Фарғона гидрометеорология бошқармаси муҳандис-агрометеорологи М. Тиляходжаева май ойининг иккинчи ўн кунлигида ғўза ўсимлигининг ривожланиш фазалари, баландлиги, зичлиги ва умумий ҳолатини аниқлаш мақсадида белгиланган ер майдонида кузатув ишларини олиб борди. Кузатувлар натижасида ғўза ўсимлигида "шира" касаллиги, ривожланиш фазаси ва баландлиги нотекислиги, контурларнинг айрим жойларида ўсимликнинг сийраклиги аниқланди. Касалликка қарши ва ғўза ўсимлигининг умумий ҳолатини яхшилаш чора-тадбирлари олиб борилмоқда.

#фарғона #бошқарма #агрометеоролог #ғўза #дала #касалланиш #чоратадбир

Telegram | facebook | Instagram | Youtube

Навоий гидрометеорология бошқармасига қарашли агрометеорологлар, метеостанция ва агрометеорологик пост кузатувчилари йиллик агрометеорологик режа асосида ғўза экилган майдонларда ғўзанинг кейинги ривожланиш фазаси, экинларнинг баландлиги, қалинлиги ва ҳолатини баҳолаш бўйича текшириш ишларини олиб бордилар. Текширишлардан аниқланишича вилоят далаларида ғўзанинг ўсиши ва ҳолати яхши ҳолатда, ўсишдан орқада қолган далалар йўқлиги, ўсимликларда касалланиш ва зараркунанда ҳашоротлар билан зарарланишлар кузатилмади.

#навоий #гидрометеорология #бошқармаси #агрометеорология #ғўза #кузатув

Telegram | facebook | Instagram | Youtube