ЎзЛиДеП таклифи ўғил-қизларимизни уйли-жойли қилишдек эзгу ният рўёбига хизмат қилади

😎 Бугун Самарқанд давлат университетида ЎзЛиДеП сайловолди тарғибот тадбири ўтказилди ва партиянинг келгуси беш йилликдаги энг муҳим вазифаларига тўхталиб ўтилди.

😎 Тадбирда иштирок этган ЎзЛиДеП Сиёсий Кенгаши Ижроия қўмитаси раиси Актам Хаитов яқинлашиб келаётган муҳим сиёсий жараён – Олий Мажлис Қонунчилик палатаси ва Халқ депутатлари маҳаллий Кенгашларига бўлиб ўтадиган сайловларнинг мамлакатимиз тараққиёти, халқимизнинг эртанги ёруғ келажагини бунёд этишдаги аҳамияти ҳақида сўз юритди. ЎзЛиДеП сайловолди дастурида 5 мақсад, 500 вазифа ижросини ўз зиммасига олаётганини таъкидлади.

😎 Тарғибот тадбирида айтиб ўтилганидек, ЎзЛиДеП кейинги беш йилликда тадбиркорлар сонини 3 миллион нафардан оширишни, камбағаллик кўламини икки карра кисқартириб, аҳолини тадбиркорликка жалб қилишнинг маҳаллабай дастурларини ишлаб чиқишни ўзининг уствор вазифаси, деб билади.

😎 Шунингдек, ЎзЛиДеП ёшлар учун махсус уй-жойлар қуриш ва ҳар йили мингта ёш оилага имтиёзли ипотека кредитлари беришни таклиф қилмоқда. Партиянинг бу ташаббуси мамлакатимизда яшаётган ҳар бир ўғил-қизнинг ватанли бўлишдек эзгу нияти рўёбига хизмат қилади.

😎 Йиғилишда партия сайловолди дастуридаги бошқа муҳим вазифаларга ҳам тўхтилиб ўтилди, иштирокчилар бўлажак сайловларда ЎзЛиДеП учун овоз беришга чақирилди.

#uzlidep #saylov2024

🖥 Расмий саҳифаларимизга уланинг