🇺🇿 Bayramga tuhfa: Surxondaryoda 19 ta maktab foydalanishga topshirildi

📉Mamlakatimizda Muhtaram Prezidentimiz rahbarligida amalga oshirilayotgan keng ko‘lamli islohotlar Surxondaryo viloyatida ham o‘z samarasini bermoqda. Jumladan, ta'lim muassasalarini zamonaviy ko‘rinishga keltirish maqsadida yirik loyihalar asosida ijtimoiy soha obyektlari qurib foydalanishga topshirilmoqda.

➡️Surxondaryo viloyatida joriy yilda davlat dasturlari va tegishli qarorlarga asosan 48 ta maktabda kapital rekonstruksiya, qurilish-ta’mirlash ishlari bajarildi va ushbu maktablarning
19 tasi, xususan, Angor tumanida 2 ta, Boysun tumanida 2 ta, Denov tumanida 4 ta, Jarqo'rg'on tumanida 2 ta, Sherobod tumanida 1 ta, Uzun tumanida 1 ta, Qumqo'rg'on tumanida 2 ta, Sariosiyo tumanida 2 ta, Muzrabot tumanida 1 ta, Termiz shahrida 1 ta, Oltinsoy tumanida 1 ta maktab binolari yangi o'quv yili oldidan foydalanishga topshirildi.

⚡️Maktablarning ochilish marosimida tuman mutasaddi rahbarlari, faollar va nuroniy o‘qituvchilar bilan birgalikda mamlakatimizda hurmatli prezidentimiz tomonidan amalga oshirilayotgan keng ko‘lamli islohotlar haqida so‘z bordi. Jumladan, maktab va maktabgacha ta'lim yo‘nalishiga oxirgi yillarda keng e'tibor qaratilganligi alohida ta'kidlandi.

ℹ️Hozirgi kunda qolgan obyektlarda ham qurilish ishlari davom etayotgan bo'lib, tez kunlarda foydalanishga topshirilishi ko'zda tutilgan.

Telegram | Facebook | Instagram | You tube | Twitter | Veb-sayt