#Ўқитувчилар_қурултойи
#Buxoro

QURULTOY BUXORODA: O‘QITUVCHILARNI KASBIY RIVOJLANTIRISH MUHIM AHAMIYATGA EGA

🔴 Ayni vaqtda Maktabgacha va maktab ta'limi vazirligi tomonidan tashkil etilgan "O‘qituvchilar qurultoyi" uchrashuvlarining viloyat bosqichi mamlakatimiz bo‘ylab davom etmoqda.

❕Bugun Buxoro viloyatida qurultoy doirasida uchrashuvlar bo'lib o'tdi va ochiq muloqot tashkil etilib, ustozlarning fikr-mulohazalari, sohani yanada rivojlantirishga bag‘ishlangan takliflari tinglandi.

➖ Shuningdek, tadbir davomida mavjud muammolar va ularning yechimlari ham muhokama qilinib, tizimni yanada isloh qilishda nimalarga e'tibor qaratish lozimligi, o'qituvchilarni yagona kuchga aylantirish va ularni kasbiy rivojlantirishning ahamiyati haqida so‘z bordi.

❗️Ochiq muloqot davomida 20 nafar fidoyi ustozlar "Xalq ta'limi a'lochi" ko'krak nishoni, Maktabgacha va maktab ta’lim vazirining tashakkurnomalari va viloyat hokimligining faxriy yorliqlari bilan taqdirlanishdi.

✔️Shundan so'ng o‘qituvchilar uchun xorijiy va mahalliy trenerlar tomonidan zamonaviy metodikalar asosida dars o'tish va o'quvchilarda 4K ko'nikmalarini rivojlantirishga bag‘ishlangan seminar-treninglar bo'lib o'tdi.

⚡️ "Ustoz - ta'lim bunyodkori" shiori ostida tashkil etilgan uchrashuv va treninglar ko'tarinki kayfiyatda o'tdi.

Vazirlikning rasmiy sahifalariga ulanish
Telegram | Youtube | Facebook | Instagram

#Бизнинг_шундай_ўқувчиларимиз_бор
#Buxoro

Mobilograflik ortidan oyida 800 dollar daromad topayotgan buxorolik o'quvchimiz: u 6 ta tilda bemalol gaplasha oladi

✅ Buxoro shahridagi 31-umumta’lim maktabining 11-sinf o‘quvchisi Rayhon Po‘latova o'zbek, rus, koreys, xitoy, ingliz, tojik tillarida erkin muloqot qiladi.

IELTS xalqaro imtihonidan 6.5 balni qo'lga kiritgan.

❗️Bundan tashqari u sportning badiiy gimnastika va shaxmat turlari bilan ham shug‘ullanib keladi. Bu yo‘nalishda bir necha bor viloyat hamda respublika chempionatlarida g‘oliblikni qo‘lga kiritgan.

⚡️Rayhon shaxmat bo’yicha 4 karra viloyat chempioni hisoblanadi.

❗️Rayhonning kelajakda O'zbekiston Jahon tillari universitetiga o'qishga kirib, yangi cho'qqilarni zabt etmoqchi.

Shuningdek, Rayhon yaxshigina mobilograf va SMM mutaxassisi hamdir. U oyiga 800 dollar miqdorida daromad qiladi.

👉 Batafsil: https://telegra.ph/bvmmtbuz-03-26

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Buxoro

Vazir Qorako’ldagi ta’lim muassasalari faoliyatini o’rganmoqda

🔴 Ayni damda Maktabgacha va maktab ta'limi vaziri Hilola Umarova Buxoro viloyatida bo’lib turibdi.

🔗 Vazir ta'lim muassasalaridagi uchrashuvlar davomida Qorako'l tumanida joylashgan 43-davlat maktabgacha ta'lim tashkilotida bo'ldi va tarbiyalanuvchilar uchun yaratilgan shart-sharoitlar, amalga oshirilayotgan ishlar bilan tanishdi.

Shuningdek, pedagoglar bilan suhbatlashib, ularning fikr-mulohazalariga quloq tutdi hamda o‘z tavsiyalari bilan bo‘lishdi.

➖ Ma'lumot o‘rnida: ushbu maktabgacha ta'lim tashkiloti "Yangi O‘zbekiston" massivida qurilgan bo‘lib, 2023-yilda foydalanishga topshirilgan. Hozirda bu yerda 90 nafar bolajonlar tarbiyalanmoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Buxoro

✅ Maktabgacha va maktab ta’limi vaziri Hilola Umarova Buxoro viloyatidagi o‘rganishlar davomida tumandagi 53-umumta’lim maktabida ham bo‘ldi.

O'rganish davomida vazir maktabda yaratilgan sharoitlar, o‘quvchilarning yutuqlari, kasb-hunarga o‘qitish ishlarining qay tarzda tashkil etilganligi hamda maktabdagi issiqxona faoliyati bilan yaqindan tanishdi.

2022-yilda qurib foydalanishga topshirilgan 330 o‘rinli mazkur maktabda ayni paytda 210 nafar o‘quvchi ta’lim-tarbiya olishmoqda.

➖ Hilola Umarova, shuningdek, kun davomida tumandagi 2023-yilda qurib foydalanishga topshirilgan 100 o‘rinli "Robiyabegim plyus" maktabgacha ta'lim tashkiloti faoliyati bilan ham tanishdi.

Davlat xususiy sheriklik asosida faoliyat yuritayotgan mazkur muassasada ayni paytda 77 nafar bolajonlar qamrab olingan.

Ma'lumot o'rnida: O‘zbekiston Respublikasi Prezidentining qaroriga asosan yurtimizda joriy yil yakuniga qadar 181,5 ming yangi o‘quvchi o‘rinlari yaratilib, 101,7 ming o‘quvchi o‘rni mukammal taʼmirlanadi hamda 95 ta yangi sport zali quriladi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_olimpiada
#Buxoro

Xalqaro biologiya olimpiadasi hakamlar hay’ati a’zolari Buxoroga yetib kelishdi

✅ Xabaringiz bor, O‘zbekistonda ilk marotaba tashkil qilinayotgan Abu Ali ibn Sino nomidagi xalqaro biologiya olimpiadasiga Buxoro viloyati mezbonlik qiladi.

Bugun mazkur olimpiadaning hakamlar hay’ati a’zolari Buxoro viloyatiga yetib kelishdi. Ular Buxoro xalqaro aeroportida tantanali ravishda kutib olindi.

😄Ushbu olimpiadada ko‘p yillik tajribaga ega o‘zbekistonlik professor-o‘qituvchilar bilan birgalikda Turkiya, Rossiya, Belarus, Ozarbayjon, Qirgʼiziston davlatlaridan yuqori salohiyatli xalqaro darajadagi ekspertlar hakamlar hay’ati tarkibida ishtirok etishmoqda.

🔴 Ayni vaqtda ekspertlar tomonidan xalqaro olimpiadaning nazariy va amaliy bosqichlari uchun topshiriqlar shakllantirilmoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Buxoro

Vazir Buxorodagi taʼlim muassasalariga tashrif buyurdi

🔴 Ayni damda Maktabgacha va maktab taʼlimi vaziri Hilola Umarova Buxoro viloyatida bo‘lib turibdi.

➖ Dastlab vazir Buxoro tumanidagi 23-umumtaʼlim maktabida bo‘lib, taʼlim maskani faoliyati bilan yaqindan tanishdi.

Mazkur maktabda yil davomida ko‘plab iqtidorli o‘quvchilar ingliz va koreys tili sertifikatiga ega bo‘ldi. Shu bilan birga, muassasa o‘quvchilari “Sambo” kurash turi bo‘yicha Osiyo chempionligini qo‘lga kiritgan.

Vazir o‘rganish ishlari jarayonida yakunlangan o‘quv yilida erishilgan natijalar, pedagoglar sifat tarkibi bilan qiziqdi. Yozgi mavsumda taʼlim muassasasida tashkil etilgan sog‘lomlashtirish maydonchasini ko‘zdan kechirdi.

➖ So‘ngra Hilola Umarova olis Peshku tumanidagi 45-davlat maktabgacha taʼlim tashkilotining ochilish tadbirida ishtirok etdi.

Bog‘chada bolajonlar uchun yaratilgan sharoitlarni ko‘zdan kechirdi hamda tarbiyachilar bilan suhbatlashdi.

➖ Shuningdek, vazir tumandagi ixtisoslashtirilgan maktab faoliyati bilan ham yaqindan tanishdi.

Muassasadagi obodonlashtirish ishlari, fizika, kimyo laboratoriya xonalarini ko‘zdan kechirdi.

Hilola Umarova maktab pedagoglari bilan uchrashib, ularning muammolari va taʼlim sifatini oshirish borasidagi takliflarini o‘rgandi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Seminar_trening
#Buxoro

🔴 “Kasbiy rivojlanish kuni” va “Kasbiy rivojlantirish soati” yuzasidan seminar-treninglar bo‘lib o‘tmoqda.

Respublika bo‘ylab tashkil etilgan tadbirlarning navbatdagi Buxoro viloyati Pedagogik mahorat markazida o‘tkazildi. Unda aniq fanlar yo‘nalishida mahorat darslari tashkil etildi.

Mazkur treninglar davomida 25 nafar master trener hamda mentor o‘qituvchilar qamrab olindi. Mashg‘ulotlarda aniq fanlarni o‘qitishda MRT – “moddiy-rasmli-timsolli” yondashuvlarini amaliyotga samarali tatbiq etish haqida so‘z bordi.

🖇 Seminar-treninglar ishtirokchilari kelgusida ushbu bilimlarni umumta'lim maktablaridagi yetakchi o‘qituvchilarga ham yetkazishi ko‘zda tutilgan.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin