Hydromet.uz

😀

❄️

O‘zbekistonda yanvar oyi odatda qanday bo‘ladi va 2024 yil yanvar oyida qanday ob-havo sharoitlari kutilmoqda?

Ma’lumot uchun: Yangi 2024-yilning birinchi oyi harorat tartibi bo‘yicha me’yorga yaqin, ba’zi joylarda me’yordan 1-1,5° ga yuqori bo‘ladi.
Yanvar quruq va nisbatan iliq ob-havo bilan boshlanadi. Yanvar oyining birinchi besh kunligida O‘zbekiston hududi bo‘yicha asosan yog‘ingarchiliksiz ob-havo bo‘lishi kutilmoqda. 1-3-yanvar kunlari kunduzgi havo harorati 6-11° iliq atrofida, 4-5-yanvar kunlari esa 1-3-yanvarga nisbatan 3-5° ga yuqori bo‘ladi.
Keyinchalik oyning oxirigacha harorat kechalari 0-5° iliqdan 3-8° sovuqqacha, kunduz kunlari 10-15° iliqdan 0-5° iliqqacha o‘zgarib turishi kutilmoqda. Harorat kechalari qisqa davrga 10-13° sovuqqacha pasayishi va kunduz kunlari 16-18° iliqqacha ko‘tarilishi mumkin.
Yomg‘ir va qor ko‘rinishidagi yog‘ingarchiliklar yanvar oyining birinchi o‘n kunligi oxirida, shuningdek, ikkinchi va uchinchi o‘n kunliklarning ayrim kunlarida kutilmoqda. Umuman olganda, oy uchun yog‘ingarchilik miqdori me’yor atrofida, ba’zi joylarda me’yordan kam bo‘lishi kutilmoqda.

#uzgidromet #prognoz #harorat #dekabr #shamol #iliq #yomgir #qor #sovuq
______

😀

❄️