#Xalqaro_forum
#live

Markaziy Osiyo Universitetlar forumining xorijiy tashkilotlar vakillari ishtirokidagi ochiq muloqot tadbiri boshlandi

🔴 Ayni vaqtda Yangi O‘zbekiston Universitetida Markaziy Osiyo Universitetlari Forumining muhim uchrashuvlaridan biri boshlandi.

📍 Unda Buyuk Britaniya, Germaniya, Xitoy kabi nufuzli davlatlarda joylashgan va ta’lim rivoji uchun dunyo miqyosida ish olib borayotgan 60 dan ortiq xalqaro tashkilotlar, shuningdek, yuzga yaqin xorijiy oliygohlar hamda yurtimizdagi qator oliy ta’lim muassasalari vakillari ishtirok etmoqda.

✅ Tadbirni Maktabgacha va maktab ta’limi vaziri Hilola Umarova kirish so‘zi bilan ochib berdi hamda bugungi nufuzli uchrashuvning ahamiyati, ta’lim rivojining dunyo xalqlari hayotidagi muhim o‘rni haqida o‘z fikrlarini bildirib o‘tdi.

➖ Tantanali tadbirda “Times Higher Education” tashkiloti xalqaro ishlar rahbari Phil Baty, Massachusets texnologiya universiteti vakili Anjali Shastry, Obuda universiteti rektori Levente Kovachs, Abu Dabidagi Nyu-York universiteti dotsenti Behzod Xoshimov, “Montfort Eurasia” boshqaruvchi direktori Eleanor Kramers va ko‘plab xorijiy tashkilotlar vakillarining mavzuga doir chiqishlari ko‘zda tutilgan.

➖ Shuningdek, tadbir doirasida “Times Higher Education” reytingida tan olingan universitetlarni taqdirlash marosimi, xalqaro nufuzli mehmonlar bilan muhokama va uchrashuvlar bo‘lib o‘tadi.

👉🏻Tadbirni jonli efirda tomosha qiling:
https://youtube.com/live/vPStvVGtsGc?feature=share

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#xalqaro_hamkorlik_tashabbuslar_haftaligi
#live

🔴 Bugun Toshkent shahrida “Yangi Oʻzbekiston: taraqqiyot, innovatsiya va maʼrifat” mavzusidagi xalqaro hamkorlik tashabbuslar haftaligi oʻz ishini boshladi.

✅ Ayni vaqtda poytaxtimizda joylashgan Renessans Hall zalida Maktabgacha va maktab taʼlimi vazirligi tomonidan “Yangi Oʻzbekistonda taʼlim tizimini transformatsiya qilish va taʼlim sifatini oshirish” mavzusida muloqot tadbiri tashkil etilmoqda.

Unda qator xalqaro tashkilotlar ekspertlari va xorijiy davlatlarning sohaga doir masʼul vakillari, jumladan:

➖Myunxen texnika universiteti professori Volfgang Herrmann;
➖Times Publishing LTD bosh ijrochi direktori Syu Peng Yim;
➖Birlashgan Arab Amirliklari Emirates National Schools tashkiloti bosh direktori Axmad al-Bastaki;
➖Jahon bankining Yevropa va Markaziy Osiyo mintaqasida taʼlim boʻyicha amaliyot menejeri Rita Almeida;
➖UNISEFning taʼlim sohasidagi xalqaro eksperti Kristian Fabbi;
Jahon bankining dastur rahbari va yetakchi iqtisodchisi Xiroishi Sayekilar ishtirok etadi.

📍 Tadbir avvalida soʻz olgan Oʻzbekiston Respublikasi Maktabgacha va maktab taʼlimi vaziri Hilola Umarova soʻnggi yillarda Oʻzbekistonda olib borilayotgan taʼlimga doir islohotlar mazmuni va sohadagi keng oʻzgarishlar tahliliga atroflicha toʻxtalib oʻtmoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#xalqaro_hamkorlik_tashabbuslar_haftaligi
#live

🔴 Maktabgacha va maktab taʼlimi vaziri Hilola Umarovaning “Yangi Oʻzbekistonda taʼlim tizimini transformatsiya qilish va taʼlim sifatini oshirish” mavzusidagi panel sessiyasidagi nutqidan:

"Barchamizga yaxshi ma’lum, taraqqiyotning tamal toshi ham, mamlakatni qudratli, millatni buyuk qiladigan kuch ham, bu ilm-fan, ta’lim va tarbiyadir.

Shu ma’noda “Yangi O‘zbekistonning 2030-yilgacha taraqqiyot strategiyasi”da ta’limni rivojlantirish birinchi o‘rindagi ustuvor yo‘nalish sifatida belgilangan. O‘zbekistonning yangi Konstitutsiyasiga ta’lim olish huquqi va pedagog maqomi yuzasidan alohida normalar kiritildi.

O‘zbekiston zamini ikki buyuk uyg‘onish davri – Renessansga beshik bo‘lganligini alohida ta’kidlab, Al-Farg‘oniy, Al-Xorazmiy, Abu Rayhon Beruniy, Abu Ali Ibn Sino, Al-Buxoriy, At-Termiziy, Mirzo Ulug‘bek, Alisher Navoiy, Kamoliddin Behzod kabi buyuk daholar yetishib chiqqanligini aytib o‘tmoqchiman.

Ta’limni rivojlantirish aholisining 60 foizdan ortig‘i yoshlardan, 11 millioni bolalar va o‘smirlardan iborat bo‘lgan O‘zbekiston uchun shubhasiz, strategik masaladir. Albatta, bu demografik dividend bir tomondan mamlakat uchun katta chaqiriq bo‘lsa, ikkinchi jihatdan katta imkoniyatdir.

Shu jihatdan Uchinchi Renessans poydevorini yaratish, Vatanimizning taqdiri va kelajagi bo‘lgan, zamon bilan hamnafas yangi avlodni tarbiyalashni maqsad qilganmiz. Bu borada belgilangan vazifalarni amalga oshirishda sizlar bilan samarali hamkorlikni davom ettiramiz, degan umiddaman."

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#xalqaro_hamkorlik_tashabbuslar_haftaligi
#live

🔴 "Emirates National Schools" tashkiloti bosh direktori Axmad al-Bastakining “Yangi Oʻzbekistonda taʼlim tizimini transformatsiya qilish va taʼlim sifatini oshirish” mavzusidagi panel sessiyasidagi nutqidan:

"Birlashgan Arab Amirliklari hukumati ta’lim rivojlanishini o‘zining asosiy ustuvor yo‘nalishlaridan biri sifatida belgilagan. Biz O‘zbekiston bilan barcha sohalarda, ayniqsa ta’lim sohasida aloqalarni mustahkamlashga intilmoqdamiz.

Biz ta’limni yoshlarimiz uchun porloq kelajakni qurishning asosi, deb bilamiz va ikki davlat o‘rtasidagi hamkorlik bu maqsadga erishishda muhim rol o‘ynaydi, deb ishonamiz."

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#xalqaro_hamkorlik_tashabbuslar_haftaligi
#live

🔴 Myunxen texnika universiteti professori Volfgang Herrmanning “Yangi Oʻzbekistonda taʼlim tizimini transformatsiya qilish va taʼlim sifatini oshirish” mavzusidagi panel sessiyasidagi nutqidan:

"O‘zbekiston ta’lim taraqqiyoti yo‘lida noyob qadam qo‘ydi. U so‘nggi yillarda ushbu yo‘lda jadal harakat qilayotgan mamlakatlardan biri hisoblanadi.

Bu yerda maktab va oliy ta’limni rivojlantirish borasida katta ishlar amalga oshirilmoqda. Xususan, Prezident maktablari tajribasi hamda o‘zim faxriy Prezidenti hisoblangan Yangi O‘zbekiston universiteti bu boradagi ko‘zga ko‘rinarli tashabbuslardan biridir.

Bugungi panel sessiyada keltirib o‘tilgan hamda O‘zbekistondagi ta’lim islohotlariga doir fikrlar, men o‘ylaymanki, kelajagani ta’lim rivoji bilan bog‘lagan yurt uchun muhim ahamiyatga egadir."

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Live
#Attestatsiya

🔴 Ayni damda umumiy o’rta, maktabgacha va maktabdan tashqari ta’lim tashkilotlari pedagoglarini attestatsiyadan o’tkazish jarayonlari boshlanmoqda.

➖ Bugun — 29-oktabr kuni Informatika va axborot texnologiyalari fanidan sinovlar bo’lib o’tadi.

🔴 Jonli efir

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin