✅ Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлари сайловининг дастлабки натижалари

Унга кўра, ЎзЛиДеП Олий Мажлис Қонунчилик палатасидаги 64 та депутатлик ўрнини эгаллади.

@uzlidep

Сайлов якунларига бағишланган брифинг бўлиб ўтди

ЎзЛиДеП Сиёсий Кенгаши Ижроия қўмитасида партиянинг сайловлардаги иштироки ва натижалари юзасидан брифинг ташкил этилди.

Унда партия раиси Актам Хаитов Ўзбекистон Либерал-демократик партияси парламент қуйи палатасида бир мандатли округлар (мажоритар тизим) бўйича 38 та, ягона сайлов округ (пропорционал тизим) бўйича 26 та, жами 64 та депутатлик ўрнини эгаллаганини таъкидлаб ўтди.

Шунингдек, “Менинг танловим – обод ватаним” шиори остида ўтказилган бу йилги сайловларда партиянинг сайловгача амалга оширган ишлари ҳақида маълумот берилди. Жумладан, O’zLiDeP қошида марказий, ҳудудий, туман ва шаҳар сайловолди штаблари фаолияти йўлга қўйилган, партия ғоялари уйма-уй юриб сайловчиларга етказилгани, партия фаоллари ва волонтёрлар томонидан безатилган махсус автобус, велосипед ва овоз кучайтиргичлар (рупор) ёрдамида партиянинг асосий мақсад ва ғоялари тарғиб қилингани партия муваффақиятида муҳим омил экани қайд этилди.

Партия тарғибот тадбирлари доирасида электорат вакиллари билан учрашувларга алоҳида эътибор қаратилди. Масалан, Бухорода тадбиркорлар, Самарқандда маҳаллий инвесторлар, Тошкент вилоятида IТ соҳаси вакиллари ва интелектуал мулк эгалари, Тошкент шаҳрида ноширлик соҳаси вакиллари, Андижонда шифокорлар, Наманганда ёш тадбиркорлар, Навоий ва Қашқадарёда эса саноат соҳаси вакиллари билан учрашувлар ташкил этилди. Шунингдек, Фарғона, Нукус ва Тошкент шаҳарларида оммавий тарғибот тадбирлари бўлиб ўтди.

Таъкидланганидек, бу йилги сайловларда сиёсий партиялар ўртасида дебатларнинг ташкил қилиниши ҳам муҳим янгиликлардан бири бўлди. Дебатларнинг жонли тарзда тўғридан-тўғри эфирга берилгани ҳам сайловчиларда катта қизиқиш уйғотди.

Брифинг якунида партия лидери 5 мақсад, 500 вазифадан иборат қатор ташаббуслар ижроси учун ЎзЛиДеП билан ҳамкорликка тайёр бўлган барча партиялар билан бирга ишлашга, мавжуд масалаларни ҳал қилишда кучларни бирлаштиришга тайёр эканини билдирди.

🖥 Расмий саҳифаларимизга уланинг

Бугун “Дебат Холл” медиа марказида “Сайлов-2024: натижалар таҳлили, янги парламент шаклланиши” мавзусида махсус сессия ташкил қилинди.

Мазкур тадбир беш қисмдан иборат бўлиб, Сессиянинг учинчи қисми "Сайловда сиёсий партияларнинг фаол ва кучли рақобат асосидаги иштироки" мавзусига бағишланди. ЎзЛиДеП Сиёсий Кенгаши Ижроия қўмитаси раиси ўринбосари Сардор Ғиёсов партиянинг сайловлардаги иштироки, сайловолди тарғибот тадбирлари ва якуний натижалари хусусида тўхталиб ўтди.

Хабарингиз бор, кеча Марказий сайлов комиссияси томонидан сайлов якунларининг натижалари эълон қилинди. Унга кўра, Ўзбекистон Либерал-демократик партияси парламент қуйи палатасида бир мандатли округлар (мажоритар тизим) бўйича 38 та, ягона сайлов округ (пропорционал тизим) бўйича 26 та, жами 64 та ўрин эгаллади.

🖥 Расмий саҳифаларимизга уланинг