Fransuz tili o‘qituvchilari uchun malaka oshirish kurslarining 2-bosqichi boshlandi

✅ Avval xabar berilganidek, Maktabgacha va maktab vazirligi tomonidan Fransiyaning O‘zbekistondagi elchixonasi bilan hamkorlikda fransuz tili o‘qituvchilarni Fransiyaning nufuzli oliygohlariga stajirovkaga yuborish yuzasidan yangi loyihaga start berilgan.

Loyihaning 1-bosqichi doirasida joriy yilning 7-8-may kunlari fransuz tili ustozlari bilimlari “Ev@lang” platformasi orqali baholandi.

Kuni kecha 1-bosqich natijalariga muvofiq 2-bosqichga tavsiya etilgan o‘qituvchilar uchun 30 soatlik malaka oshirish kurslari boshlandi. Kurslar doriy yilning 14-iyun kuniga qadar davom etadi.

❗️Mazkur kurslar Toshkent shahri va Samarqand viloyatidagi Fransuz alyans tashkilotida o‘tkazilmoqda. Malaka oshirish kurslari fransiyalik malakali mutaxassislar tomonidan olib borilmoqda.

Ushbu loyihaning keyingi bosqichida o‘qituvchilar  15 soatlik onlayn shaklda malaka oshirish kurslarida ishtirok etishi va ularni 4-bosqichda Fransiyaning nufuzli — Nitsa va Grenobl oliygohlariga stajirovkaga yuborish rejalashtirilgan.

⚡️Shuni alohida ta’kidlash joiz: ushbu imkoniyat Fransiya davlati tomonidan ilk bora taqdim qilinmoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

O‘zbekistonda taʼlim natijalari yaxshilanadi

✅ Maktabgacha va maktab taʼlimi vazirligi hamda BMT Bolalar jamg‘armasi (YUNISEF) vakolatxonasi tomonidan yig‘ilish o‘tkazildi. Ushbu yig‘ilishda O‘zbekiston maktablarida sunʼiy intellekt asosidagi raqamli platformani mahalliylashtirish bo‘yicha pilot loyiha natijalari taqdim etildi.

Tadbirda Maktabgacha va maktab taʼlimi vazirligi, BMT Bolalar jamg‘armasi (YUNISEF), YUNESKO, Jahon banki, Britaniya kengashi, USAID, Osiyo Taraqqiyot Banki, Yevropa Ittifoqi, GIZ, BMT Taraqqiyot dasturi, Finlyandiya Milliy taʼlim agentligi hamda 50 dan ortiq milliy va xalqaro tashkilotlar vakillari ishtirok etdi.

Unda Maktabgacha va maktab ta’limi vaziri o’rinbosari Sardor Rajabov ham ishtirok etdi.

Uchrashuvdan ko‘zlangan asosiy maqsad yurtimizda taʼlim natijalarini yaxshilash, taʼlim texnologiyalaridan foydalanish bo‘yicha umumiy tasavvurga ega bo‘lish, milliy va xalqaro hamkorlar o‘rtasida muloqotni yo‘lga qo‘yishdan iborat.

Ishtirokchilar tomonidan mamlakatimiz maktablarining 5-sinf o‘quvchilari o‘rtasida 12 haftalik Eduten platformasini pilot loyihasi natijalarini muhokama qilindi.

Yig‘ilish so‘nggida pilot loyiha yordamida o‘quvchilarning matematika bo‘yicha bilimlari yaxshilanib, ularning o‘qishga bo‘lgan motivatsiyasi oshirilishi qayd etib o‘tildi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin