Тилимизнинг қадр-қиммати бевосита сиз ва биз, бутун миллатимизга бўлган ҳурмат белгисидир

Учинчи Ренессанс пойдевори бунёд этилаётган янги Ўзбекистонда она тилимизни ривожлантириш, ҳуқуқий асосларини мустаҳкамлаш, мақомини янада юксалтиришга катта эътибор қаратилмоқда.

Бу борада қонунларимиз, меъёрий ҳужжатларимиз мустаҳкам ҳуқуқий асос бўлмоқда. Она тилимизни ривожлантириш, жаҳон миқёсида оммалаштириш билан шуғулланувчи янги муассасалар фаолияти йўлга қўйилди. Давлат тилимизни юксалтиришга эътибор, миллатга, давлатга ва мустақиллигимизга бўлган ҳурмат ва эҳтиромнинг юксак кўринишидир.

Шу боис партиямиз она тилимизнинг беқиёс аҳамияти ва қадр-қимматини яққол намоён этишга қаратилган қатор лойиҳаларни ҳаётга татбиқ этмоқда. Лойиҳаларимизда она тилимизнинг миллатимиз учун бениҳоя муқаддас ва мўътабарлигига эътибор қаратаяпмиз.

Бобокалонимиз Навоийнинг “Тилга ихтиёрсиз – элга эътиборсиз”, деган сўзлари бугунимиз учун ғоятда аҳамиятли эканини қайд этмоқчиман. Элга ва тилга эътиборсиз бўлмаган инсонлар сифатида ҳаммамиз Ўзбек тилининг ривожи учун биргалашиб ҳаракат қилишимиз лозим. Зотан, тилимизнинг қадр-қиммати барчамизнинг бутун миллатимизга бўлган ҳурмати эътирофи ҳамдир. 

@a_xaitov

ЎзЛиДеП Президентимизнинг яшиллик даражасини оширишга қаратилган ташаббусларини қўллаб-қувватлайди

Бугун Президентимиз раислигида “Яшил макон” умуммиллий лойиҳаси доирасида амалга оширилган ишлар натижадорлиги ва келгусидаги устувор вазифалар юзасидан видеоселектор йиғилиши ўтказилди. Унда мен ҳам қатнашдим.

Йиғилишда мамлакатимизда ҳар йили 200 миллион дарахт ва бута экиб, 2030 йилгача яшилликни 30 фоизга етказиш бўйича марра олингани, 2020 йилда яшиллик даражаси 8 фоиз бўлган бўлса, ҳозир 12 фоизга етгани ҳамда оролбўйида яшил қоплама 2 миллион гектардан ошиб кетгани таъкидланди.

Давлатимиз раҳбарининг яшил ҳудудларни кенгайтиришга оид топшириқлари ЎзЛиДеП сайловолди дастурида ҳам устувор вазифа сифатида белгиланган.

Жумладан, партиямиз экологик тоза транспортлар учун зарур инфратузилмани ривожлантириш, Орол денгизининг қуриган тубида қўшимча 500 минг гектар яшил майдонларни барпо этиб, уларнинг умумий ҳажмини 2,5 миллион гектарга етказишни устувор вазифамиз, деб биламиз.

Шу жиҳатдан ЎзЛиДеП Президентимизнинг яшиллик даражасини оширишга қаратилган ташаббусларини қўллаб-қувватлайди.

@a_xaitov