⭕️ #LIVE

O'zLiDeP фракцияси йиғилиши бошланди

Олий Мажлис Қонунчилик палатасидаги O'zLiDeP фракциясининг навбатдаги йиғилиши бўлиб ўтмоқда. Унда депутатлар томонидан бир қатор муҳим қонун лойиҳалари муҳокама қилинишини кўзда тутилган.

Хусусан,

«2022 йил учун Ўзбекистон Республикасининг Давлат бюджети тўғрисида»ги Ўзбекистон Республикасининг Қонунига ўзгартишлар киритиш ҳақида»ги,

«Ўзбекистон Республикаси билан Қозоғистон Республикаси ўртасида озодликдан маҳрум этилган шахсларни жазони ўташни давом эттириш учун топшириш тўғрисидаги шартномани (Нур-Султон, 2021 йил 6 декабрь) ратификация қилиш ҳақида»ги қонун лойиҳалари биринчи ўқишда,

Ўзбекистон Республикаси Давлат бюджетининг ва давлат мақсадли жамғармалари бюджетларининг 2022 йил тўққиз ойлик ижроси ҳамда фракция фаолиятига оид бошқа муҳим масалалар юзасидан муҳокамалар ўтказилиши режалаштирилган.

#uzlidep #fraksiya

Сайт | Facebook | Instagram | TikTok | Twitter | YouTube

⭕️ #LIVE

Фракция йиғилишида Ўзбекистон Республикаси Давлат бюджетининг ва давлат мақсадли жамғармалари бюджетларининг 2022 йил 9 ойлик ижроси муҳокама қилинмоқда.

Депутатлар партиянинг мақсад ва вазифаларидан келиб чиққан ҳолда иқтисодий соҳада белгиланган вазифалар ижросига алоҳида эътибор қаратишди.

Таъкидланганидек, бугунги кунда дунё бўйлаб кузатилаётган бир қатор иқтисодий, сиёсий ва ижтимоий муаммолар жаҳон иқтисодиётининг ривожланиш истиқболларига ўз таъсирини кўрсатмасдан қолмаяпти. Шундай бир шароитда Ўзбекистон иқтисодиёти барқарор ўсиш суръатларида давом этмоқда. Жорий йилнинг тўққиз ойи якунларига кўра, мамлакатимиз ялпи ички маҳсулоти 5,8 фоизга ўсди.

Шунингдек, иқтисодий ўсишнинг асосий драйверлари хизматлар ва саноат соҳаси бўлиб, мос равишда 7,9 ва 5,5 фоизга ўсди. Бундан ташқари, шу давр мобайнида қурилиш соҳаси 6,3 фоизга ҳамда қишлоқ хўжалиги соҳаси 3,6 фоизга ўсди.

#uzlidep #fraksiya

Сайт | Facebook | Instagram | TikTok | Twitter | YouTube

⭕️ #LIVE

Ҳисобот даврида, озиқ-овқат, тўқимачилик, металлургия ва автотранспорт маҳсулотларини ишлаб чиқариш ишлаб чиқарадиган саноатнинг 61,9 фоизини ташкил этди.

Хусусан, 2022 йил январ-сентябр ойларида озиқ-овқат маҳсулотларини ишлаб чиқариш ҳажми 3,9 фоизга кўпайиб, 41,9 трлн. сўмни, тўқимачилик маҳсулотлари 7,7 фоизга ошиб, 43,0 трлн. сўмни, металлургия саноати 3,9 фоизга кўпайиб, 80,9 трлн. сўмни ташкил қилди.

Иқтисодиётнинг муҳим тармоқларидан бири бўлган хорижий инвестицияларни жалб қилиш масаласи ҳам муҳим саналади. Ушбу йўналишдаги ишлар таҳлил қилинганда, бу вақт давомида асосий капиталга жами инвестициялар 190,0 трлн. сўмни ташкил қилган.

Яна бир муҳим тармоқлардан хизмат кўрсатиш ҳажми ўтган йилнинг мос даврига нисбатан 15,4 фоизга ўсиб, 253,8 трлн. сўмни ташкил қилди.

Ташқи савдо айланмаси, яъни умумий экспорт 14,1 млрд. АҚШ долларни ташкил этди ва тарихий рекорд даражани қайд этди.

Қишлоқ, ўрмон ва балиқ хўжалиги маҳсулотлари ҳажми 248,7 трлн. сўмни, қўшилган қиймат миқдори 143,5 трлн. сўмни ташкил этиб, соҳада ишлаб чиқаришнинг 241,8 трлн. сўми деҳқончилик ва чорвачиликка тўғри келди.

#uzlidep #fraksiya

Сайт | Facebook | Instagram | TikTok | Twitter | YouTube