#Фарғона

🔴 Maktabgacha va maktab ta’limi vaziri o‘rinbosari Farhod Boqiyev ayni vaqtda Farg’ona viloyatida bo’lib turibdi.

Viloyatdagi uchrashuvlar davomida Farhod Boqiyev maktab direktorlari, ularning o‘quv ishlar hamda ma’naviy-ma’rifiy ishlar bo‘yicha o‘rinbosarlari va maktabgacha ta’lim tashkiloti rahbarlari bilan uchrashdi.

Unda bugungi kunda mamlakatimizda ta’limni rivojlantirish masalasi davlat siyosati darajasida muhim ahamiyat kasb etayotganligi va bu jarayon umummilliy harakatga aylanib borayotganligi alohida ta’kidlab o‘tildi.

Shuningdek, rahbar o‘quvchilarning bo‘sh vaqtlarini mazmunli tashkil etish, ta’lim samaradorligini oshirish, muallimlarning o‘z bilimlarini muntazam oshirib borishlari, maktablarda o‘tkazilayotgan pedagogik kengashlarning roli va vazifasi xususida fikrlari bilan o‘rtoqlashdi.

❗️Bundan tashqari, vazir o‘rinbosari Bag‘dod tumanidagi 46-maktab, Gulnora Matqulobod “Bodomlari” ishlab chiqarish korxonasi qoshidagi maktab to‘garagi faoliyati bilan ham tanishdi.

Ushbu korxona tomonidan maktab o‘quvchilariga kasb-hunar o‘rgatish maqsadida to‘garak tashkil etilgan bo’lib, mazkur yo‘nalishda maktabninig 21 nafar yuqori sinf o‘quvchilari bodomni qayta ishlash sirlarini o‘rganmoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik

✅ Bugun Maktabgacha va maktab ta’limi vaziri o‘rinbosari Sardor Rajabov Creative Associates International (CAI) prezidenti Leland Kruvant boshchiligidagi delegatsiya bilan uchrashdi.

Yig‘ilishda vazirlik va CAIning inklyuziv ta’lim va umuman ta’limni rivojlantirish borasidagi birgalikdagi sa’y-harakatlari tufayli salmoqli yutuqlar qayd etildi.

Muvaffaqiyatli hamkorlik va qo‘shma loyihalarni amalga oshirish jarayonida erishilgan ijobiy o‘zgarishlar uchun har ikki tomon chuqur minnatdorlik bildirdi.

Ta’kidlash joizki, CAI prezidenti Kruvant vazirlik tomonidan taklif etilgan tashabbuslarni qo‘llab-quvvatlashga tayyor ekanligini va mamlakatda ta’limni yanada takomillashtirish bo‘yicha muvaffaqiyatli hamkorlik qilishiga ishonch bildirdi.

Ushbu uchrashuv O‘zbekiston Respublikasi Maktabgacha va maktab ta’limi vazirligi va Creative Associates International kompaniyasi o‘rtasidagi hamkorlikni chuqurlashtirish, ta’lim va inklyuzivlik sohasida hamkorlikda ishlash uchun yangi istiqbollarni ochish yo‘lidagi muhim qadam bo‘ldi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin