#Hududiy_rahbarlar_bilan_tanishtiramiz

✅Mamadiyev Xusniddin Norboyevich – Surxondaryo viloyati Maktabgacha va maktab ta'limi boshqarmasi boshlig'i lavozimida faoliyat olib bormoqda.

U 1984-yilda Surxondaryo viloyati, Angor tumanida tavallud topgan.

Bunga qadar turli yillarda:

➖O'zbekiston Respublikasi Prezidenti huzuridagi Davlat va jamiyat qurilishi akademiyasi kafedra kabinet mudiri;
➖Respublika yoshlar markazi direktori;
➖Olmazor tumani hokimining oʼrinbosari,
➖Olmazor tuman hokimining oʼrinbosari – “Yoshlik” shaharchasi hokimi;
➖Davlat xizmatini rivojlantirish agentligi Toshkent shahar filiali bosh inspektori;
➖Prezident ta'lim muassasalari agentligi Surxondaryo viloyati bo'limi boshlig'i lavozimlarida faoliyat olib borgan.

❗️Qabul kuni: haftaning juma kuni 9:00 dan 12:00 gacha va 14:00 dan 17:00 gacha.

👉 Boshqarma boshlig'ining murojaatlarni qabul qilish boti ishga tushirilgan bo'lib, fuqarolar ushbu manzil orqali o'z taklif va murojaatlarini yo'llashlari mumkin: @svmmtb_bot

Vazirlikning rasmiy sahifalariga ulanish
Telegram | Youtube | Facebook | Instagram

O‘zbekistonlik o’quvchilar
20-Xalqaro Jautikov olimpiadasida ishtirok etish uchun Qozog’istonga yo'l oldi!

Joriy yilning 7-13-yanvar kunlari Qozog’istonning Olma-ota shahrida 20-Xalqaro Jautikov olimpiadasi o’tkaziladi. Xalqaro olimpiada matematika, fizika va informatika fanlari bo’yicha tashkil qilinib, unda dunyoning 20 ga yaqin mamlakatlarining iqtidorli yoshlari ishtirok etishi kutilmoqda.

Mazkur xalqaro olimpiadaga xalqaro olimpiadalarga saralashning birinchi bosqich natijalariga ko’ra terma jamoa shakllantirilgan.

Bundan oldingi Xalqaro Jautikov olimpiadasida o‘zbekistonlik o'quvchilar 5 ta kumush va 8 ta bronza medallarini qo’lga kiritgan.
Bu yilgi olimpiadada mamlakatimiz sharafini himoya qilayotgan yoshlarimizga omad va zafarlar tilab qolamiz!

👉 olympiad.uzedu.uz

#Sarhisob

2023-yilda Maktabgacha va maktab ta'limi vazirligi tomonidan ijtimoiy himoya va inklyuziv ta'lim yo'nalishida quyidagi ishlar amalga oshirildi:

➖Inklyuziv ta’limni bosqichma-bosqich rivojlantirib borish maqsadida inklyuziv ta’lim joriy etilgan maktablar soni 415 ta (2022-yilga nisbatan 2 baravar ko‘p) ga, ulardagi o‘quvchilar soni 736 nafar (2022-yilga nisbatan 200 nafar ko‘p) ga yetdi.

➖Qoraqalpog‘iston Respublikasi, Andijon va Farg‘ona viloyatlarida “Mehrli maktab” davlat ta’lim muassasasi filiallari faoliyati yo‘lga qo‘yilib, ularda 1172 nafar bolalar ta’lim-tarbiya bilan qamrab olindi.

➖Yetim va ota-ona qaramog‘idan mahrum bo‘lgan bolalarning 153 nafari uy-joy bilan ta’minlandi, 1105 nafari esa oliy ta’lim muassasalariga davlat grandi asosida o‘qishga qabul qilindi.

➖Eshitishida nuqsoni bo‘lgan o‘quvchilarning 350 nafari bepul eshitish apparatlari bilan ta’minlandi.

➖“Zamin” xalqaro jamoat fondi bilan hamkorlikda “Eshitishni xohlayman!” “Zamin creative”, “Zamin education”, “Inklyuziv ta’lim” kabi loyihalar yo‘lga qo‘yildi va ushbu loyihalar doirasida 500 nafardan ortiq pedagog xodimlar, 1000 nafardan ortiq o‘quvchilar uchun o‘quv-seminarlar, turli tadbirlar va IT oromgohi tashkil etildi.

➖Alohida ta’lim ehtiyoji bo‘lgan bolalar uchun ixtisoslashtirilgan maktab-interntalari o‘quvchilari o‘rtasida “Besh tashabbus paralimpiadasi” sport musobaqalari tashkil qilinib, unda 7500 nafar nogironligi bo‘lgan bolalar qamrab olindi.

➖Ko‘zi ojiz va zaif ko‘ruvchi bolalar uchun ixtisoslashtirilgan “Nurli maskan” ta’lim muassasalri o‘quvchilari o‘rtasida “Zakovat” intellektual musobaqasi tashkil qilindi.

Vazirlikning rasmiy sahifalariga ulanish
Telegram | Youtube | Facebook | Instagram

✅ Yurtimizning ilmli, izlanuvchan yoshlari tom ma’noda bizning kelajagimiz. Ular erishayotgan har bir yutuq, o’z oldiga qo’ygan ulkan maqsad va rejalari bizga faxr va iftixor baxsh etadi.

Zero, biz ularning yangi tajriba va bilimlarga ega bo’lishayotganiga guvoh bo’lib, mamlakatimiz ertasi ishonchli qo’llarda ekaniga ishonamiz.

Shu yilning 11-yanvar kuni bo’lib o’tadigan “Tech4Good” musobaqasining global final bosqichida o’zbekistonlik yoshlarning ham ishtirok etayotgani meni juda quvontirdi.

Bu musobaqada O’zbekistonning “Techno Mind” jamoasi “Aquatibia” loyihasi bilan qatnashmoqda, ular orasida “Yangi O’zbekiston” universiteti talabalari Zulfiya Usmonova va Otabek Atabayev ham bor.

❗️Finalda shuningdek Jazoir, Singapur, Italiya, Chili, BAA, Kolumbiya, Germaniya, Braziliya va Namibiya jamoalari ham ishtirok etishadi.

Mazkur bosqichda g‘olib bo‘lgan jamoalar katta miqdordagi pul mukofotlari, esdalik sovrinlar hamda o‘z startap g‘oyalarini rivojlantirish uchun 100 ming dollar grant bilan taqdirlanadi.

Talabalarimizga finalda omad va muvaffaqiyat yor bo’lishini tilayman!

Biz sizga ishonamiz, aziz yoshlar!

#cўраган_эдингиз…

❓Maktabgacha, umumiy o‘rta va maktabdan tashqari ta’lim tashkilotlari pedagog kadrlariga malaka toifalari berishning yangi tartibida sinovlar ikki bosqichda o‘tkazilar ekan. Buning tartibi qanday?

❗️Birinchi bosqichda — pedagog kadrlar o‘z mutaxassislik fani va kasb standarti bo‘yicha bilim darajasini aniqlash maqsadida 40 ta test topshirig‘ini bajaradi. Har bir to‘g‘ri bajarilgan test topshirig‘i 2 ball bilan baholanib, test sinovlari uchun jami 80 ball beriladi.

✔️ Ikkinchi bosqichda – pedagogik mahoratni aniqlash maqsadida ilg‘or pedagogik uslub va texnologiyalarni (“case study” uslubi, loyihalar uslubi, hamkorlikda o‘qitish, “amaliy o‘yin”, interfaol ta’lim uslubi va boshqalar) qo‘llash bo‘yicha 10 ta topshiriq beriladi. Har bir to‘g‘ri berilgan javob 2 ball bilan baholanib, jami 20 ball beriladi.

Izoh: Har ikkala bosqich ham bir vaqtda kompyuter dasturlari orqali amalga oshiriladi.

Vazirlikning rasmiy sahifalariga ulanish
Telegram | Youtube | Facebook | Instagram

Ayrim bog‘cha tarbiyalanuvchilarining davlat maktabgacha ta’lim tashkilotlaridagi oziq-ovqat xarajatlari davlat budjetidan qoplab beriladi

❗️O‘zbekiston Respublikasi Prezidentining 2023-yil 29-dekabrdagi PF-221-son Farmoni bilan O‘zbekiston Respublikasi Prezidentining 2023-yil 26-maydagi PF-79-son hamda 2022-yil 7-martdagi PF-87-son Farmonlariga tegishli o‘zgartirishlar kiritildi.

Unga ko‘ra:

➖ 2030-yil 1-yanvarga qadar maktabgacha va maktab ta’limi tizimidagi muassasa va tashkilotlarning (vazirlik markaziy apparati va uning hududiy bo‘linmalaridan tashqari) budjetdan tashqari mablag‘lari hisobidan amalga oshiriladigan ish haqi va unga tenglashtirilgan to‘lovlarga ijtimoiy soliq stavkasi 1 foiz miqdorida belgilanadi;

➖davlat maktabgacha ta’lim tashkilotlariga to‘lanadigan ota-onalar badalidan ozod qilingan (boquvchisini yo‘qotgan xotin-qizlarning farzandlari) tarbiyalanuvchilarning davlat maktabgacha ta’lim tashkilotlaridagi oziq-ovqat xarajatlari to‘liq davlat budjetidan qoplab beriladi.

Vazirlikning rasmiy sahifalariga ulanish
Telegram | Youtube | Facebook | Instagram

📣 Attestatsiyada ishtirok etish uchun ro‘yxatdan o‘tish va murojaat yuborish 15-yanvardan boshlanadi

✅ Maktabgacha, umumiy o‘rta va maktabdan tashqari ta’lim tashkilotlari pedagog kadrlarining joriy yilgi attestatsiyadan o‘tkazish jarayonlari 2024-yil 15-yanvardan boshlanadi. Ushbu toifadagi pedagoglar joriy yil yanvar-iyun oylarida o‘tkaziladigan attestatsiyada ishtirok etishlari uchun 15-yanvardan 1-martga qadar ro‘yxatdan o‘tishi va murojaat yuborishi mumkin.

❗️Buning uchun pedagoglar Vazirlik tomonidan ishlab chiqilgan pedkadr.uzedu.uz platformasi orqali:

➖Nizomda belgilangan tartibda ro‘yxatdan o‘tishi va murojaat yuborishi;

➖shaxsiy kabineti orqali malaka sinovi o‘tgan kunning o‘zidayoq attestatsiya natijalari bilan tanishishi;

➖attestatsiya yakunida pedagoglarga beriladigan QR-kod qo‘yilgan elektron shakldagi sertifikatlarni yuklab olishi mumkin.

🔹Mazkur platformani hozirgi kunda tegishli vazirlik va idorlarning elektron tizimlari bilan integratsiya qilish ishlari yakunlanmoqda.

Ma’lumot uchun: 2023-yilning 5-7-dekabr kunlari “pedkadr.uzedu.uz” elektron platformasi orqali 20 ta tuman (shahar) pedagoglari ishtirokida malaka toifalari berishning yangi tizimi kompyuterda real vaqt rejimida (onlayn) tajriba-sinovdan o‘tkazildi.

Vazirlikning rasmiy sahifalariga ulanish
Telegram | Youtube | Facebook | Instagram

#Sarhisob
#Podkast

Podkast: Maktabgacha va maktab ta'limi vazirligi mas'ullari PISA 2022 natijalari va tadqiqot jarayonlari haqida

Mazkur podkastda mutaxassislar tomonidan:

➖ PISA testlari o‘zi nimani anglatishi,
➖O‘zbekiston natijalari,
➖qiziqarli statistikalar,
➖vaziyatni yaxshilash uchun qanday ishlar olib borilayotgani haqida so'z bordi.

👉 Podkastni YouTube sahifasi orqali tomosha qilishingiz mumkin: https://youtu.be/xU5E0RXURt0