзЛиДеП Сиёсий Кенгаши Ижроия қўмитасида партиянинг сайловлардаги иштироки ва натижалари юзасидан брифинг ташкил этилди.

Унда партия раиси Актам Хаитов Ўзбекистон Либерал-демократик партияси парламент қуйи палатасида бир мандатли округлар (мажоритар тизим) бўйича 38 та, ягона сайлов округ (пропорционал тизим) бўйича 26 та, жами 64 та депутатлик ўрнини эгаллаганини таъкидлаб ўтди.

Шунингдек, “Менинг танловим – обод ватаним” шиори остида ўтказилган бу йилги сайловларда партиянинг сайловгача амалга оширган ишлари ҳақида маълумот берилди. Жумладан, O’zLiDeP қошида марказий, ҳудудий, туман ва шаҳар сайловолди штаблари фаолияти йўлга қўйилган, партия ғоялари уйма-уй юриб сайловчиларга етказилгани, партия фаоллари ва волонтёрлар томонидан безатилган махсус автобус, велосипед ва овоз кучайтиргичлар (рупор) ёрдамида партиянинг асосий мақсад ва ғоялари тарғиб қилингани партия муваффақиятида муҳим омил экани қайд этилди.

Партия тарғибот тадбирлари доирасида электорат вакиллари билан учрашувларга алоҳида эътибор қаратилди. Масалан, Бухорода тадбиркорлар, Самарқандда маҳаллий инвесторлар, Тошкент вилоятида IТ соҳаси вакиллари ва интелектуал мулк эгалари, Тошкент шаҳрида ноширлик соҳаси вакиллари, Андижонда шифокорлар, Наманганда ёш тадбиркорлар, Навоий ва Қашқадарёда эса саноат соҳаси вакиллари билан учрашувлар ташкил этилди. Шунингдек, Фарғона, Нукус ва Тошкент шаҳарларида оммавий тарғибот тадбирлари бўлиб ўтди.

Таъкидланганидек, бу йилги сайловларда сиёсий партиялар ўртасида дебатларнинг ташкил қилиниши ҳам муҳим янгиликлардан бири бўлди. Дебатларнинг жонли тарзда тўғридан-тўғри эфирга берилгани ҳам сайловчиларда катта қизиқиш уйғотди.

Брифинг якунида партия лидери 5 мақсад, 500 вазифадан иборат қатор ташаббуслар ижроси учун ЎзЛиДеП билан ҳамкорликка тайёр бўлган барча партиялар билан бирга ишлашга, мавжуд масалаларни ҳал қилишда кучларни бирлаштиришга тайёр эканини билдирди.

🖥 Расмий саҳифаларимизга уланинг