“Яшил макон” умуммиллий лойиҳаси доирасида фермер хўжаликлари дала четларига кўчат экилмоқда

Бугун яшил ҳудудларни кўпайтириш атроф-муҳит, табиат софлигини асраш йўлидаги муҳим чоралардан бири саналади. Шунга кўра, мамлакатимизда давлатимиз раҳбари ташаббуси билан бошланган "Яшил макон" умуммиллий лойиҳаси юртдошларимиз томонидан кенг қўллаб-қувватланиб, чинакам халқ ҳаракатига айланди.

Ҳар йили баҳор ва кузда ёппасига дарахт кўчатлари экиш анъанага айланб, ҳар бир хонадон, ҳар бир оила, барча корхоналар табиатни асрашга ҳисса қўшиш ҳаракатида. Ушбу хайрли ишга ҳисса қўшиш мақсадида “Яшил макон” лойиҳаси доирасида фермер хўжалиги дала четларига кўчат экилмоқда.

ЎзЛиДеП раҳбари Актам Хаитов бошчилигида Денов туманидаги фермер хўжаликлари дала четларига тут ва узум кўчатлари экилди.

Айтиш керакки, Денов туманида “Яшил макон” умуммиллий лойиҳаси доирасида 328,0 минг дона кўчат экиш режалаштирилган. Шундан бугунга қадар 119.8 минг дона кўчат экилган. Зеро, юртимизда кенг қулоч ёйган «Яшил макон» умуммиллий лойиҳаси нафақат бугунимизга балки, яқин ва узоқ келажагимизга дахлдор ҳаётий ҳаракат саналади.

#uzlidep #yashil_makon

🖥 Расмий саҳифаларимизга уланинг

“Қуёшли юрт” маҳалла фуқаролари томорқадан унумли фойдаланмоқда

Юртимизда оилавий тадбиркорликни ривожлантириш, айниқса аҳолининг томорқадан унумли фойдаланишини қўллаб-қувватлашга қаратилаётган эътибор юксак самара бермоқда.

Денов туманида ҳам ана шундай эътибор самарасида томорқадан унумли фойдаланиб, оиласи фаровонлиги, бозорларимиз тўкинлигига муносиб ҳисса қўшаётган юртдошларимиз бисёр.

Хусусан, “Қуёшли юрт” маҳалласида яшовчи Ойбек Сатторов ана шундай инсонлардан биридир. ЎзЛиДеП раҳбари Актам Хаитов мазкур хонадонда бўлди. Хонадон эгаси гулчилик билан шуғулланиб, рўзғорига қўшимча даромад олиб келмоқда. Суҳбат жараёнида унинг муаммолари ҳам ўрганилди.

Шунингдек, маҳалланинг бошқа хонадонларига ташриф буюрганда, аксариятида иссиқхона мавжудлиги ва аҳоли ўз томорқасида унумли фойдаланаётгани маълум бўлди. Партия етакчиси аҳоли билан суҳбат жараёнида уларга алоҳида тавсиялар ҳам бериб ўтди.

#uzlidep #tomorqa

🖥 Расмий саҳифаларимизга уланинг